ကြီးသူစားစတမ်း၊ လျင်သူက အနိုင်ရရှိတဲ့ နိယာမဟာ တိရစ္ဆာန်တွေရဲ့ ကမ္ဘာမှာတော့ တကယ့်ကို လက်တွေ့ကျတဲ့ အမှန်တရားတခုပါပဲ။ ရေအောက်ကမ္ဘာမှာတော့ ငါးမန်းတွေဆိုရင် လျင်မြန်တဲ့၊ တိုက်ခိုက်နိုင်တဲ့ စွမ်းအားတွေကြောင့် အားကြီးတဲ့ သတ္တဝါတွေလို့ နာမည်ကြီးပါတယ်။ ဒါပေမယ့် တခါတရံမှာတော့ မျှော်လင့်ထားသလို ဖြစ်မလာတာမျိုးလည်း ရှိတတ်တယ်ဆိုတာ ဒီရုပ်သံဗွီဒီယိုဖိုင်ထဲမှာ တွေ့ကြရမှာ ဖြစ်ပါတယ်။ ဒီအဖြစ်အပျက်ဟာ တောင်အာဖရိက ကမ်းရိုးတန်းတခုဖြစ်တဲ့ မော့ဆဲလ်ပင်လယ်အော်မှာ ဖြစ်ခဲ့ပြီး ငါးမန်းဖြူကြီးလက်ကနေ သီသီကလေး လွတ်မြောက်သွားခဲ့တဲ့ ဖျံကလေးရဲ့ လျင်မြန်မှုကို ခရီးသွားတဦးက မှတ်တမ်းတင်ထားနိုင်ခဲ့တာ ဖြစ်ပါတယ်။ ဒီရုပ်သံဗွီဒီယိုဖိုင်ကို ရိုက်ကူးခဲ့တဲ့ အယ်လ်တန်ပေါ်လီရဲ့ အဆိုအရ ဖျံကလေးဟာ အရှည် ၁ဝ ပေလောက်ရှိတဲ့ ငါးမန်းဖြူကြီးနဲ့ ရင်ဆိုင်ခဲ့ရချိန်မှာ တကယ့်ကို လျင်မြန်တဲ့အရှိန်နဲ့ လွတ်မြောက်သွားခဲ့တာလို့ ဆိုပါတယ်။ ငါးမန်းဖြူကြီးဟာ ဖျံကလေးနောက်ကို တရှိန်ထိုးလိုက်ခဲ့ပြီး ကိုက်ခဲပစ်လိုက်ဖို့ ခုန်ဟပ်လိုက်ချိန်မှာတော့ ဖျံကလေးက လွတ်မြောက်အောင် ရုန်းထွက်သွားနိုင်ခဲ့တာ ဖြစ်ပါတယ်။

ဖျံလို့ဆိုလိုက်တာနဲ့ ရေထဲမှာ လျင်မြန်ဖျတ်လတ်တဲ့နှုန်းနဲ့ ရေကူးနိုင်တဲ့ ချစ်စရာ သတ္တဝါတွေကို ပြေးမြင်မိကြမှာပါ။ ဖျံတွေဟာ အသားစားသတ္တဝါ မျိုးစိတ်တွေထဲမှာ ပါဝင်ပြီး မျိုးကွဲ ၁၃ ခုထိ ရှိပါတယ်။ အရွယ်ရောက်ပြီးဖြစ်တဲ့ ဖျံတကောင်ရဲ့ အလျားဟာ ၂ ပေကနေ ၅ ဒသမ ၉ ပေထိ ရှိနိုင်ပြီး အလေးချိန် ၂ ဒသမ ၂ ပေါင်ကနေ ၉၉ ဒသမ ၂ ပေါင်ထိ ရှိနိုင်ပါတယ်။ သူတို့ရဲ့ အဓိကအစားအစာက ငါးတွေဖြစ်ကြပြီး ကဏန်းတွေ၊ ပုစွန်တွေ စတဲ့ ရေသတ္တဝါတွေကိုလည်း ဖမ်းယူစားသောက်ကြတာ ဖြစ်ပါတယ်။ အဲဒီလို ဖမ်းယူစားသောက်ဖို့ ဖျံကလေးတွေဟာ ရေထဲမှာ လျင်မြန်တဲ့အရှိန်နဲ့ ကူးခတ်နိုင်ဖို့ လိုအပ်ပါတယ်။ ဒါပေမယ့် သူတို့ဟာ မွေးရာပါ ရေကူးတာကို တတ်မြောက်လာတာတော့ မဟုတ်ပါဘူး။ ဒီရုပ်သံဗွီဒီယိုဖိုင်ထဲမှာတော့ မိခင်ဖျံမကြီးက ရေမကူးတတ်သေးတဲ့ သူ့ရဲ့ရင်သွေး ဖျံကလေးကို ဘယ်လိုရေကူးသင်ပေးသလဲ ဆိုတာ တွေ့မြင်ကြရမှာ ဖြစ်ပါတယ်။ မိခင်ဖျံမကြီးဟာ ဖျံကလေးကို ကမ်းပေါ်ကနေ ရေထဲကို တဖြည်းဖြည်း ကိုက်ချီဆွဲချသွားခဲ့တာကို တွေ့ရပါတယ်။ ဖျံကလေးဟာ ရုတ်တရက် ရေထဲရောက်သွားချိန်မှာတော့ မိခင်က ရေအောက်မှာ ဘယ်လိုကူးခတ်ရမယ် ဆိုတာတွေကို သင်ပေးရင်းနဲ့ တဖက်ကမ်းဆီ အတူကူးခတ်သွားနေခဲ့ကြတာပါ။ ဒီရုပ်သံဗွီဒီယိုဖိုင်ကိုတော့ Just For Fauna အမည်နဲ့ ဖေ့စ်ဘွတ်ခ်စာမျက်နှာပေါ်ကတဆင့် မျှဝေထားခဲ့တာဖြစ်ပြီး သီတင်းတပတ်အတွင်း ဝင်ရောက်ကြည့်ရှုကြတဲ့ အကြိမ်ရေ ၁၅ သန်းကျော်နေခဲ့ပြီ ဖြစ်ပါတယ်။