ဗာရန်း

September 18, 2021

ချန်ပီယံဖြစ်ရန် စိန်ခေါ်မှုများရှိနေသော်လည်း အသင်းစိတ်ဓာတ်ပိုင်းကို အားရကြောင်း ဗာရန်းပြော

မန်ချက်စတာယူနိုက်တက်အသင်းအနေနဲ့ ချန်ပီယံဆုဖလားရဖို့အတွက် စိန်ခေါ်မှုတွေရှိပေမဲ့ အသင်းသားတွေရဲ့ စိတ်ဓာတ်ပိုင်းကိုတော့အားရကြောင်း နောက်ခံလူသစ် ဗာရန်းက ပြောပါတယ်။

ဗာရန်းဟာ စပိန်ကလပ် ရီးရဲလ်မက်ဒရစ်မှာ အောင်မြင်မှုတွေရယူနိုင်ခဲ့ပြီးနောက် အခုနှစ်ရာသီမှာ မန်ယူအသင်းဆီပြောင်းရွှေ့လာခဲ့တာပါ။ သူ့အသက် ၁၈ နှစ်အရွယ် ၂၀၁၁ နှစ်ကတည်းက ယူနိုက်တက်ဆီ ပြောင်းရွှေ့ဖို့ နည်းပြဖာဂူဆန်နဲ့ တွေ့ဆုံဆွေးနွေးခဲ့ဖူးတယ်လို့လည်း ဗာရန်းက ပြောပါတယ်။

ယူနိုက်တက်အသင်းအနေနဲ့ အရင်ကလို အောင်မြင်မှုတွေရယူနိုင်ဖို့အတွက် စိန်ခေါ်မှုတွေရှိပေမဲ့ အသင်းသားတွေအားလုံးက အောင်မြင်မှုကိုဆာလောင်ကြပြီး အကောင်းဆုံးလုပ်ဆောင်ချင်တဲ့ ဆန္ဒတွေရှိကြတာကြောင့် အားရကျေနပ်စရာဖြစ်တယ်လို့ ဗာရန်းက ပြောပါတယ်။

မက်ဒရစ်မှာ အခြေကျနေပေမယ့် ယူနိုက်တက်ဆီ ပြောင်းရွှေ့ခဲ့တာက စိန်ခေါ်မှုတစ်ခုဖြစ်ပြီး အရာအားလုံးက အသစ်တွေလိုပဲဖြစ်နေပေမယ့် လက်ရှိအချိန်အထိတော့ ကျေနပ်ပျော်ရွှင်ရတယ်လို့လည်း ဗာရန်းက ပြောပါတယ်။

ဗာရန်းဟာ နယူးကာဆယ်နဲ့ ပရီးမီးယားလိဂ်မှာ ပွဲဦးထွက်ကစားခဲ့ပြီး ယန်းဘွိုင်းစ်နဲ့ ချန်ပီယံလိဂ်မှာ ဒုတိယအကြိမ်မြောက် ပါဝင်ကစားခဲ့ပါတယ်။

3 months Ago

August 17, 2021

ပေါ့ဘာနှင့်အတူ ဆုဖလားများ ထပ်ယူလိုဟု ယူနိုက်တက်နောက်ခံလူ ဗာရန်းပြော

ပြင်သစ်လက်ရွေးစင်အသင်းဖော် ပေါ့ဘာနဲ့အတူ ဆုဖလားတွေ ထပ်ယူချင်သေးတယ်လို့ နောက်ခံလူသစ် ဗာရန်းက ပြောပါတယ်။ 

ဗာရန်းဟာ မန်ချက်စတာမှာ ကိုဗစ်စည်းမျဉ်းတွေနဲ့အတူ သီးသန့်နေထိုင်ခဲ့ရပြီးနောက်  မနေ့က အသင်းနဲ့အတူ စတင်ပူးပေါင်းလေ့ကျင့်ခဲ့ပါတယ်။ 

အသင်းဖော် ပေါ့ဘာနဲ့ ကလပ်အသင်းမှာ ပြန်လည်တွဲဖက်ကစားရမယ့်အပေါ်မှာ စိတ်လှုပ်ရှားမိကြောင်း၊ ပေါ့ဘာဟာ ခမ်းနားတဲ့ ခြေစွမ်းပိုင်ဆိုင်ပြီး ဆုဖလားတွေရဖို့ ရည်မှန်းချက်ကြီးသူဖြစ်ကြောင်း၊ ဆုဖလားတွေ အတူတကွ ရယူသွားချင်ကြောင်း ဗာရန်းက ပြောပါတယ်။ 

ဗာရန်းနဲ့ ပေါ့ဘာတို့ဟာ ပြင်သစ်အသင်းနဲ့အတူ ၂၀၁၈ ကမ္ဘာ့ဖလားချန်ပီယံဖြစ်ခဲ့ပြီး နိုင်ငံတကာပွဲတွေမှာ ခြေစွမ်းပြသနိုင်ခဲ့ကြသူတွေ ဖြစ်ပါတယ်။ 

ပေါ့ဘာဟာ ယူနိုက်တက်နဲ့ စာချုပ်သက်တမ်း နောက်ဆုံးနှစ်ကို ရောက်ရှိနေပြီး အနာဂတ်နဲ့ ပက်သက်ပြီး မတည်မငြိမ်ဖြစ်နေချိန်မှာ ဗာရန်းကတော့ ရေရှည်အထိ အတူကစားဖို့ မျှော်လင့်နေတာ ဖြစ်ပါတယ်။

4 months Ago
More News
Up