ဗန်ဟား

A d v e r t i s e m e n t With Us

January 17, 2017

နည်းပြအလုပ်မှ အနားယူကြောင်း မန်ယူနည်းပြဟောင်း ဗန်ဟား ပြော

နည်းပြအလုပ်ကနေ အနားယူလိုက်ပြီဖြစ်ကြောင်း မန်ယူနဲ့ နယ်သာလန်အသင်း နည်းပြဟောင်း လူးဝစ်ဗန်ဟားက ပြောဆိုလိုက်ပါတယ်။ အသက် ၆၅ နှစ်အရွယ် ဗန်ဟားဟာ နည်းပြအလုပ်မှာ ၂၆ နှစ်ကြာ ကျင်လည်အပြီး အနားယူလိုက်တာပါ။ နည်းပြ ဗန်ဟားက သူ့အနေနဲ့ အနားယူဖို့လိုပြီ ဖြစ်တာကြောင့် ဘောလုံးလောကထဲ နောက်ထပ် ပြန်လာတော့မှာ မဟုတ်ဘူးလို့ ဒတ်ခ်ျ သတင်းစာတစောင်ကို ပြောဆိုသွားပါတယ်။ သူဟာ အေဂျက်၊ ဘာစီလိုနာ၊ ဘိုင်ယန်မြူးနစ်နဲ့ မန်ယူအသင်းတို့မှာ နည်းပြအဖြစ် လုပ်ကိုင်ခဲ့ပြီး ချန်ပီယံလိဂ်နဲ့ ယူအီးအက်ဖ်အေဖလားတွေကို ရရှိခဲ့ပါတယ်။
4 years Ago

November 2, 2015

လက်ရှိရာသီ မန်ယူ ကစားပုံ ပျင်းစရာကောင်းဟု ဝေဖန်မှုများ ထွက်ပေါ်

နောက်ဆုံးသုံးပွဲဆက် ဂိုးမရှိသရေရလဒ်တွေ ထွက်ပြီးနောက်ပိုင်း မန်ယူအသင်း ကစားပုံဟာ ဆယ်စုနှစ်တွေအတွင်း ပျင်းစရာအကောင်းဆုံး ကစားပုံလို့ ဝေဖန်မှုတွေ ထွက်ပေါ်လာပါတယ်။ ကာလင်းဖလားပြိုင်ပွဲမှာ ဘိုရိုအသင်းနဲ့ အချိန်ပိုထိ ဂိုးမရှိသရေကျ၊ ပင်နယ်တီအဆုံးအဖြတ်မှာ ရှုံးတဲ့ပွဲအပါအဝင် မန်ယူအသင်းဟာ ကစားချိန် ၅ နာရီ ၂၅ မိနစ်အတွင်းမှာ သွင်းဂိုး တဂိုးမှ မရခဲ့သလို ပေးဂိုးလည်း မရှိခဲ့တာပါ။ မန်ယူအသင်းဟာ လက်ရှိ အမှတ်ပေးဇယား အဆင့် ၄ မှာ ရှိနေပေမယ့် သွင်းဂိုး ၁၅ ဂိုးပဲ ရသေးပါတယ်။ လက်ရှိ ဂိုးပေါက်ကန်သွင်းမှု မှတ်တမ်းတွေအရ မန်ယူအသင်းဟာ ဒီရာသီမှာ ကန်သွင်းမှု ၇၇ ကြိမ်သာ ပြုလုပ်နိုင်ခဲ့ပြီး သူ့ထက်နည်းတာဆိုလို့ ဆန်းဒါးလန်း တသင်းသာ ရှိပါတော့တယ်။ မန်စီးတီးအသင်းက ၁၄၈ ကြိမ်နဲ့ အများဆုံးဖြစ်ပြီး အာဆင်နယ်က ၁၄၃ ကြိမ် ရှိပါတယ်။ နည်းပြ ဗန်ဟားရဲ့ ဘောလုံးပိုင်ဆိုင်မှု အသားပေးစနစ်ဟာလည်း အလုပ်မဖြစ်သလို ဖြစ်နေပြီး မန်ယူအသင်းဟာ တဘက်အသင်း ဂိုးပေါက်ကို တကြိမ်ခြိမ်းခြောက်ဖို့အတွက် ဘောလုံးပေးပို့မှုပေါင်း ၁၀၇ ကြိမ် ပြုလုပ်ထားရပြီး အများဆုံး ဖြစ်နေပါတယ်။ မန်ယူအသင်းရဲ့ ဂန္ထဝင်ကစားသမား ပေါစခိုးကလည်း ဗန်ဟားရဲ့ နည်းစနစ်ကို အပြင်းအထန် ဝေဖန်ထားပါတယ်။ မန်ယူကစားသမားတွေဟာ ဂိုးရဖို့အတွက် ပုံမှန်ပေးပို့မှုတွေသာ ပြုလုပ်နေပြီး အရဲစွန့် ပေးပို့မှုတွေ မလုပ်ကြဘူးလို့ ပေါစခိုးက သုံးသပ်ပါတယ်။ လက်ရှိ မန်ယူအသင်းမှာ အသင်းခေါင်းဆောင် ရွန်နီကလည်း ခြေပျက်နေပြီး အသစ်ခေါ်ယူထားတဲ့ မာရှယ်တယောက်သာ တဘက်နောက်တန်းတွေကြား တိုးဝင်ဆွဲပြေး ခြိမ်းခြောက်မှု ပြုလုပ်နေတာပါ။ လက်ရှိခြေစွမ်းအရဆိုရင် မန်ယူအသင်းဟာ ချန်ပီယံဖြစ်ဖို့ ဝေးနေပြီး ပရီးမီးယားလိဂ် အဆင့် ၄ ရဖို့သာ မျှော်လင့်နိုင်မယ်လို့ အသင်းပရိသတ်တွေက ပြောဆိုနေကြပါတယ်။
5 years Ago
Up