ဗိုလ်ချုပ်အောင်ဆန်းပုံ တံဆိပ်ခေါင်း

August 9, 2017

ဗိုလ်ချုပ်အောင်ဆန်းပုံတူရုပ်တုကို မြေရွှံ့သားဖြင့်စတင်ပြုလုပ် (ဓာတ်ပုံ)

မြန်မာ့လွပ်လပ်ရေးခေါင်းဆောင်ဗိုလ်ချုပ်အောင်ဆန်းရဲ့ ပုံစံတူ အရွယ်တူရုပ်တု မြေရွှံ့သားနဲ့ စတင်ပြုလုပ်ခြင်းအခမ်းအနားကို ဒီကနေ့မနက်က မန္တလေးမြို့ နန်းမြေဘုံသာ စံနန်းတော်ရာ စန္ဒာမုနိဘုရားအရှေ့မုခ်နေရာမှာ ကျင်းပပါတယ်။ ဗိုလ်ချုပ်အောင်ဆန်းရဲ့ ကျောက်ဆစ်ရုပ်တုနဲ့ ဗိမာန် ပြည်သူ့အပန်းဖြေဥယျာဉ် တည်ဆောက်ရေးအဖွဲ့ကစီစဉ်တဲ့ ဒီအခမ်းအနားကို တမ္ပဝတီ ဦးဝင်းမောင် ဦးအောင်မင်း(မုဒိတာကျောက်ဆစ်လုပ်ငန်း) ဦးလှမြင့်(ပြည့်ဝကြေးသွန်း) စာရေးဆရာ၊ ပန်းချီဆရာတွေတက်ရောက်ခဲ့ကြပါတယ်။  
4 years Ago

February 13, 2017

ဗိုလ်ချုပ်အောင်ဆန်းပုံ တံဆိပ်ခေါင်းထုတ်ဝေမည်

  နိုင်ငံခြားရေးဝန်ကြီးဌာန နှစ်(၇၀)ပြည့်မြောက်အထိမ်းအမှတ်အဖြစ် ဗိုလ်ချုပ်အောင်ဆန်းရဲ့ ရုပ်ပုံနဲ့ တံဆိပ်ခေါင်းကို ပထမဆုံးအကြိမ် ထုတ်ဝေမယ်လို့ နိုင်ငံခြားရေးဌာနက ဒီကနေ့ သတင်းထုတ်ပြန်ပါတယ်။ မြန်မာနိုင်ငံခြားရေးဝန်ကြီးဌာနကို လွပ်လပ်ရေး ကြိုတင်ပြင်ဆင်တဲ့ကာလ ၁၉၄၇ မတ်လ ၁၇ ရက်နေ့မှာ စတင်ဖွဲ့စည်းခဲ့တာဖြစ်ပြီး မြန်မာပြည်ရဲ့ ပထမဆုံးနိုင်ငံခြားရေး ဝန်ကြီးအဖြစ် တာဝန်ယူခဲ့သူကတော့ ဗိုလ်ချုပ်အောင်ဆန်းဖြစ်ပါတယ်။ နိုင်ငံခြားရေးဝန်ကြီးဌာနရဲ့ နှစ်(၇၀)ပြည့် အခမ်းအနားတွေကို အသွင်သဏ္ဍာန်အမျိုးမျိုးနဲ့ ဆင်နွှဲကျင်းပသွားဖို့ရှိနေပါတယ်။ စိတ်ပါဝင်စားစုဆောင်းလိုတဲ့ တံဆိပ်ခေါင်းဝါသနာရှင်တွေအနေဖြင့်  မတ်လ ၁၇ ရက်နေ့မှာ အမြို့မြို့အနယ်နယ်ရှိ ဆက်သွယ်ရေး စာတိုက်စခန်းတွေမှာ ဝယ်ယူနိုင်တဲ့အကြောင်းနဲ့ တံဆိပ်ခေါင်းတန်ဖိုး (၅၀၀)ကျပ် ဖြစ်တယ်လို့သိရပါတယ်။
4 years Ago
Up