ဗင်နီဇွဲလားလွှတ်တော်

A d v e r t i s e m e n t With Us

October 9, 2020

ရေနံသဘောတူညီချက် လျှို့ဝှက်လက်မှတ်ရေးထိုးခွင့် ဥပဒေ ဗင်နီဇွဲလားလွှတ်တော် အတည်ပြု

အမေရိကန်ပိတ်ဆို့ ဒဏ်ခတ်မှုတွေကို တုံ့ပြန်တဲ့အနေနဲ့  သမ္မတ နီကိုးလပ်စ်မာဒူရိုကို  ပုဂ္ဂလိက ကုမ္ပဏီတွေ၊နိုင်ငံခြားတိုင်းပြည်တွေနဲ့ ရေနံသဘောတူညီချက် လျှို့ဝှက်လက်မှတ်ရေး ထိုးခွင့်ပြုတဲ့ ဥပေဒတရပ်ကို  အစိုးရထောက်ခံတဲ့ ဗင်နီဇွဲလားလွှတ်တော်က အောက်တိုဘာ ၈ ရက်မှာ အတည်ပြုလိုက်ပါတယ်။  ပြီးခဲ့တဲ့ သီတင်းပတ်က သမ္မတ မာဒူရိုဟာ  ပိတ်ဆို့ဒဏ်ခတ်မှု ဆန့်ကျင်ရေး ဥပဒေကြမ်းကို လွှတ်တော်ဆီ ပေးပို့ခဲ့ပါတယ်။  ဒီလွှတ်တော်ဟာ အတိုက်အခံလွှမ်းမိုးတဲ့ လွှတ်တော်ကို ရှောင်ကွင်းချင်လို့   သူဖွဲ့စည်းခဲ့တဲ စင်ပြိုင်လွှတ်တော် ဖြစ်ပါတယ်။  လွှတ်တော်က ခွင့်ပြုတဲ့ ဥပဒေသစ်ဟာ နိုင်ငံပိုင်ရေနံကုမ္ပဏီ PDVSA နဲ့ ပုဂ္ဂလိက ကုမ္ပဏီတွေကြား ဖက်စပ်လုပ်ငန်း ပိုင်ဆိုင်မှုအပေါ်မှာ အပြောင်းအလဲတွေ လုပ်ခွင့်ပေးမှာ ဖြစ်ပေမဲ့ အနာဂတ်ဖက်စပ်လုပ်ငန်းမှာ  PDVSA အနေနဲ့ ဘယ်လောက် ရာခိုင်နှုန်း ပါဝင်ခွင့်ရမလဲ ဆိုတာကို  ဖော်ပြမထားဘူးလို့ ရိုက်တာက ဆိုပါတယ်။  
5 months Ago

December 19, 2019

ဗင်နီဇွဲလားအတိုက်အခံအမတ်များ လွှတ်တော်တက်ရန်မလိုဘဲ မဲပေးခွင့်ရ

ဗင်နီဇွဲလား အတိုက်အခံအမတ်တွေအပေါ် အစိုးရက ဖိနှိပ်နေတာကို တုံ့ပြန်တဲ့အနေနဲ့ အမတ်တွေလွှတ်တော်တက်စရာမလိုဘဲ မဲပေးခွင့်ပြုတဲ့  အစီအစဉ်တရပ်ကို ဒီဇင်ဘာ ၁၇ ရက်မှာ ဗင်နီဇွဲလားလွှတ်တော်က သဘောတူလိုက်ပါတယ်။  ဒါ့ကြောင့် အစိုးရဖိနှိပ်မှု ရင်ဆိုင်နေရတဲ့ အတိုက်အခံလွှတ်တော်အမတ်တွေဟာ လွှတ်တော်တက်စရာမလိုဘဲ  နည်းပညာအသုံးပြုပြီး မဲပေးခွင့်ရတော့မှာ ဖြစ်ပါတယ်။ အရင်ကဆိုရင် လွှတ်တော်တက်ရောက်တဲ့ ကိုယ်စားလှယ် ၅၀ ရာခိုင်နှုန်း မပြည့်မီရင် လွှတ်တော်က အတည်မပြုပါဘူး။ သမ္မတမာဒူရိုရဲ့ မဟာမိတ်အမတ်တွေကတော့ အခုလို လွှတ်တော်မတက်ဘဲ နည်းပညာသုံးပြီး မဲထည့်တဲ့စနစ်ဟာ ဖွဲ့စည်းပုံဥပဒေနဲ့ မညီဘူးလို့ ဝေဖန်ကြပါတယ်။  ဗင်နီဇွဲလားလွှတ်တော်ရဲ့ ဆုံးဖြတ်ချက်တွေကို နှစ်ချီပြီး ဥပေက္ခာပြုခဲ့တဲ့ သမ္မတ မာဒူရိုအစိုးရက အတိုက်အခံအမတ်တွေအပေါ် ရာဇဝတ်မှု စုံစမ်းရေးလုပ်နေပါတယ်။  ဒါဟာ အတိုက်အခံတွေ နှုတ်ဆိတ်သွားအောင် ခြိမ်းခြောက်တာလို့ ဝေဖန်သူတွေက ဆိုပါတယ်။ ဒီဇင်ဘာ ၁၆ ရက်နေ့က သမ္မတ မာဒူရို ဖွဲ့စည်းထားတဲ့ ဖွဲ့စည်းပုံလွှတ်တော်ဟာ အတိုက်အခံလွှတ်တော် အမတ် ၄ ယောက်ကို ရုံးတင်စစ်ဆေးဖို့ ခွင့်ပြုခဲ့ပါတယ်။  
1 year Ago
Up