ဗိုလ်ချုပ်ကြီးယွက်စစ်

July 2, 2021

စစ်အာဏာသိမ်းမှုကြောင့် ပြည်သူလူထုအတိဒုက္ခရောက်နေဟု ဗိုလ်ချုပ်ကြီးယွက်စစ်ပြော

စစ်ကောင်စီအုပ်ချုပ်တဲ့ ၅ လ တာကာလအတွင်း ပြည်ထောင်စုကြီးဟာ တည်ငြိမ်အေးချမ်းမှု ကင်းမဲ့ပြီး တိုင်းရင်းသားပြည်သူ တစ်ရပ်လုံးမှာ အစစအရာရာအတိဒုက္ခရောက်စေခဲ့ပြီး ကျီးလန့်စာ စားနေရတဲ့ဘဝကို တွန်းပို့စေခဲ့တယ်လို့  ဗိုလ်ချုပ်ကြီး ယွက်စစ်က ပြောပါတယ်။

 ငြိမ်းချမ်းရေးလုပ်ငန်းစဉ်ဦးဆောင်အဖွဲ့ (PPST) ရဲ့  ယာယီ ခေါင်းဆောင် ရှမ်းပြည်ပြန်လည်ထူထောင်ရေးကောင်စီ(RCSS/SSA) မှ ဗိုလ်ချုပ်ကြီး ယွက်စစ်က ဇူလိုင်လ ၁ ရက်နေ့မှာ ကျင်းပတဲ့ (PPST)အစည်းဝေးအဖွင့်မိန့်ခွန်းမှာ ပြောဆိုလိုက်တာပါ။

အခုလက်ရှိ ရှမ်းပြည်နယ်မြောက်ပိုင်းမှာဖြစ်ပွားနေတဲ့ ညီနောင်တိုင်းရင်းသားတွေကြားက စစ်ရေးပွတ်တိုက်မူတွေမှာ နိုင်ငံရေးအရပါဝင်ပတ်သက်မှုတွေရှိနေလို့ စစ်ရေးပွတ်တိုက်မှုူဟာ ပိုမိုကျယ်ပြန့် ကြီးမာလာနိုင်ပြီး တစ်နိုင်ငံလုံး နိုင်ငံရေးကိုပါ ရိုက်ခတ်လာနိုင်တယ်ဆိုတာ သတိပြုစေလိုကြောင်းလည်း ဗိုလ်ချုပ်ကြီးယွက်စစ်က  သတိပေးစကားပြောကြားပါတယ်။

ဒီကနေ့အစည်းအဝေးမှာ ဗိုလ်ချုပ်ကြီးယွက်စစ်က  အမျိုးသားညီညွတ်ရေးအစိုးရ (NUG) နဲ့လည်း ဘုံသဘောတူညီချက်တွေချမှတ်နိုင်ဖို့ ဆွေးနွေးသွားမှာဖြစ်ပြီး ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST)ရဲ့ ဦးဆောက်မှု အခန်းကဏ္ဍကိုလည်း ပြန်လည်သုံးသပ်မှာ ဖြစ်ကြောင်း ပြောဆိုခဲ့ပါတယ်။

လက်ရှိမှာတော့ ရှမ်းပြည်ပြန်လည်ထူထောင်ရေးကောင်စီ၊ ရှမ်းပြည်တပ်မတော် (RCSS/ SSA) နဲ့ ရှမ်းပြည်တိုးတတ်ရေးပါတီ၊ ရှမ်းပြည်တပ်မတော် SSPP/SSA ပူးပေါင်း မဟာမိတ် တပ်ဖွဲ့ တို့ ရှမ်းပြည်နယ်မြောက်ပိုင်းကျောက်မဲမြို့နယ်နဲ့ ရှမ်းပြည်နယ်တောင်ပိုင်း ကျေးသီးမြို့နယ်တွေမှာ တိုက်ပွဲအပြင်းအထန်းဖြစ်ပွားနေပြီး တိုက်ပွဲရှောင်ဦးရေ ထောင်နဲ့ချီ ရှိနေပါတယ်။

5 months Ago

April 26, 2021

နွေဦးတော်လှန်ရေးကျဆုံးသူများအတွက် စစ်ကောင်စီတာဝန်ခံရမည်ဟု ဗိုလ်ချုပ်ကြီးယွက်စစ် သတိပေး

နွေဦးတော်လှန်ရေးမှာ အကြမ်းဖက်ပစ်ခတ်သတ်ဖြတ်မှုတွေကြောင့် ကျဆုံးသွားခဲ့တဲ့ အပြစ်မဲ့ ပြည်သူ ၇၀၀ ကျော်အတွက် စစ်ကောင်စီအနေနဲ့ တာဝန်ခံရမယ်လို့ PPSTယာယီ အဖွဲ့ခေါင်းဆောင်က သတိပေးလိုက်ပါတယ်။

အမျိုးသားညီညွတ်ရေးအစိုးရဖွဲ့စည်းနိုင်တဲ့အပေါ် ငြိမ်းချမ်းရေးလုပ်ငန်းစဉ်ဦးဆောင်အဖွဲ့ PPST အနေနဲ့ နှစ်ထောင်းအားရမိတယ်လို့ RCSS ခေါင်းဆောင် ဗိုလ်ချုပ်ကြီးယွက်စစ်က ဆိုပါတယ်။

ဧပြီ ၂၆ ရက်မှာ ကျင်းပနေတဲ့ အန်စီအေ လက်မှတ်ထိုးအဖွဲ့တွေပါဝင်တဲ့ PPSTအစည်းအဝေးမှာ ယာယီအဖွဲ့ခေါင်းဆောင် ဗိုလ်ချုပ်ကြီးယွက်စစ်က အဖွင့်မိန့်ခွန်းပြောကြားခဲ့တာပါ။

အမျိုးသားညီညွတ်ရေးအစိုးရဖွဲ့စည်းနိုင်ခဲ့တာဟာ အာဏာရှင်စနစ် အပြီးသတ်ချုပ်ငြိမ်းရေး နဲ့ ဖက်ဒရယ်ဒီမိုကရေစီပြည်ထောင်စုတည်ဆောက်ရေးအတွက် အရေးကြီးတဲ့ ခြေလှမ်း ဖြစ်တယ်လို့လည်း ဆိုပါတယ်။

ဒါ့အပြင် အာဆီယံရဲ့ထုတ်ပြန်ချက် ၅ ချက်ကို ကြိုဆိုလိုက်ပြီး ပူးပေါင်းဆောင်ရွက်သွားမယ်လို့လည်း မိန့်ခွန်းမှာ ထည့်သွင်းပြောဆိုထားပါတယ်။ 

ဒါပေမဲ့လည်း မတရားဖမ်းဆီးထားထိန်းသိမ်းခံထားရတဲ့ ခေါင်းဆောင်တွေနဲ့ ပြည်သူလူထု အားလုံးကိုတော့ ခြွင်းချက်မရှိ လွတ်မြောက်ရေးအတွက် အာဆီယံအနေနဲ့ ကြိုးပမ်းဆောင်ရွက်ဖို့ကို တိုက်တွန်းထားပါတယ်။

အလားတူ နွေဦးတော်လှန်ရေးကို သုံးလနီးပါးကြာ အဆက်မပြတ်ဆင်နွှဲနေတဲ့ အလွှာ အသီးသီးက ပြည်သူတွေကို   အကူအညီအထောက်အပံ့တွေ ဆက်လုပ်သွားမယ်လို့လည်း ဆိုပါတယ်။ 

7 months Ago
Up