ဗီယက်နမ်ယူ-၂၃

June 7, 2019

ဗီယက်နမ်က ရေပန်းစားနေပေမယ့် ၁၁ ယောက်၊ ၁၁ ယောက်ချင်း ယှဉ်ကစားရတာပါ - မြန်မာယူ ၂၃ နည်းပြချုပ်

ဗီယက်နမ်အသင်းဟာ ဆီးဂိမ်းမှာ ဗိုလ်စွဲဖို့ ရေပန်းစားနေပေမယ့် ၁၁ ယောက်ချင်းစီ ယှဉ်ပြိုင်ကစားရတာကြောင့် အကောင်းဆုံး ယှဉ်ပြိုင်သွားမယ်လို့ မြန်မာယူ ၂၃ အသင်း နည်းပြချုပ်က ပြောပါတယ်။ ဗီယက်နမ်နိုင်ငံ ဗီယက်ထရွိုင်မြို့မှာ ခြေစမ်းပွဲကစားမယ့် ဗီယက်နမ်ယူ ၂၃ အသင်းနဲ့ မြန်မာယူ ၂၃ အသင်းတို့ရဲ့ ပွဲစဉ်မတိုင်မီ နှစ်ဖက်အသင်း အုပ်ချုပ်သူ၊ နည်းပြတွေရဲ့ ပွဲကြိုသတင်းစာ ရှင်းလင်းပွဲကို ဇွန် ၆ ရက် မွန်းလွဲပိုင်းက ဗီယက်ထရွိုင်ကွင်းမှာ ပြုလုပ်ခဲ့ပါတယ်။ ဗီယက်နမ်ယူ ၂၃ အသင်းဟာ လက်ရွေးစင်အသင်းနဲ့အတူ ထိုင်းဘုရင့်ဖလား ကစားနေတဲ့ ကစားသမားတချို့ မပါဝင်နိုင်တာနဲ့ ပတ်သက်ပြီး ဗီယက်နမ် မီဒီယာတွေရဲ့ မေးမြန်းမှုကို မြန်မာယူ ၂၃ အသင်း နည်းပြချုပ် မစ္စတာပိုပေါ့ဗ်က အခုလို ပြောပါတယ်။ "အဓိက ကစားသမားတချို့ ပါခြင်း မပါခြင်းထက် ဗီယက်နမ်အသင်းက ဆီးဂိမ်းစ်မှာ ဗိုလ်စွဲဖို့ ရေပန်းစားနေတဲ့အသင်း ဖြစ်တာကြောင့် ဒီခြေစမ်းပွဲက ကျနော်တို့အတွက် အကျိုးရှိပါတယ်။ ဘာကြောင့်လဲဆိုတော့ ကျနော်တို့အနေနဲ့ ဆီးဂိမ်းစ်မှာ အောင်မြင်မှုကြီး တခုခု ရချင်တယ်ဆိုရင် ဗီယက်နမ်လို ပြိုင်ဘက်ကောင်းမျိုးနဲ့ ကောင်းကောင်းကစားနိုင်ဖို့ လိုပါတယ်။" ဒါ့အပြင် ခြေစမ်းပွဲကို အကောင်းဆုံး ကြိုးစားသွားမယ်လို့ မြန်မာနည်းပြက ပြောပါတယ်။ "ဗီယက်နမ်က ရေပန်းစားနေတယ် ဆိုပေမယ့်လည်း ၁၁ ယောက်၊ ၁၁ ယောက်ချင်း ယှဉ်ကစားရတာပါ။ အကောင်းဆုံး ကြိုးစားသွားမှာဖြစ်လို့ ပွဲရလဒ်နဲ့ ကျနော်တို့ရဲ့ ခြေစွမ်းကိုတော့ မနက်ဖြန်မှပဲ ကြည့်ကြတာပေါ့။" ဗီယက်နမ်နည်းပြချုပ် ပတ်ဟန်ဆိုးမှာ စီနီယာအသင်းကို ကိုင်တွယ်နေတာကြောင့် သတင်းစာရှင်းလင်းပွဲကို တက်ရောက်နိုင်ခြင်း မရှိဘဲ လက်ထောက်နည်းပြသာ တက်ရောက်ခဲ့ပါတယ်။ ဒါပေမယ့် ပတ်ဟန်ဆိုးဟာ ဇွန် ၇ ရက် ကစားမယ့် ခြေစမ်းပွဲမှာ ဗီယက်နမ် ယူ ၂၃ အသင်းကို ကိုင်တွယ်မယ်လို့ သိရပါတယ်။ ဗီယက်နမ်ယူ ၂၃ အသင်းနဲ့ မြန်မာယူ ၂၃ အသင်းတို့ရဲ့ ခြေစမ်းပွဲကို ဇွန် ၇ ရက်၊ မြန်မာစံတော်ချိန် ည ၇း၃၀ နာရီ ပရိသတ် ၁၇,၀၀၀ ဆန့် ဗီယက်ထရွိုင်ကွင်းမှာ ယှဉ်ပြိုင်ကစားမှာပါ။ ရုပ်သံအနေနဲ့ ဗီယက်နမ်ရုပ်သံလိုင်း VTC၊ အွန်လိုင်းအနေနဲ့ VFF youtube channel တို့ကနေ တိုက်ရိုက်ထုတ်လွှင့် ပြသမယ်လို့ သိရပါတယ်။ ခြေစမ်းပွဲမှာ အိမ်ရှင် ဗီယက်နမ်အသင်းက အနီရောင်ဂျာစီ ဝတ်ဆင်မှာဖြစ်ပြီး မြန်မာအသင်းက အဖြူရောင် ဝတ်ဆင်မှာပါ။ မြန်မာယူ ၂၃ အသင်းဟာ ဗီယက်နမ်အသင်းနဲ့ ခြေစမ်းပွဲအတွက် မနေ့ညပိုင်းက ဗီယက်ထရွိင်ကွင်းမှာ လေ့ကျင့်မှု ပြုလုပ်ခဲ့ပါတယ်။
2 years Ago

August 24, 2018

ဗီယက်နမ် ယူ-၂၃ အသင်း အာရှအားကစားပြိုင်ပွဲ ကွာတားဖိုင်နယ်တက်

အင်ဒိုနီးရှားနိုင်ငံမှာ ကျင်းပနေတဲ့ အာရှအားကစားပြိုင်ပွဲ အမျိုးသားဘောလုံးပြိုင်ပွဲ ရှုံးထွက်ပွဲစဉ်တွေမှာ ဗီယက်နမ်၊ တောင်ကိုရီးယား၊ ဆီးရီးယားနဲ့ ဥဇဘက်ကစ္စတန်တို့ အနိုင်ရပြီး ကွာတားဖိုင်နယ် တက်ရောက်သွားကြပါတယ်။ မနေ့က ကျင်းပတဲ့ ရှုံးထွက်ပွဲစဉ် ဗီယက်နမ်နဲ့ ဘာရိန်း ပွဲစဉ်မှာ ဗီယက်နမ်က ၁ ဂိုး ဂိုးမရှိ၊ တောင်ကိုရီးယားက အီရန်ကို ၂ ဂိုး ဂိုးမရှိ၊ ဆီးရီးယားက ပါလက်စတိုင်းကို ၁ ဂိုး ဂိုးမရှိ၊ ဥဇဘက်ကစ္စတန်က ဟောင်ကောင်ကို ၃ ဂိုး ဂိုးမရှိနဲ့ အသီးသီး အနိုင်ရသွားတာပါ။ လက်ကျန် ရှုံးထွက်ပွဲစဉ်တွေအဖြစ် တရုတ်နဲ့ ဆော်ဒီအာရေးဗျ၊ မလေးရှားနဲ့ ဂျပန်၊ အိမ်ရှင် အင်ဒိုနီးရှားနဲ့ ယူအေအီး၊ ဘင်္ဂလားဒေ့ရ်ှနဲ့ မြောက်ကိုရီးယားတို့ ဒီနေ့ ဆက်လက်ယှဉ်ပြိုင်ကြမှာ ဖြစ်ပါတယ်။ ကွာတားဖိုင်နယ်ပွဲစဉ်တွေကိုတော့ လာမယ့် သြဂုတ် ၂၇ နဲ့ ၂၈ ရက်နေ့တွေမှာ ဆက်လက်ယှဉ်ပြိုင်မှာဖြစ်ပြီး လောလောဆယ် ဗီယက်နမ်နဲ့ ဆီးရီးယား၊ တောင်ကိုရီးယားနဲ့ ဥဇဘက်ကစ္စတန်တို့ တွေ့ဆုံနေပါတယ်။ အာရှအားကစားပြိုင်ပွဲ အမျိုးသားဘောလုံးပြိုင်ပွဲ လက်ရှိချန်ပီယံကတော့ တောင်ကိုရီးယားအသင်းဖြစ်ပြီး မြောက်ကိုရီးယားက ဒုတိယ၊ အီရန်က တတိယနဲ့ ထိုင်းအသင်းက စတုတ္ထ ရထားပါတယ်။ အာရှအားကစားပြိုင်ပွဲ အမျိုးသားဘောလုံးပြိုင်ပွဲတွေကို အသက် ၂၃ နှစ်အောက် နိုင်ငံလက်ရွေးစင်အသင်းတွေ ယှဉ်ပြိုင်ကြတာဖြစ်ပြီး တသင်းမှာ ၂၃ နှစ်ထက်ကြီးတဲ့ ကစားသမား ၃ ဦးစီ ထည့်သွင်းယှဉ်ပြိုင်ခွင့် ရှိပါတယ်။
3 years Ago
Up