ဗစ်တိုးရီးယား

July 11, 2019

ဗစ်တိုးရီးယားအမှု အကြောင်းပြ၍ မရိုးမသား အလှူခံလျှင် အရေးယူမည်ဟု ရဲတပ်ဖွဲ့ သတိပေး

မူကြိုကျောင်းသူလေး ဗစ်တိုးရီးယားအမှုကိစ္စနဲ့ ပတ်သက်ပြီး ရဲတပ်ဖွဲ့ ဂုဏ်သိက္ခာ ကျဆင်းအောင် စွပ်စွဲတာ၊ ဆူပူဆန္ဒပြစေဖို့ လှုံ့ဆော်တာနဲ့ မရိုးမသား အလှူခံတာတွေလုပ်ရင် စိစစ်အရေးယူမယ်လို့ ရဲတပ်ဖွဲ့က သတင်းထုတ်ပြန်ပါတယ်။ ဒီအမှုပတ်သက်လို့ ပထမအဆင့်အနေနဲ့ သက္ကမိုးညို ဖေ့စ်ဘွတ်ခ်အကောင့်ပိုင်ရှင်ကို  ကြိုတင်လျှို့ဝှက်စုံစမ်း ဖော်ထုတ်ခဲ့ပြီး ဘယ်သူဘယ်ဝါ သိရတာနဲ့ ဥပဒေနဲ့အညီ ဆောင်ရွက်ခဲ့သလို ဆက်စပ်သူတွေကိုလည်း ဆက်လက်စိစစ် ဖော်ထုတ်အရေးယူမယ်လို့ ရဲသတင်းထုတ်ပြန်ချက်မှာ ဖော်ပြပါတယ်။ ဗစ်တိုးရီးယားအမှုမှာ ကူညီဆောင်ရွက်ပေးနေတဲ့ သက္ကမိုးညို အကောင့်ပိုင်ရှင် ဒေါက်တာဝင်းကိုကိုသိန်းကို ဇူလိုင် ၁၀ ရက်မှာ ပျဉ်းမနားမြို့နယ်ရဲစခန်းက  အီလက်ထရောနစ် ဥပဒေပုဒ်မ ၃၄(ဃ) နဲ့ အမှုဖွင့်ပြီး ငွေကျပ်သိန်း ၁၀၀ နဲ့ အာမခံပေးထားပါတယ်။ ဇူလိုင် ၁၀ ရက် ည ၈ နာရီကျော်လောက်မှာတော့ ဒေါက်တာဝင်းကိုကိုသိန်းရဲ့ နေပြည်တော်ရှိ နေအိမ်ကို ပျဉ်းမနားစခန်းမှူး ဒုရဲမှူးအောင်နိုင်ဦး ရောက်လာပြီး ဘဏ်အကောင့်နဲ့ ပတ်သက်လို့ မေးမြန်းခဲ့ပါတယ်။ မြန်မာနိုင်ငံရဲတပ်ဖွဲ့အနေနဲ့ ဗစ်တိုးရီးယားအမှုနဲ့ ပတ်သက်ပြီး ဆေးစာပြန်ကြားချက်၊ စီစီတီဗွီမှတ်တမ်း၊ ဓာတုဗေဒဆိုင်ရာ စစ်ဆေးတွေ့ရှိချက်၊ မေးမြန်းစစ်ဆေးထားသူတွေရဲ့ သက်သေခံ ထွက်ဆိုချက်တွေ အပါအဝင် တခြားအထောက်အထားတွေနဲ့ ခရိုင်ဥပဒေရုံးရဲ့ အကြံပြုချက်နဲ့အညီ တရားရုံးသို့ အမှုစွဲတင်ခဲ့တယ်လို့လည်း ဆိုပါတယ်။ စီအိုင်ဒီအနေနဲ့ စီစီတီဗွီ အထောက်အထားကို Software နည်းပညာအရ အပြည့်အဝ အထောက်အထားရရှိပြီး BBC ဖေ့စ်ဘွတ်ခ်သတင်း မဖော်ပြခင်ကတည်းက တရားရုံးသက်သေခံ တင်ခဲ့ပြီး နေပြည်တော် ကုတင် ၁၀၀၀ ဆေးရုံက သက်သေခံဆေးစာလည်း မပျောက်တာကြောင့် တရားရုံးသက်သေခံ တင်ပြီးဖြစ်သလို မူကြိုကျောင်း၊ လမ်းပေါ်၊ အိမ် ဘယ်ဘက်မှမလိုက်ဘဲ စစ်ဆေးခဲ့တယ်လို့ ရဲသတင်းထုတ်ပြန်ချက်မှာ ဖော်ပြထားပါတယ်။ လိင်ပိုင်းဆိုင်ရာ မဖွယ်မရာ ပြုကျင့်ခံခဲ့ရတဲ့ Wisdom Hill မူကြိုကျောင်းသူ ဗစ်တိုးရီးယားအမှုအတွက် တရားမျှတမှု ရရှိရေးနဲ့ သက်ငယ်မုဒိမ်းမှုတွေ ပပျောက်ရေးအတွက် ရန်ကုန်၊ မန္တလေး အပါအဝင် မြန်မာနိုင်ငံ မြို့ကြီးအတော်များများမှာ ဆန္ဒပြတာတွေလည်း ရှိနေပါတယ်။
2 years Ago

July 10, 2019

မတရားမှုတွေ ကိုယ့်အိမ်တံခါးကို ဘယ်အချိန်လာခေါက်မလဲ (သို့မဟုတ်) “Justice For Victoria”

ဒီ “ဗစ်တိုးရီးယား” အမှုကို မှန်မှန်ကန်ကန် မရှင်းနိုင်သရွေ့၊ သက်ငယ်မုဒိမ်းမှုတွေကို ထိရောက်စွာ အရေးမယူနိုင်သရွေ့တော့ မိခင်တယောက်အနေနဲ့ စိတ်သောကတွေနဲ့ ရှင်သန်နေရဦးမယ်လို့ မန္တလေးမြို့က နန်းဇင်နွယ်က ပြောလိုက်ပါတယ်။ “Justice For Victoria” ဆိုတဲ့ လှုပ်ရှားမှုဟာ ပြည်သူလူထုကို တုန်လှုပ်စေတဲ့ လှုပ်ရှားမှု ဖြစ်လာခဲ့ပါပြီ။ ဒီလှုပ်ရှားမှုဟာ အသက် ၃ နှစ် မပြည့်သေးတဲ့ သမီးငယ် ဗစ်တိုးရီးယား သက်ငယ်မုဒိမ်းမှု ဖြစ်ပြီးတဲ့နောက် “တရားမျှတရေး” ဖော်ဆောင်တဲ့ လှုပ်ရှားမှုပါ။ ဒီအမှုကို လူအများ စိတ်ဝင်စားလာကြပြီး လူမှုကွန်ရက် စာမျက်နှာပေါ်မှာသာမက တိုင်းနဲ့ပြည်နယ်တွေမှာလည်း ထောင်နဲ့ချီတဲ့ လူထုဆန္ဒပြပွဲတွေ ပြုလုပ်လာကြပါတယ်။ ဒီဆန္ဒပြမှုတွေကို လေ့လာကြည့်ရင် ဗစ်တိုးရီးယားလေး ရင်ဆိုင်ရတဲ့ သက်ငယ်မုဒိမ်းလို မုဒိမ်းမှုတွေ ပပျောက်ပြီး “တရားမျှတမှု” ဖော်ဆောင်ပေးဖို့ဆိုတဲ့ လိုလားချက်တွေကို တွေ့ရပါတယ်။ ဗစ်တိုးရီးယားဟာ နေပြည်တော်လို မြို့ကြီးက ကလေးတဦးချင်းကို အနီးကပ် စောင့်ကြည့်ပေးတဲ့ “Wisdom Hill” ပုဂ္ဂလိက ကိုယ်ပိုင်ကျောင်းမှာ တက်နေတဲ့ ကလေးငယ်တဦးပါ။ လွန်ခဲ့တဲ့ မေလ ၁၆ ရက်က ဗစ်တိုရီးယားဟာ ကျောင်းကနေ အိမ်ပြန်ရောက်ပြီး ဆီးသွားစဉ်မှာ “နာတယ်” ဆိုပြီး မိခင်ကို ပြန်ပြောပြရာကနေ ဆေးရုံကိုခေါ်သွားရာမှ သမီးငယ်ရဲ့ မိန်းမကိုယ်တွင်း ထိုးသွင်းဒဏ်ရာ ရှိနေတယ်ဆိုတာ သိခဲ့ရတာဖြစ်ပါတယ်။ ဒီလို ထိုးသွင်းဒဏ်ရာတွေ့ရှိမှု တလကျော်ကြာခဲ့ပြီးတဲ့နောက် ဇူလိုင် ၄ ရက်နေ့မှာ သက်ငယ်မုဒိမ်းမှု တရားခံဟာ “Wisdom Hill” ကျောင်းအုပ်ချုပ်ရေးမှူး ဒေါ်ဥမ္မာကျော်ရဲ့ ယာဉ်မောင်း အောင်ကျော်မျိုး (ခ) အောင်ကြီးလို့ ရဲတပ်ဖွဲ့က ဇူလိုင် ၄ ရက်နေ့မှာ ထုတ်ဖော် ပြောဆိုလိုက်ပါတယ်။ အခုလို တရားစွဲဆိုလိုက်တဲ့ အောင်ကြီးဟာ လွန်ခဲ့တဲ့ မေလ ၃၀ ရက်မှာ ဇဗ္ဗူသီရိမြို့နယ်၊ ရဲတပ်ဖွဲ့က ဖမ်းဆီးထိန်းသိမ်း စစ်ဆေးပြီးနောက် မှုခင်းရဲတပ်ဖွဲ့ (CID) က အမှုကို လွှဲပြောင်းရယူကာ ခိုင်လုံသော အထောက်အထား မရှိတဲ့အတွက် ဇွန် ၂၄ ရက်က ပြန်လွှတ်ပေးခဲ့သူ ဖြစ်ပါတယ်။ ဒါကြောင့်လည်း အခုတဖန် ပြန်ပြီး တရားခံလို့ စွပ်စွဲခံထားရတဲ့ အောင်ကြီးဟာ တကယ်ပဲ တရားခံဟုတ်ရဲ့လား ဆိုတာကို ပြည်သူအများက သံသယ ရှိနေကြတာပါ။ ဗစ်တိုးရီးယားလေးက “ကိုကိုလုပ်တာ။ ဆရာမ နှင်းနုတောင် ကိုကို့ကို ဆူသေးတယ်” လို့ အကြိမ်ကြိမ် ထုတ်ဖော်ပြောပေမယ့် အမှုစဖြစ်စဉ်က ကလေးစကားကို ရဲတပ်ဖွဲ့ဝင်တွေက အလေးမထားခဲ့သလို ဖြစ်နေတဲ့ အပေါ်မှာလည်း ပြည်သူတွေက ပိုပြီးပွဲဆူလာတာကို တွေ့မြင်ရပါတယ်။ “ဥပဒေမှာ ကလေးစကားကို အတည်ယူလို့ မရဘူးဆိုတာ မဟုတ်ပါဘူး။ ကလေးကို မေးခွန်းတခု မေးတဲ့အခါမှာ ကောင်းမွန်စွာ ဖြေဆိုတယ်ဆိုရင် သူ့စကားကို ယုံလို့ရပါတယ်။  အတည်ယူလို့ရပါတယ်” လို့ တရားလွှတ်တော်ရှေ့နေ ဦးကြီးမြင့်က ပြောပါတယ်။ အသက် ၃ နှစ် မပြည့်သေးတဲ့ကလေးကို သူစိမ်းများရှေ့တွင် စစ်ဆေးမေးမြန်းမှု လုပ်တာဟာ လုပ်ထုံးလုပ်နည်းနဲ့ မညီညွတ်ဘူးလို့လည်း ရှေ့နေဦးကြီးမြင့်က ပြောဆိုလိုက်ပါတယ်။ ဗစ်တိုးရီးယားအမှုအပေါ် စစ်ဆေးချက်တွေနဲ့ ပတ်သက်ပြီး ရှေ့နေဦးကြီးမြင့်က “အမှုစစ်တဲ့ ရဲတွေရဲ့ ပျက်ကွက်မှုက အဓိကပါ။ လူတန်းစီပြရမယ်။ တန်းစီးပြပြီး ကလေးကို လက်ညှိုးထိုးခိုင်းတာ လုပ်ရမယ်။ အဲဒါလည်း သူတို့ပျက်ကွက်မှု...၊ နောက်တခါ ကလေးကို သူတို့ကြောက်ရတဲ့ ဆရာမတွေရှေ့မှာ သူစိမ်းတွေရှေ့မှာ စစ်ဆေးခြင်း အဲဒါလည်း ဥပဒေနဲ့မညီဘူး။ ရဲတွေက ဥပဒေနဲ့ မညီတာကို လုပ်တယ်” လို့ ဝေဖန်ထောက်ပြလိုက်ပါတယ်။ လိင်ပိုင်းဆိုင်ရာ ကျူးလွန်ခြင်းခံရတဲ့ အသက်မပြည့်သေးတဲ့ ဗစ်တိုးရီးယားအမှုဟာ တကယ်တမ်း ခက်ခဲနေတာမဟုတ်ကြောင်း၊ တရားခံ ထွက်ပြေးနေခြင်းလည်း မဟုတ်ကြောင်း၊ ကလေးရဲ့ ထွက်ဆို၊ ပြောဆိုချက်တွေကို အလေးပေးသင့်ကြောင်းလည်း တရားလွှတ်တော်ရှေ့နေ ဦးကြီးမြင့်က ပြောဆိုလိုက်ပါတယ်။ မြန်မာနိုင်ငံမှာ သက်ငယ်မုဒိမ်းဖြစ်ပွားမှု တနှစ်ထက်တနှစ် ရာခိုင်နှုန်းပိုများလာပြီး နေ့စဉ်နဲ့အမျှ အရွယ်မရောက်သေးတဲ့ ကလေးငယ်တွေ လိင်ပိုင်းဆိုင်ရာ အကြမ်းဖက်ခံရတာတွေကို တွေ့မြင်ရပါတယ်။ ၂၀၁၇ ခုနှစ်မှ ၂၀၁၉ ခုနှစ်၊ ဇွန်လအထိ ဖြစ်ပွားခဲ့တဲ့ သက်ငယ်မုဒိမ်းမှုတွေကို ကြည့်ရင် ၂၀၁၇ ခုနှစ်မှာ သက်ငယ်မုဒိမ်းမှု ၆၃ ဒသမ ၈၄ ရာခိုင်နှုန်း၊ ၂၀၁၈ ခုနှစ်တွင် ၆၄ ဒသမ ၉၃ ရာခိုင်နှုန်းနှင့် ၂၀၁၉ ခုနှစ်၊ ဇွန်လအထိ ၆၇ ဒသမ ၉၈ ရာခိုင်နှုန်းအထိ တိုးလာတာကို တွေ့ရပါတယ်။ “သက်ငယ်မုဒိမ်းက ကိုယ့်အိမ်တံခါးကို ဘယ်အချိန် လာခေါက်မလဲ” ဆိုတဲ့ စိုးရိမ်မှုကတော့ မိခင်တယောက်ဖြစ်တဲ့ နန်းဇင်နွယ်ကို အစဉ်အမြဲ ခြိမ်းခြောက်နေပါတယ်။ ဒီ “ဗစ်တိုးရီးယား” အမှုကို မှန်မှန်ကန်ကန် မရှင်းနိုင်သရွေ့၊ သက်ငယ်မုဒိမ်းမှုတွေကို ထိရောက်စွာ အရေးမယူနိုင်သရွေ့တော့ မိခင်တယောက်အနေနဲ့ စိတ်သောကတွေနဲ့ ရှင်သန်နေရဦးမယ်လို့ မန္တလေးမြို့က နန်းဇင်နွယ်က ပြောလိုက်ပါတယ်။ အခု ဗစ်တိုးရီးယား ကြုံတွေ့ရတဲ့ သက်ငယ်မုဒိမ်းမှုဟာ ငွေကြေးပြည့်စုံသူတွေထားတဲ့ ကလေးငယ်တွေအတွက် စိတ်ချရတဲ့ ပုဂ္ဂလိကကျောင်းမှာ ဖြစ်ပွားတာကြောင့် မိဘတွေက ပိုပြီးတော့ တုန်လှုပ်နေပါတယ်။ မကြာခဏ သက်ငယ်မုဒိမ်းမှုကို ကြားရပေမယ့် ပုဂ္ဂလိကကျောင်း တက်နေတဲ့ သမီးငယ်လေး ဗစ်တိုးရီးယားအမှုကြောင့် “ကျမတို့လို ကလေးမိခင်တွေအတွက်က ရတက်မအေးစရာတွေ ဖြစ်နေပါပြီ” လို့ အမျိုးသမီးရေး တက်ကြွလှုပ်ရှားသူ မခင်လေးက ပြောပါတယ်။ သက်ငယ်မုဒိမ်းမှုက အရင်ကလည်း စိုးရိမ်မှုတွေရှိပေမယ့် အခုက ပိုစိုးရိမ်စရာဖြစ်နေပြီး မူကြိုကျောင်းတွေမှာ လုံခြုံမှုအားနည်းတဲ့အပြင် ပြဿနာတခု ဖြစ်တဲ့အခါ လိုအပ်တဲ့ ဆောင်ရွက်မှုတွေ နှောင့်နှေးကြန့်ကြာတာတွေကြောင့် မိခင်တွေအတွက် ပိုပြီး စိုးရိမ်စရာ ဖြစ်လာကြောင်း မခင်လေးက ဝေဖန်ထောက်ပြလိုက်ပါတယ်။ ယခုနောက်ပိုင်းတွေမှာ ကလေးငယ်တွေ ပညာသင်ကြားတဲ့ ကျောင်းတွေမှာ ဖြစ်ပွားတဲ့ သက်ငယ်မုဒိမ်းတွေ၊ လိင်ပိုင်းဆိုင်ရာ နှောင့်ယှက်မှုတွေက တိုင်ကြားမှုတွေ များလာတယ်လို့လည်း အမျိုးသမီးရေး တက်ကြွလှုပ်ရှားသူများက ပြောဆိုလိုက်ပါတယ်။ ပုဂ္ဂလိကကျောင်းမှာဖြစ်တဲ့ သက်ငယ်မုဒိမ်းမှုကို ကြည့်ခြင်းအားဖြင့် ကလေးငယ်တွေအတွက် အန္တရာယ်ဟာ နေရာတိုင်းမှာ ရှိနေတယ်ဆိုတာ သတိပေးလိုက်တာလည်း ဖြစ်ပါတယ်။ “ဘယ်နေရာမဆို ကျမတို့က အန္တရာယ်ရှိနိုင်တယ်။ ဘယ်နေရာမှာထားထား သတိထား၊ လုံခြုံရေးသတိ အမြဲရှိရမယ်ဆိုတာ ကျမတို့ကို နှိုးဆော်ပေးနေပါတယ်” လို့ မခင်လေးက ဆိုပါတယ်။ ကိုယ်ပိုင်ကျောင်းတွေက အစိုးရကျောင်းတွေထက် ငွေကြေးပိုပေးဆောင်ရသဖြင့် ပိုပြီး ဝန်ဆောင်မှု အားကောင်းရမှာ ဖြစ်တယ်လို့လည်း မခင်လေးက ထောက်ပြပါတယ်။ “ဗစ်တိုးရီးယား” ဖြစ်စဉ်ကို စုံစမ်းနိုင်ရန် မူကြိုကျောင်းထံမှ စီစီတီဗွီမှတ်တမ်းကို တောင်းကြည့်တဲ့အခါ စီစီတီဗွီ မှတ်တမ်းကလည်း တရက်စာ အပြည့်အစုံ မရခဲ့ဘူးလို့ ဆိုပါတယ်။ ဒါကြောင့်လည်း စီစီတီဗွီဟာ တကယ်ပြဿနာဖြစ်လာရင် ဖြေရှင်းနိုင်တဲ့ အထောက်အထားတခု ဟုတ်မဟုတ် ဆိုတာလည်း မေးခွန်းထုတ်စရာ ဖြစ်နေပါတယ်။ ဗစ်တိုးရီးယားအမှုကိစ္စဟာ အနုပညာရှင်တွေ အပါအဝင် မြန်မာတနိုင်ငံလုံးမှ ပြည်သူတွေ စိတ်ဝင်စားနေကြသလို အမှုမှန်ပေါ်ပေါက်ဖို့လည်း သက်ဆိုင်ရာကို တိုက်တွန်းနေကြပါတယ်။ လူတယောက်ရဲ့ လုပ်ခလစာနဲ့ မလုံလောက်တဲ့အတွက် မိဘနှစ်ဦးစလုံး အလုပ်လုပ်ရပြီး မိမိတို့ ရင်သွေးငယ်တွေကို ကလေးထိန်းငှားတာ၊ မူကြိုကျောင်းမှာ သွားထားတာတွေ မလွဲသာ မရှောင်သာ ပြုလုပ်ကြရပါတယ်။ သက်ငယ်မုဒိမ်းတွေနဲ့ ပတ်သက်ပြီး လူမှုကွန်ရက် စာမျက်နှာတွေ၊ သတင်းဝက်ဘ်ဆိုက်တွေမှာ မကြာခဏဖတ်ရတိုင်း မိခင်တယောက်အနေနဲ့ မိမိကလေးငယ်တွေအတွက် ရင်မအေးရကြောင်း ကယားပြည်နယ်မှ နော်နိုရင်းကလည်း ရင်ဖွင့်ပါတယ်။ “မွေးထားတာကလည်း သမီးလေးတွေ၊ ကိုယ်တိုင်က အလုပ်လုပ်နေတယ်ဆိုတော့ ပိုပြီးတော့ ရင်ပူရတယ်” လို့ နော်နိုရင်းက ဆိုပါတယ်။ သမီးမွေးထားတဲ့ ဖခင်တွေ အနေနဲ့လည်း သမီးငယ် ဗစ်တိုးရီးယားကိစ္စ ဖြစ်လာပြီးနောက်ပိုင်း မိမိတို့သမီးငယ်တွေအတွက် စိတ်ပူမှုတွေ တိုးလာတာ တွေ့မြင်ရပါတယ်။ “အခုခေတ်က သားမွေးရင် မူးယစ်ဆေးသုံးမှာ ကြောက်ရသလို သမီးမွေးရင် သက်ငယ်မုဒိမ်းဖြစ်မှာ ကြောက်နေတယ်” လို့ သမီးဖခင်တဦးဖြစ်တဲ့ ရန်ကုန်က ကိုအာကာက ပြောပါတယ်။ မိမိသမီးကို အကြမ်းဖက် အနိုင်ကျင့်မခံရအောင် အရင်ကထက်ပိုပြီး ဂရုစိုက်သလို မိမိကိုယ်အင်္ဂါကို တပါးသူ လာမကိုင်အောင် ရှောင်ရန်ကစပြီး သင်ကြားရမယ်လို့ ကိုအာကာက ဆိုပါတယ်။ “သမီးကို စိုးရိမ်သလို ကိုယ့်သားလည်း မုဒိမ်းကောင်မဖြစ်အောင် ကာကွယ်သွန်သင်ရဦးမယ်” လို့ နန်းဇင်နွယ်က ပြောလိုက်ပါတယ်။ နေ့စဉ်ရက်ဆက် သက်ငယ်မုဒိမ်းမှုတွေကို ကြားရလို့ တုန်လှုပ်နေရတဲ့အပြင် အခုအခါ စိုးရိမ်မှတ် ရေချိန်ပိုမြင့်လာကြောင်းလည်း နန်းဇင်နွယ်က မှတ်ချက်ပြုလိုက်ပါတယ်။ ယခုနောက်ပိုင်း သက်ငယ်အချင်းချင်း ကျူးလွန်တဲ့ မုဒိမ်းမှုတွေ ရှိလာသဖြင့် ကလေးငယ်တွေအတွက် လိင်မှုဆိုင်ရာ အသိပညာပေးမှုတွေ မလုပ်ထားပါက ပိုပြီး အန္တရာယ်ကြီးလာနိုင်ကြောင်းလည်း မခင်လေးက ထောက်ပြ ပြောဆိုလိုက်ပါတယ်။ “ကျမတို့ မသင်ပေးဘဲလည်း လူ့သဘာဝအရ အရွယ်ရောက်လာရင် ဒီလိုကိစ္စတွေ စိတ်ဝင်စားမှုရှိလာပြီး သူတို့ဘာသာစူးစမ်းပြီး လုပ်တာထက်စာရင် ကျမတို့ လူကြီးတွေကနေ ဆောင်ရန်၊ ရှောင်ရန် သိသင့်တာတွေ သင်ပေးဖို့ကတော့ အချိန်က နောက်တောင်ကျနေပြီ” လို့ မခင်လေးက မှတ်ချက်ပြုလိုက်ပါတယ်။ ဗစ်တိုးရီးယားအမှုမှာ ဆေးစစ်ချက်ဖြစ်တဲ့ DNA စစ်ဆေးမှုနဲ့ ပတ်သက်ပြီး လွဲမှားနေတာကိုလည်း ပြည်သူများက ကျေနပ်မှုမရှိတာကို တွေ့ရပါတယ်။ မုဒိမ်းမှုဆိုတာ မိန်းမကိုယ်အင်္ဂါကို ထိုးသွင်းလိုက်တာနဲ့ တပြိုင်နက် မုဒိမ်းမှုမြောက်ကြောင်း၊ DNA စစ်ဆေးချက်က စိတ်မချရကြောင်းလည်း ဝေဖန်ထောက်ပြမှုတွေ ရှိပါတယ်။ “မိန်းမကိုယ်ထဲကို ယောက်ျားကိုယ်က ထိုးဝင်မိရင် တပြိုင်နက် မုဒိမ်းမှုမြောက်ပါတယ်။ DNA ဘာညာက တလွဲတွေ လျှောက်လုပ်နေတာပါ။ DNA က ဘယ်လောက်စိတ်ချရလဲ။ မြန်မာပြည်က DNA ကြောင့် အပြစ်ပေးတဲ့အမှုတွေ ဘယ်နှစ်မှုများ ရှိခဲ့လို့လဲ” လို့ ရှေ့နေဦးကြီးမြင့်က ဆိုပြန်ပါတယ်။ လက်ရှိ သက်ဆိုင်ရာ အာဏာပိုင်တွေ၊ ရဲအရာရှိတွေရဲ့ စစ်ဆေးဆောင်ရွက်ချက်တွေကို ပြည်သူအများက ယုံကြည်မှုမရှိတဲ့အတွက် ဇူလိုင် ၆ ရက်နေ့မှာ မြန်မာနိုင်ငံ နေရာအချို့မှာ ထောင်ချီသော ပြည်သူများ လမ်းပေါ်သို့ထွက်ပြီး ဆန္ဒပြနေကြပြီ ဖြစ်ပါတယ်။ လက်ရှိ အမှုစိစစ်ရေးနဲ့ပတ်သက်ပြီး ဦးကြီးမြင့်က “ဗစ်တိုးရီးယားကလေးကို မုဒိမ်းကျင့်တာတင် မဟုတ်ဘူး၊ တိုင်းပြည်တခုလုံးကို မုဒိမ်းကျင့်လိုက်တာပဲ” လို့ မှတ်ချက်ပြုလိုက်ပါတယ်။ ထောင်ချီသောပြည်သူတွေ လမ်းပေါ်ထွက်လာတဲ့ “Justice For Victoria” လှုပ်ရှားမှုဟာ မြန်မာပြည်ရဲ့ တရားစီရင်ရေးနဲ့ တရားဥပဒေ စိုးမိုးရေးကို စိန်ခေါ်နေတဲ့ လှုပ်ရှားမှုတခု ဖြစ်လာပါပြီ။ မိခင်ဖခင်များ အားတက်သရော ပါဝင်လာတဲ့ ဒီလှုပ်ရှားမှုကြီးဟာ မြန်မာပြည်ရဲ့ အနာဂတ်ကို ဘယ်လောက်ပြောင်းလဲနိုင်မလဲ ဆိုတာတော့ စောင့်ကြည့်ကြရဦးမှာ ဖြစ်ပါတယ်။ နန်းဆိုင်နွမ် (hiburma.net ဝက်ဘ်ဆိုက်မှ ပြန်လည်ဖော်ပြသည်။)
2 years Ago
Up