ဗင်နီဇွဲလား

November 5, 2022

ဗင်နီဇွဲလားတွင် မြေပြိုမှုကြောင့် ၇ ဦးထက်မနည်းသေဆုံး

ဗင်နီဇွဲလားနိုင်ငံ အန်ဇွာတယ်ဂီပြည်နယ်မှာ မိုးသည်းထန်စွာရွာသွန်းမှုကြောင့် ရေကြီးရေလျှံမှုနဲ့ မြေပြိုမှုတွေဖြစ်ပွားခဲ့လို့ လူ ၇ ဦးထက်မနည်း သေဆုံးခဲ့ကြောင်း အုပ်ချုပ်ရေးမှူး လူးဝစ်စ် မာကာနိုက နိုဝင်ဘာ ၄ ရက်မှာ ပြောကြားခဲ့ပါတယ်။

ပွာတိုဒီလာခရုဇ်မြို့မှာ ရွှံ့တွေနဲ့ အပျက်အစီးတွေက လမ်းတွေကို ဖုံးလွှမ်းနေပြီး နေအိမ်နဲ့ ကားတွေ ထိခိုက်ပျက်စီးခဲ့ပါတယ်။ 

ပြည်နယ်အာဏာပိုင်တွေဟာ လမ်းတွေရှင်းလင်းရေးကို စတင်လုပ်ဆောင်နေပြီး မြေပြိုမှုကြောင့် ဖြစ်ရတဲ့ ပျက်စီးဆုံးရှုံးမှုတွေကို စတင်အကဲဖြတ်တော့မယ်လို့ မာကာနိုက ပြောကြားခဲ့ပါတယ်။ 

အသေအပျောက်စာရင်းထဲမှာ ဂွမ်တာစည်ပင်သာယာနယ်မြေမှာ နိုဝင်ဘာ ၃ ရက်က သေဆုံးသွား တဲ့ အသက်တနှစ်အရွယ် ကလေးငယ်တဦးလည်း ပါဝင်ခဲ့ပါတယ်။

4 weeks Ago

October 26, 2022

ဗင်နီဇွဲလားတွင် မိုးသည်းထန်ပြီး မြေပြို၊ အိမ် ၁၂ လုံး ပျက်စီးပြီး လူ ၁၀၀ ကျော် အိုးအိမ်မဲ့ဖြစ်

ဗင်နီဇွဲလားနိုင်ငံ မြို့တော် ကာရာကတ်စ်မှာ မိုးသည်းထန်စွာရွာသွန်းမှုကြောင့် ကြီးကြီးမားမား မြေပြိုခဲ့ပြီး အနည်းဆုံး အိမ် ၁၂ လုံး ပျက်စီးခဲ့ကာ လူပေါင်း ၁၀၀ ကျော် အိုးအိမ်မဲ့ ဖြစ်ခဲ့ရပါတယ်။

မြေပြိုပြီးနောက်ပိုင်းမှာ ဗင်နီဇွဲလားနိုင်ငံသားတွေဟာ အိမ်သုံးပစ္စည်းတွေနဲ့ အပျက်အစီးတွေ ကြားထဲက တခြား ကိုယ်ရေးကိုယ်တာ အသုံးအဆောင်တွေကို လာရောက်ရှာဖွေ သိမ်းဆည်းပြီးတော့ အဲဒီနေရာကို စွန့်ခွာသွားကြပါတယ်။

ဒေသခံတယောက်ကတော့ ဒီနေရာမှာ အိမ်တွေကို ဖယ်ရှားထားပေမဲ့ အချိန်ကြာလာတာနဲ့အမျှ လူတွေက ပြန်ပြုပြင်မွမ်းမံပြီး ဒီမှာ ပြန်နေကြတာဖြစ်ကြောင်းနဲ့ အဲဒီအကျိုးဆက်တွေက ၁၂ နှစ်ကြာလာတဲ့ အခုချိန်မှာ ကြုံရတာဖြစ်ကြောင်း ပြောပါတယ်။

အာဏာပိုင်တွေကတော့ အပူပိုင်းလှိုင်းနံပါတ် ၄၆ ကြောင့် ဖြစ်ပေါ်လာတဲ့ မိုးသည်းထန်စွာ ရွာသွန်းမှုကြောင့် နောက်ထပ် အိမ်ခြေ ၆၀ လောက် ထပ်ပြီး အန္တရာယ်ရှိနေကြောင်း ပြောထားပါတယ်။

1 month Ago
More News
Up