ဖွဲ့စည်းပုံအခြေခံဥပဒေ

June 25, 2015

ဖွဲ့စည်းပုံပြင်ဆင်ရေး လွှတ်တော်တွင် လိုအပ်သည့် ထောက်ခံမဲမရဘဲ ရှုံးနိမ့်

ဖွဲ့စည်းပုံအခြေခံဥပဒေပါ ပုဒ်မ ၄၃၆ နဲ့ ၅၉ (စ) အပါအ၀င် အရေးပါတဲ့ ပုဒ်မတွေ ပြင်ဆင်ဖို့နဲ့ ပတ်သက်ပြီး ပြည်ထောင်စုလွှတ်တော်မှာ ဒီကနေ့ မဲခွဲဆုံးဖြတ်ရာမှာ လိုအပ်တဲ့  ထောက်ခံမဲ အရေအတွက် မရဘဲ ရှုံးနိမ့်သွားပါတယ်။ ဖွဲ့စည်းပုံအခြေခံဥပဒေကို ပြင်ဆင်သည့် ဥပဒေမူကြမ်း  ပုဒ်မ ၄၃၆ ပုဒ်မခွဲ (က) နဲ့ (ခ) အတွက် လွှတ်တော်ရဲ့ အဆုံးအဖြတ်ရယူရမှာ ထောက်ခံမဲ ၃၈၈ မဲစီရပါတယ်။ ပုဒ်မ ၅၉ (စ) ပြင်ဆင်ဖို့ မဲခွဲရမှာတော့ ၃၂၁ မဲ ရပြီး ရှုံးနိမ့်သွားပေမယ့်  ပုဒ်မ ၅၉ (ဃ) ကတော့ ပြင်ဆင်ဖို့အတွက် လိုအပ်တဲ့ ထောက်ခံမဲ ၅၅၆ မဲရပြီး အနိုင်ရသွားပါတယ်။  အလားတူ ပုဒ်မ ၆၀ (ဂ) က ၃၈၆ မဲ ရပြီး  ပုဒ်မ ၄၁၈ (ခ) က  ၃၈၆ မဲပဲ ထောက်ခံမဲတွေရပါတယ်။ သမ္မတရာထူးထမ်းဆောင်ဖို့ အရည်အချင်းသတ်မှတ်ချက်ဖြစ်တဲ့ စစ်ရေးအမြင်ရှိရမယ် ဆိုတဲ့နေရာမှာ ကာကွယ်ရေးအမြင် ရှိရမယ်လို့  ပြင်ဆင်ချက် ဖြစ်တဲ့ ပုဒ်မ ၅၉(ဃ) တခုပဲ လုံလောက်တဲ့ ထောက်ခံမဲရရှိပြီး  ကျန် ပုဒ်မတွေ ရှုံးနိမ့်ခဲ့တာလည်း  ဖြစ်ပါတယ်။ ဥပဒေမူကြမ်း ပုဒ်မ ၄၃၆(က) မှာ  လွှတ်တော်ကိုယ်စားလှယ်အားလုံးရဲ့ ၇၅ ရာခိုင်နှုန်း ကျော်က ပြင်ဆင်ရန် သဘောတူလက်ခံပြီးနောက် ပြည်လုံးကျွတ် ဆန္ဒခံယူပွဲကျင်းပ၍ ဆန္ဒမဲပေးပိုင်ခွင့်ရှိသူ အားလုံး၏ ထက်ဝက်ကျော် ဆန္ဒမဲဖြင့်သာ ပြင်ဆင်ရမယ်” ဆိုတဲ့နေရာမှာ ၇၀ ရာခိုင်နှုန်းအောက် မလျော့သော လွှတ်တော်ကိုယ်စားလှယ်များက ပြင်ဆင်ရန် သဘောတူ လက်ခံပြီးနောက် ပြည်လုံးကျွတ် ဆန္ဒခံယူပွဲကျင်းပ၍ ဆန္ဒမဲပေးသူ အားလုံး၏ ထက်ဝက်ကျော် ဆန္ဒမဲဖြင့်သာ ပြင်ဆင်ရမယ်” လို့ ပြင်ဆင်ဖို့ လျာထားခဲ့တာဖြစ်ပါတယ်။ ပုဒ်မ ၅၉(စ) ကတော့ သားမက်နဲ့ ချွေးမဖြစ်သူတွေရဲ့ နိုင်ငံသား သတ်မှတ်ချက်တွေကို ပယ်ဖျက်ပြင်ဆင်ပေးထားကလွဲလို့ ဇနီး၊ ခင်ပွန်းနဲ့ သားသမီးတွေဟာ နိုင်ငံခြားသား မဖြစ်ရဘူးလို့ အရင်အတိုင်း အပြောင်းအလဲမရှိ ဆက်လက် ဥပဒေမူကြမ်းမှာရေးထားတာပါ။ ဒီနေ့ ပြည်ထောင်စုလွှတ်တော်မှာ ကိုယ်စားလှယ် ၆၃၃ ယောက် တက်ရောက်ပြီး ၅၀ ခွင့်တင်ပါတယ်။ တပ်မတော်သား ကိုယ်စားလှယ် ၁၆၆ ယောက်ရှိနေတဲ့အတွက် မဲပေးချိန်မှာ တပ်က ၂၈ ရာခိုင်နှုန်းကျော် ရှိနေပါတယ်။ ဖွဲ့စည်းပုံ ပြင်ဆင်ရေး အနိုင်ရဖို့ အနည်းဆုံး ၄၇၅ မဲလိုနေချိန်မှာ ရွေးကောက်ခံကိုယ်စားလှယ် ၄၁၇ ပဲ ရှိနေတဲ့အတွက် တပ်မတော်သား ကိုယ်စားလှယ် ၅၈ ယောက် ထောက်ခံမှ အနိုင်ရမှာ ဖြစ်ပါတယ်။
6 years Ago

June 2, 2015

ပြည်နယ်နှင့်တိုင်းများကို အာဏာခွဲပေးရေးဆိုင်ရာ ဥပဒေကြမ်း တင်သွင်းမည်

ပြည်နယ်နဲ့ တိုင်းဒေသကြီးတွေကို လုပ်ပိုင်ခွင့်အာဏာ ခွဲဝေပေးရေးနဲ့ သက်ဆိုင်တဲ့ ၂၀၀၈ ဖွဲ့စည်းပုံ ဇယား (၁) နဲ့ ဇယား (၂) ပြင်ဆင်ဖို့ ဥပဒေကြမ်းတရပ်ကို ဇွန်လအတွင်း လွှတ်တော်ကို ပေးပို့တင်သွင်းသွားမယ်လို့ သမ္မတက ထုတ်ဖော်ပြောကြားလိုက်ပါတယ်။ နိုင်ငံတော်သမ္မတ ဦးသိန်းစိန်က ဇွန် ၂ ရက် နိုင်ငံတ၀န်းကို ပြောကြားတဲ့ လစဉ်ပုံမှန် ရေဒီယို မိန့်ခွန်းမှာ ပြောကြားခဲ့တာ ဖြစ်ပါတယ်။ သမ္မတဦးသိန်းစိန်က “ကျနော်တို့တိုင်းပြည်ကို 'ဖက်ဒရယ်စနစ်ကို အခြေခံတဲ့ ပြည်ထောင်စု' အဖြစ် ပြောင်းလဲတည်ဆောက်ရာမှာ အခြေခံကောင်းတွေရှိနေဖို့ လိုအပ်ပါတယ်။ ဒါကြောင့် တိုင်းဒေသကြီးနဲ့ ပြည်နယ်တွေက ဒေသခံ တိုင်းရင်းသား ပြည်သူများရဲ့ အကျိုးစီးပွားကို ဦးတည်တဲ့၊ မျှတမှုလည်းရှိတဲ့ ဘဏ္ဍာငွေ အခွန်အကောက် ခွဲဝေမှု၊ လုပ်ပိုင်ခွင့်အာဏာ ခွဲဝေမှုတွေကို (ဇယား-၁) နဲ့ (ဇယား-၂) တို့မှာ ပြင်ဆင်နိုင်ဖို့ ဦးစားပေး ညှိနှိုင်းလုပ်ဆောင်နေပါတယ်။ အစိုးရသက်တမ်း လေးနှစ်တာကာလအတွင်း လက်တွေ့ ဆောင်ရွက်မှုများ၊ စမ်းသပ်လုပ်ဆောင်မှုများ၊ တွေ့ဆုံဆွေးနွေးမှုများကနေ တဆင့် ရရှိလာတဲ့ အတွေ့အကြုံများ၊ အကြံဉာဏ်များနဲ့ အချက်အလက်များကို အခြေခံပြီး ဇယား (၁) နဲ့ ဇယား (၂) ပြင်ဆင်ဖို့ ဥပဒေကြမ်းတရပ်ကို ဇွန်လအတွင်းမှာပဲ လွှတ်တော်ထံ ပေးပို့တင်သွင်းသွားမှာ ဖြစ်ပါတယ်။” လို့ ပြောပါတယ်။ ၂၀၀၈ ဖွဲ့စည်းပုံပါ ပြည်ထောင်စုဥပဒေပြုစာရင်း (ဇယား-၁) နဲ့ တိုင်းဒေသကြီး သို့မဟုတ် ပြည်နယ်ဥပဒေပြုစာရင်း (ဇယား-၂) တို့ရဲ့ အနှစ်သာရဖြစ်တဲ့ ပြည်ထောင်စုအစိုးရနဲ့ ပြည်နယ်နဲ့ တိုင်းဒေသကြီး အစိုးရတွေအကြား အာဏာခွဲဝေမှုတွေကို အသက်ဝင်လာဖို့ ကြိုးပမ်းခဲ့တဲ့အကြောင်းနဲ့ ဖွဲ့စည်းပုံပြင်ဆင်ရေး ဆွေးနွေးကြတဲ့အခါ ဇယား (၁) နဲ့ ဇယား (၂) ကို ပြင်ဆင်ဖို့ အဆိုတင်သွင်းခဲ့ပြီး လွှတ်တော်ကိုယ်စားလှယ်တွေကလည်း ထောက်ခံခဲ့ကြတဲ့အပြင် နိုင်ငံရေးပါတီတွေကလည်း ဒီကိစ္စအပေါ် အကြံပြု ပြောကြားခဲ့တာတွေ ရှိတယ်လို့လည်း သမ္မတက ပြောပါတယ်။ ဖွဲ့စည်းပုံ ဇယား (၁) နဲ့ ဇယား (၂) ပြင်ဆင်ဖို့ ဥပဒေကြမ်းတင်သွင်းမယ့်အပေါ် ဗဟိုချုပ်ကိုင်မှု လျော့ချတာဖြစ်တဲ့အတွက်  ကြိုဆိုတယ်လို့ ညီနောင်တိုင်းရင်းသားပါတီများ ဖက်ဒရေးရှင်းက ဦးစောသန်းမြင့်က ဒီဗွီဘီကို ပြောပါတယ်။ “၂၀၀၈ ဖွဲ့စည်းပုံဘောင်က ကျနော်တို့သွားချင်တဲ့ ဒီမိုကရေစီ အခြေခံတဲ့ ဖက်ဒရယ်ပြည်ထောင်စုစနစ်ကို သွားဖို့တော့ အင်မတန်ကို ခက်ခဲကြမ်းတမ်းမယ်လို့ ထင်ပါတယ်။ ဘာပဲဖြစ်ဖြစ် အခုလို ဗဟိုချုပ်ကိုင်မှု လျှော့ချခြင်းအားဖြင့် ဘာမှမရှိတာထက်စာရင် ကောင်းတယ်လို့ပဲ ယူဆရမှာပေါ့။ သက်ဆိုင်ရာ တိုင်းဒေသကြီးမှာ ဖြစ်စေ၊ ပြည်နယ်အသီးသီးမှာဖြစ်စေ ကိုယ်ပိုင်အုပ်ချုပ်ခွင့်ကို ကျနော်တို့လိုလားတယ်။ ကိုယ်ပိုင်အုပ်ချုပ်ခွင့် ဆိုတဲ့နေရာမှာ စီမံအုပ်ချုပ်ရေး၊ ဥပဒေပြုရေး၊ တရားစီရင်ရေး၊ သယံဇာတ ခွဲဝေရေး အဲဒီအပိုင်းတွေအားလုံး ပါသွားမှာပေါ့။ အဲဒါနဲ့ပတ်သက်တဲ့ကိစ္စ အားလုံးကို ပြုပြင်ပေးနိုင်မယ်ဆိုရင် ဒါ လက်ရှိ ၂၀၀၈ ဖွဲ့စည်းပုံထဲမှာ ပြုပြင်နိုင်တဲ့ကိစ္စ ဖြစ်တဲ့အတွက် ထောက်ခံကြိုဆိုပေးရမှာပေါ့။” ဇယား ၁ နဲ့ ၂ ကို ပြောင်းလဲတဲ့အပြင်  သက်ဆိုင်ရာ ပြည်နယ်တိုင်းဒေသကြီး အစိုးရ ၀န်ကြီးချုပ်တွေ ခန့်တဲ့အခါမှာ လက်ရှိသမ္မတက တိုက်ရိုက်ခန့်အပ်တဲ့စနစ်ထက် သက်ဆိုင်ရာ လွှတ်တော်တွေကနေ အများစုသဘောတူမှုနဲ့ ရွေးချယ်ခန့်အပ်နိုင်အောင်  ဖွဲ့စည်းပုံ ပုဒ်မ ၂၆၁ (ခ) ကိုလည်း ပြင်ဆင်ပြောင်းလဲပေးဖို့ လိုတယ်လို့လည်း ဦးစောသန်းမြင့်က ပြောပါတယ်။ ဇွန် ၂ ရက် သမ္မတရဲ့ လစဉ်ပုံမှန် မိန့်ခွန်းမှာတော့ တနိုင်ငံလုံး ပစ်ခတ်တိုက်ခိုက်မှု ရပ်စဲရေး အန်စီအေစာချုပ် လက်မှတ်ရေးထိုးပြီးတာနဲ့ နိုင်ငံရေးဆွေးနွေးပွဲတွေ စတင်ကျင်းပနိုင်ဖို့ ပြင်ဆင်လုပ်ဆောင်ကြတော့မှာ ဖြစ်ကြောင်းနဲ့ ရွေးကောက်ပွဲမတိုင်မီ ကြားကာလ နိုင်ငံရေး တည်ငြိမ်မှုအတွက် အားလုံးပူးပေါင်းဆောင်ရွက်ဖို့လည်း တိုက်တွန်း ပြောကြားထားပါတယ်။
6 years Ago
Up