ဗိုလ်ချုပ်အောင်ဆန်းတံတား

March 19, 2017

ဗိုလ်ချုပ်အောင်ဆန်းတံတားအမည်ကိစ္စ မော်လမြိုင်မြို့တွင်ဒေသခံထောင်ချီကန့်ကွက်ဆန္ဒပြ

သံလွင်တံတား (ချောင်းဆုံ) ကို `ဗိုလ်ချုပ်အောင်ဆန်းတံတား´ အမည် သတ်မှတ်ပေးဖို့ ပြည်သူ့လွှတ်တော်မှာ ဆုံးဖြတ်တဲ့အပေါ် မော်လမြိုင်မြို့မှာ ဒီကနေ့ ဒေသခံတွေ ထောင်နဲ့ချီပြီး ဆန္ဒပြကြပါတယ်။ မော်လမြိုင်-ချောင်းဆုံဆက်သွယ်တဲ့ တံတားအမည်ပြောင်းလဲမှုနှင့် ပြည်သူ့လွှတ်တော်မှာ အဆိုတင်မဲခွဲဆုံးဖြတ်တဲ့ လုပ်ရပ်အပေါ် မွန်တမျိုးသားလုံး အသွင်နဲ့ ကန့်ကွက်လှုပ်ရှားမှုကို ပြုလုပ်တာ ဖြစ်ပါတယ်။ ဆန္ဒပြပွဲမှာ တိုင်းရင်းသားချစ်ကြည်ရင်းနှီးရေး၊ နယ်မြေတိုင်းရင်းသား ဆန္ဒအသိအမှတ်ပြုရေး၊ တိုင်းရင်းသားဆန္ဒနဲ့မညီတဲ့လုပ်ရင် ချက်ချင်းရပ် ဆိုပြီး တောင်းဆိုဆန္ဒပြခဲ့ကြပါတယ်။
4 years Ago

March 18, 2017

ဗိုလ်ချုပ်အောင်ဆန်းတံတား နာမည်ပေးရန် လွှတ်တော် ဆုံးဖြတ်ချက် လွဲမှားဟု ယူအန်အေ ပြော

ပြည်သူ့လွှတ်တော်က ဒေသခံလူထုရဲ့ဆန္ဒကို ဆန့်ကျင်ပြီး ဗိုလ်ချုပ်အောင်ဆန်းတံတား နာမည်ပေးဖို့ ဆုံးဖြတ်ခဲ့တာဟာ အင်မတန်လွဲမှားတဲ့ ဆုံးဖြတ်ချက်ဖြစ်တယ်လို့ စည်းလုံးညီညွတ်သော တိုင်းရင်းသားလူမျိုးများ မဟာမိတ်အဖွဲ့ ယူအန်အေက ကြေညာချက်ထုတ်ပြန် ပြောဆိုလိုက်ပါတယ်။ တိုင်းရင်းသားစည်းလုံးညီညွတ်ရေးနဲ့ အမျိုးသားပြန်လည်သင့်မြတ်ရေးကို ထိခိုက်မယ်ဆိုရင် ကိုယ်စားလှယ်မဲအများစုဖြစ်နေပါစေ ရှင်းရှင်းလင်းလင်း ရှောင်ရှားရမယ်၊ ယူအန်အေ အနေနဲ့ ဒေသခံပြည်သူများရဲ့ဆန္ဒကို လေးစားထောက်ခံ နေမယ်လို့လည်း ဖော်ပြထားပါတယ်။ ယူအန်အေဟာ ရှမ်း၊ ရခိုင်၊ ကရင် စတဲ့ တိုင်းရင်းသားဒီမိုကရေစီပါတီတွေနဲ့ ဖွဲ့စည်းထားတဲ့ မဟာမိတ်အဖွဲ့ဖြစ်ပြီး ရွေးချယ်ခံအစိုးရအပေါ် ဝန်းရံအားပေးနေတဲ့ တိုင်းရင်းသား မဟာမိတ်အဖွဲ့အစည်း တခုလည်း ဖြစ်ပါတယ်။ ဗိုလ်ချုပ်အောင်ဆန်းတံတားအမည် အမည်ပေးရန် ဆုံးဖြတ်ခဲ့ခြင်းဟာ နောင်တချိန်ချိန်မှာ  တိုင်းရင်းသားအားလုံးရဲ့  ဘဝလုံခြုံရေးအထိ ထိခိုက်လာစေမလားလို့  စိတ်ပူပန်မှု ဖြစ်ရတဲ့အကြောင်း အဖွဲ့ရဲ့ ကြေညာချက်မှာ ဖော်ပြထားပါတယ်။ မတ်လ ၁၇ ရက်မှာ ရပ်နားခဲ့တဲ့ ပြည်သူ့လွှတ်တော်အတွင်း သံလွင်တံတား ချောင်းဆုံကို ဗိုလ်ချုပ်အောင်ဆန်းတံတားလို့ နာမည်ပေးဖို့ လွှတ်တော်ထဲ မဲခွဲ ဆုံးဖြတ်ခဲ့ကြတာပါ။
4 years Ago
More News
Up