ဗိုလ်ချုပ် စောနေစိုးမြ

August 4, 2021

KNU/KNLA-PC စစ်ရေးချုပ် ဗိုလ်ချုပ် စောနေစိုးမြ ကိုဗစ်-၁၉ ရောဂါဖြင့် ကွယ်လွန်

KNU/KNLA-PC ငြိမ်းချမ်းရေးကောင်စီမှာ စစ်ရေးချုပ် တာဝန်ထမ်းဆောင်နေတဲ့ ဗိုလ်ချုပ် စောနေစိုးမြဟာ ကိုဗစ်-၁၉ ရောဂါနဲ့ ဩဂုတ် ၃ ရက် ညက ကိုဗစ်-၁၉ ရောဂါနဲ့ ကွယ်လွန်သွားပါတယ်။

ဗိုလ်ချုပ် စောနေစိုးမြဟာ ထိုင်းဒေသစံတော်ချိန် မနေ့ည  ၁၀ နာရီခွဲမှာ ထိုင်းနိုင်ငံ မဲဆောက်မြို့ရှိ အင်တာနေရှင်နယ်ဆေးရုံမှာ  တက်ရောက်ဆေးကုသမှုခံယူနေစဉ် ကွယ်လွန်သွားတာဖြစ်ပြီး  ကွယ်လွန်ချိန်မှာ အသက် ၄၆ နှစ်ရှိပြီဖြစ်ပါတယ်။

ဗိုလ်ချုပ်စောနေစိုးမြဟာ ကရင့်အမျိုးသားတော်လှန်ရေး ခေါင်းဆောင်ကြီး ဗိုလ်ချုပ်ကြီး စောဘိုမြရဲ့ အငယ်ဆုံးသားဖြစ်ပါတယ်။

ကရင်အမျိုးသားအစည်းအရုံး (KNU) ကနေခွဲထွက်သွားတဲ့ ဗိုလ်ချုပ်ထိန်းမောင်ဦးဆောင်တဲ့ KNU/KNLA-PC ငြိမ်းချမ်းရေးကောင်စီမှာ ဗိုလ်ချုပ်စောနေစိုးမြက စစ်ရေးချုပ်အဖြစ်   တာဝန်ထမ်းဆောင်နေစဉ် ကွယ်လွန်သွားတာဖြစ်ပါတယ်။

KNU/KNLA-PC ငြိမ်းချမ်းရေးကောင်စီ ကရင်လက်နက်ကိုင်အဖွဲ့ဟာ အစိုးရနဲ့ တနိုင်လုံးအပစ်အခတ်ရပ်စဲရေး သဘောတူစာချုပ် (အန်စီအေ) လက်မှတ်ထိုးထားတဲ့ အဖွဲ့ဖြစ်ပါတယ်။

Photo Credit- Nawtayar

2 months Ago
Up