ဗန်းမော်အကျဉ်းထောင်

October 19, 2021

ဗန်းမော်အကျဉ်းထောင်မှ NLD အလုပ်အမှုဆောင်အချို့အပါအဝင် ၁၄ ဦး ပြန်လွတ်

ကချင်ပြည်နယ် ဗန်းမော်မြို့ အကျဉ်းထောင်ကနေ  ဗန်းမော်မြို့နယ် အမျိုးသားဒီမိုကရေစီ အဖွဲ့ချုပ်အလုပ်အမှုဆောင်အချို့နဲ့ ကျောင်းသား လူငယ်တွေအပါအဝင် ၁၄ ယောက် ပြန်လွတ်လာတယ်လို့ သိရပါတယ်။

ရွှေကူမြို့က ၃ ဦး၊ ဗန်းမော်မြို့က ၁၁ ဦး၊ စုစုပေါင်း ၁၄ ဦးဟာ ၄ လကျော် ချုပ်နှောင်ခံရပြီးနောက် အောက်တိုဘာ ၁၉ ရက်နေ့က လွတ်ငြိမ်းချမ်းသာခွင့်နဲ့ လွတ်မြောက်ခဲ့တယ်လို့ သိရပါတယ်။

ရွှေကူမြို့က သုံးဦးလုံးကို ကတိခံဝန်ချက်ရေးထိုးပြီး လွှတ်ပေးလိုက်တာလို့ ပြန်လွတ်လာသူ တဦးက ပြောပါတယ်။

ထပ်မံပြုလုပ်ပါက အခုပြစ်ဒဏ်အပါအဝင် ပြစ်ဒဏ်နှစ်ခုလုံးနဲ့ အရေးယူခံရမယ်ဆိုပြီး ကတိခံဝန်ချက်ထိုးခဲ့ရကြောင်း၊ ဗန်းမော်မြို့နယ်နေသူတွေကိုတော့  လိုအပ်လျှင် ကတိခံဝန်ခေါ်ယူ ထိုးခိုင်းမယ်ဆိုပြီး လွှတ်ပေးလိုက်တာလို့ ဆိုပါတယ်။

အကျဉ်းထောင်တွင်း အခြေအနေကိုလည်း ပြန်လွတ်လာသူက “နေထိုင်ရတာ အလွန်ကျပ်တည်း ပြီး အဆင်မပြေဘူး။ ရေမသန့်တော့ ဝဲတွေပေါက်တယ်၊ လေကောင်းလေသန့်မရရှိဘူး” လို့ ပြောပါတယ်။

ပြန်မလွတ်လာသေးတဲ့သူတွေရဲ့ ကျန်းမာရေးနဲ့ နေထိုင်ရမှု အခြေအနေကို မိသားစုဝင်တွေ စိုးရိမ်နေကြတယ်လို့ ဆိုပါတယ်။

ဗန်းမော်ခရိုင်အတွင်း စစ်အာဏာရှင်ဆန့်ကျင်ရေး ဆန္ဒပြပွဲတွေကို စစ်ကောင်စီတပ်နဲ့ရဲတွေရဲ့ အကြမ်းဖက်နှိမ်နင်းပစ်ခတ်မူ့ကြောင့် အမျိုးသား ၂ ဦးနဲ့ အမျိုးသမီး ၁ ဦးတို့ သေဆုံးခဲ့ရပြီး  လူငယ်တွေ အပါအဝင် ဒေသခံအယောက် ၅၀ ကျော် ဖမ်းဆီးခံခဲ့ရတယ်လို့ သိရပါတယ်။

1 month Ago

April 6, 2021

ဖမ်းဆီးခံနည်းပညာကျောင်းသား ၃ ဦးကို ဗန်းမော်အကျဉ်းထောင်တွင် ခုံဖွဲ့ စစ်ဆေးမည်

မတ် ၂၄ ရက် မနက် ၅ နာရီကျော်လောက်က ဖမ်းဆီးထိန်းသိမ်းခံရတဲ့ အစိုးရနည်းပညာ တက္ကသိုလ်ကျောင်းသား ၃ ယောက်ကို ဗန်းမော်အကျဥ်းထောင်မှာ ခုံရုံးဖွဲ့စစ်ဆေးမယ်လို့ သိရ ပါတယ်။

ပုဒ်မ ၅၀၅ -ကနဲ့ စွဲချက်တင်မယ်လို့ သိရှိရပြီး လောလောဆယ် TU (ဗန်းမော်) က တာဝန်ရှိ သူတွေနဲ့ ရှေ့နေအချို့ လိုက်ပါဆောင်ရွက် ဝန်းရံပေးနေကြတယ်လို့ သိရပါတယ်။

အခု လက်ရှိမှာ ကျောင်းသား ၃ ဦးမှာ ကျန်းမာရေးကောင်းမွန်တယ်လို့ သိရှိရပြီး ကျန်တဲ့သူတွေတော့ အခြေအနေ မသိရှိရသေးပါဘူး။

ဗန်းမော်ခရိုင်မှာ စစ်အာဏာရှင်ဆန့်ကျင်တော်လှန်ရင်း ကျောင်းသား ၃ ဦး၊ မဇ္စ◌ျိမသတင်းထောက် ၁ ဦးအပါအဝင် အကြမ်းဖက်ရိုက်နှက်ဖမ်းဆီးခံထားရသူတွေ ရှိနေပါတယ်။

ဒါ့အပြင် စာရင်းအတိအကျ မရနိုင်သေးဘဲ့ ရွှေကူမြို့မှ လူငယ်တွေအပါအဝင် တခြားအရပ်ဒေသက လာရောက်လုပ်ကိုင်စားသောက်နေကြသူ အချို့လည်း ပါဝင်ပြီး ကူညီပေးနိုင်မယ့်အဖွဲ့အစည်းတွေ လိုအပ်နေတယ်လို့ သိရပါတယ်။

8 months Ago
Up