ဗိုလ်ချုပ်မှူးကြီး ပြော

January 1, 2017

ဒီမိုကရေစီဖက်ဒရယ်နိုင်ငံ ထူထောင်မည်ဟု သမ္မတနှင့် ဗိုလ်ချုပ်မှူးကြီး ပြော

ဒီမိုကရေစီနှင့် ဖက်ဒရယ်စနစ်ကို အခြေခံတဲ့ ပြည်ထောင်စုနိုင်ငံကြီး ပေါ်ထွန်းရေးအတွက် ဆက်လက်ကြိုးပမ်း လုပ်ဆောင်သွားမယ်လို့ သမ္မတဦးထင်ကျော်နဲ့ ဗိုလ်ချုပ်မှူးကြီးမင်းအောင်လှိုင်တို့က နှစ်သစ်ကူးစကား ပြောလိုက်ကြပါတယ်။ သမ္မတဦးထင်ကျော်၊ ဒုတိယသမ္မတတွေဖြစ်ကြတဲ့ ဦးမြင့်ဆွေနဲ့ ဦးဟင်နရီဗန်ထီးယူ၊ ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်တို့က ၂၀၁၇ ခုနှစ် နှစ်သစ်ကူး နှုတ်ခွန်းဆက်စကားများ အသီးသီး ပြောကြားခဲ့ကြပြီး သမ္မတနဲ့ ဗိုလ်ချုပ်မှူးကြီးတို့က ခုလို တညီတည်း ပြောခဲ့ကြတာ ဖြစ်ပါတယ်။ ဦးထင်ကျော်က "နိုင်ငံတော်အစိုးရအနေနဲ့ ၂၀၁၆ ခုနှစ်အတွင်း တာဝန်ယူခဲ့တဲ့ ၉ လတာကာလ တလျှောက်မှာ တိုင်းပြည်အကျိုးအတွက် ရည်ရွယ်ချမှတ်ထားတဲ့ မူဝါဒများဖြစ်တဲ့ ပြည်တွင်းငြိမ်းချမ်းရေး၊ အမျိုးသားပြန်လည်သင့်မြတ်ရေး၊ ဒီမိုကရေစီနှင့် ဖက်ဒရယ်စနစ်ကို အခြေခံသည့် ပြည်ထောင်စုဖြစ်ပေါ်ရေး၊ ပြည်သူတို့ရဲ့ လူနေမှုဘဝများ တိုးတက်မြင့်မားရေးတို့အတွက် တစိုက်မတ်မတ် ကြိုးပမ်းဆောင်ရွက်ခဲ့ပါတယ်။ အခုအခါမှာတော့ ဖော်ပြခဲ့တဲ့မူဝါဒများ အောင်မြင်ရေးအတွက် အခြေခံအနေအထားတွေကို ပျိုးထောင်တည်ဆောက်နိုင်ခဲ့ပြီ ဖြစ်တဲ့အတွက် လာမယ့် ၂၀၁၇ ခုနှစ် နှစ်သစ်အတွင်းမှာ ဒီမူဝါဒတွေ ပီပြင်စွာ အကောင်အထည်ပေါ်လာဖို့ ဆက်လက်ကြိုးပမ်း ဆောင်ရွက်နိုင်တော့မှာ ဖြစ်ပါတယ်” လို့ နှုတ်ခွန်းဆက် ပြောပါတယ်။ အလားတူ ဗိုလ်ချုပ်မှူးကြီးမင်းအောင်လှိုင်ကလည်း “၂၀၁၇ ခုနှစ်ကာလမှာ နိုင်ငံတော်တည်ငြိမ်အေးချမ်းရေး၊ ဖွံ့ဖြိုးတိုးတက်ရေး၊ ဒီမိုကရေစီနှင့် ဖက်ဒရယ်စနစ်ကို အခြေခံတဲ့ ပြည်ထောင်စုနိုင်ငံကြီး ပေါ်ထွန်းရေးတို့အတွက် တပ်မတော်အနေနဲ့ ဆက်လက်ကြိုးပမ်း ဆောင်ရွက်သွားမှာဖြစ်ပါတယ်” လို့ ပြောပါတယ်။ ဒါ့အပြင် သူက တိုင်းရင်းသားလက်နက်ကိုင် အကြမ်းဖက်သောင်းကျန်းသူတွေကြောင့် ကချင်၊ ရှမ်းနဲ့ ရခိုင်ဒေသတွေ တည်ငြိမ်မှု ပျက်ပြားခဲ့ရတယ်လို့ ပြောခဲ့ပါတယ်။ ဒုတိယသမ္မတ ဦးမြင့်ဆွေက တိုင်းရင်းသားပြည်သူတရပ်လုံး မျှော်လင့်တောင့်တနေတဲ့ ငြိမ်းချမ်းရေးကို အမြန်ဆုံးရရှိပြီး ငြိမ်းချမ်းရေးရရှိတာနှင့်အမျှ ပြည်ထောင်စုသမ္မတ မြန်မာနိုင်ငံတော်ကြီး အဘက်ဘက်က လျှင်မြန်စွာ ဖွံ့ဖြိုးတိုးတက်ပြီး အဲဒီအသီးအပွင့်တွေကို တိုင်းရင်းသား ပြည်သူအားလုံး မျှမျှတတ ခံစားရပါစေလို့ တောင်းဆုခြွေခဲ့ပါတယ်။ ဦးဟင်နရီဗန်ထီးယူကတော့ ယခုနှစ်သစ်ဟာ နိုင်ငံတော်ဖွံ့ဖြိုးတိုးတက်ရေးအတွက် အလားအလာကောင်းတွေ သယ်ဆောင်လာမှာဖြစ်သလို စိန်ခေါ်မှုတွေကိုလည်း မျှော်လင့်ထားကြရဦးမှာ ဖြစ်တယ်လို့ ဆိုခဲ့ပါတယ်။ မနှစ်က နှစ်သစ်ကူးစကားပြောခဲ့တဲ့ ဒေါ်အောင်ဆန်းစုကြည်ကတော့ ဒီနှစ်မှာ နှစ်သစ်ကူးစကား မပြောခဲ့ပါဘူး။
5 years Ago

November 24, 2016

ရှမ်းမြောက်နယ်မြေရှင်းရာတွင် တပ်တွင် အကန့်အသတ်ရှိဟု ဗိုလ်ချုပ်မှူးကြီး ပြော

တပ်က ရှမ်းမြောက်ဒေသတွင်း နယ်မြေရှင်းရာမှာ တရုတ်နိုင်ငံနဲ့ နီးလွန်းတာနဲ့ ပြည်သူတွေသွားလာနေတဲ့နေရာတွေဖြစ်နေလို့ အကန့်အသတ် ရှိနေတယ်လို့ ဗိုလ်ချုပ်မှူးကြီး မင်းအောင်လှိုင်က ပြောပါတယ်။ နိုဝင်ဘာ ၂၃ ရက်က တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ ဥရောပသမဂ္ဂရဲ့ လူ့အခွင့်အရေးဆိုင်ရာအထူးကိုယ်စားလှယ် မစ္စတာ စတာဗရို လန်ဘရီနီဒီ တို့ နေပြည်တော် တွေ့ဆုံဆွေးနွေးမှုအတွင်း သူက ပြောခဲ့တာ ဖြစ်တယ်လို့ ဗိုလ်ချုပ်မှူးကြီးရဲ့ အင်တာနက်စာမျက်နှာမှာ ဖော်ပြထားပါတယ်။ “တပ်မတော်ကာကွယ်ရေးဦးစီးချုပ်က ရှင်းလင်းပြောကြားရာတွင် ရှမ်းပြည်နယ် အရှေ့မြောက် ဒေသအတွင်း KIA၊ TNLA နှင့် MNDAA အကြမ်းဖက်သောင်းကျန်းသူများ၏ နောက်ခံ သမိုင်းကြောင်းနှင့် လက်ရှိ လုပ်ဆောင်နေသည့် အကြမ်းဖက်လုပ်ရပ်များဖြစ်သည့် လားရှိုး- မူဆယ် ပြည်ထောင်စု ကားလမ်းပေါ်တွင် တံတားများအား ဖောက်ခွဲဖျက်ဆီးမှု၊ လမ်းကြောင်း ပိတ်ဆို့မှု၊ အများ ပြည်သူသွားလာလှုပ်ရှားသည့်နေရာများ၊ ရဲကင်းစခန်းများအား ၀င်ရောက် ပစ်ခတ် တိုက်ခိုက်မှု၊ အပြစ်မဲ့ပြည်သူများနှင့်ရဲတပ်ဖွဲ့ဝင်များအား ပစ်ခတ်သတ်ဖြတ်မှုများ၊ တပ်မတော်စခန်းများအား အင်အားသုံး၍အလစ်အငိုက်တိုက်ခိုက်မှုအခြေအနေများနှင့် တဖက်နိုင်ငံနှင့် လွန်စွာနီးကပ်ခြင်း၊ ပြည်သူလူထုသွားလာလှုပ်ရှားသည့်နေရာများတွင် တိုက်ခိုက်မှု ဖြစ်ခြင်းတို့ကြောင့် တပ်မတော်အနေဖြင့် နယ်မြေရှင်းလင်းလုပ်ဆောင်ရာတွင် ကန့်သတ်ချက်များရှိသည့် အခြေအနေများအား ရှင်းလင်းပြောကြားသည်။” သူတို့နှစ်ဦး တွေ့ဆုံမှုအတွင်း ရှမ်းပြည်နယ်အရှေ့မြောက် ဒေသမှာ တိုက်ပွဲများဖြစ်ပွားနေမှု၊ ငြိမ်းချမ်းရေး ဖော်ဆောင်မှုကို ထိခိုက်နိုင်မှုအခြေအနေများ၊ ကချင်ပြည်နယ်နှင့် ရခိုင်ပြည်နယ် အတွင်း လူသားချင်းစာနာထောက်ထားမှု အကူအညီများပေးပို့ရာမှာ တွေ့ကြုံရတဲ့ အခြေအနေ များ၊ လူ့အခွင့်အရေးချိုးဖောက်မှုများနှင့်ပတ်သက်ပြီး တပ်မတော်အနေနဲ့ အရေးယူ ဆောင်ရွက်မှု အခြေအနေများ၊ မိုင်းရှင်းလင်းရေးကိစ္စ ရပ်များနှင့်ပတ်သက်ပြီး ဆွေးနွေးခဲ့ကြပါတယ်။ ဗိုလ်ချုပ်မှူးကြီး မင်းအောင်လှိုင်က လူ့အခွင့်အရေးချိုးဖောက်မှုကိစ္စရပ်များနှင့် ပတ်သက်လို့ တပ်မတော်အနေနဲ့ လုံးဝခွင့်လွှတ်မှုမရှိဘဲ ထိရောက်စွာ အရေးယူဆောင်ရွက်လျက်ရှိ တယ်လို့ လည်း ဥရောပလူ့အခွင့်အရေးကိုယ်စားလှယ်ကို ပြောခဲ့ပါတယ်။
5 years Ago
Up