ဖေ့စ်ဘွတ်ခ်ရွာ

January 9, 2021

အယ်လ်ဆိုင်းဇီ၏ မြူးကြွသည့် သီဆိုဟန်ဖြင့် “ချစ်သူအပါးကခွာမသွားချင်” သီချင်း (ရုပ်သံ) (ဖေ့စ်ဘွတ်ခ်ရွာ… ဖေ့စ်ဘွတ်ခ်ကမ္ဘာ)

“ချစ်သူအပါးက ခွာမသွားချင်… တစ်ယောက် တစ်ယောက် ကြည့်နေချင်… ချစ်သူ ကား ပျားရည်ထင်… အသည်းထဲ စိမ့်စိမ့်ကာဝင်… အမြဲတမ်း ချိုချိုပြုံးရွှင်… မိုးလေမမြင်… အစဉ်မြဲ တချစ်တည်းချစ်,ချစ်နေချင်… ချစ်သူအပါးက ခွာမသွားချင်”

ဒါကတော့ တခေတ်တခါက ကျော်ကြားခဲ့တဲ့ စတီရီယိုခေတ် ရေဒီယိုသီချင်းတပုဒ်ဖြစ်ပြီး တေးရေး တက္ကသိုလ် မောင်ယဉ်မှူးက ရေးဖွဲ့ပေးထားခဲ့ကာ အဆိုတော် ကိုမြင့်ဆွေက သီဆိုထားခဲ့တာပါ။

 ခုတခါမှာတော့ ဒီသီချင်းကို မြန်မာ့အသံနဲ့ ရုပ်မြင်သံကြားရဲ့ ၇၅ နှစ်ပြည့် စိန်ရတု ဂီတဖျော်ဖြေပွဲမှာ အဆိုတော် အယ်လ်ဆိုင်းဇီရဲ့ မြူးကြွတဲ့ သီဆိုဟန်နဲ့ တမူထူးခြား ခံ စားနားဆင်ကြရမှာ ဖြစ်ပါတယ်။

“နှစ်ဦးတွေ့လို့ ကြည်နူးမွေ့ချင်… အပြုံးချင်းယှက်လို့ ပြိုင်ကာပင်… ဆံယဉ်ကလေးများ သပ်ကာတင်… မျိုမတတ်လည်း ချစ်ကြင်… ရွှေကြုတ်ကလေးနဲ့ ထည့်ကာပင် … အစဉ်သာပဲ အလှကြည့်ချင်… အသည်းချင်း ဆုံတွေ့ယှဉ်… ဘယ်သူ ဘာပြော ပတ်ဝန်းကျင်… တစ်ယောက်အကြိုက် တစ်ယောက် လိုက်လျောလို့ပင်… ချစ်သူအပါးက ခွာမသွားချင်… တစ်ယောက် တစ်ယောက် ကြည့်နေချင်… ချစ်သူ စကား ပျားရည်ထင်… အသည်းထဲ စိမ့်စိမ့်ကာဝင်… အမြဲတမ်း ချိုချိုပြုံးရွှင်… မိုးလေမမြင်… အစဉ်မြဲ တချစ်ထဲချစ်,ချစ်နေချင်… ချစ်သူအပါးက ခွာမသွားချင်”

ကချင်အမျိုးသမီး တေးသံရှင် အယ်လ်ဆိုင်းဇီဟာ ထူးခြားတဲ့ အသံနဲ့ ဂီတလောကထဲကို ရောက်ရှိလာခဲ့သူတဦးဖြစ်ကာ တကိုယ်တော် တေးအယ်လ်ဘမ်တွေရော အတွဲ တေးအယ်လ်ဘမ်တွေပါ များစွာထွက်ရှိထားခဲ့ပြီး    လက်ရှိအချိန်ထိတိုင်အောင် ပရိသတ်တွေရဲ့ အားပေးမှုရရှိနေသူတဦး ဖြစ်ပါတယ်။

1 year Ago

အေးမြဖြူသီဆိုမှုဖြင့် နားဆင်ရမည့် “မျှော်ရတာလည်းကျွန်တော် လွမ်းရတာလည်းကျွန်တော်”သီချင်း(ရုပ်သံ) (ဖေ့စ်ဘွတ်ခ်ရွာ… ဖေ့စ်ဘွတ်ခ်ကမ္ဘာ)

မြန်မာ့အသံနဲ့ ရုပ်မြင်သံကြားရဲ့ ၇၅ နှစ်ပြည့်အထိမ်းအမှတ်အနေနဲ့ တခေတ်တခါက ထင်ရှားတဲ့ တေးသီချင်းတွေကို အပတ်စဉ်တင်ဆက်နေပြီး ခုတပတ်မှာတော့ နာမည် ကြီးသီချင်းတပုဒ်ကို မြန်မာအိုင်ဒေါ တေးသံရှင် အေးမြဖြူက သီဆိုဖျော်ဖြေသွားခဲ့ပါတယ်။

သူသီဆိုဖျော်ဖြေတဲ့ သီချင်းကတော့ “မျှော်ရတာလည်းကျွန်တော် လွမ်းရတာ လည်းကျွန်တော်” သီချင်းဖြစ်ပြီး ဒီသီချင်းကိုတော့ တေးရေး အဆိုတော် သန်းမြတ်စိုးက ရေးဖွဲ့ခဲ့ပြီး ကိုယ်တိုင်ပဲ သီဆိုထားခဲ့တာပါ။

“အောက်မေ့ သတိရလွန်းလို့… ဆောင်းနဲ့အတူ ပြန်လာခဲ့ပါကွယ်… အချစ်ကလေးရယ်… ဆောင်းပန်းချီ… ခြုံလွှမ်းလို့ ချမ်းလှပြီကွယ်… နှင်းရည်… စိုလူးလို့ဖျန်းပက်ကျီစယ်… ဖွေးဖွေးဖြူတယ်…နှင်းကလေးတွေရယ်… သတင်းစကားပြောဖို့ ဖြစ်နိုင်ရင်တကယ်… ချစ်သူလေးထံ ပြန်လာခဲ့ဖို့ ပြောပေးပါကွယ်”

အသက် ၉ နှစ်အရွယ်လောက်ကတည်းက Starlet’s Sky – ကြယ်ကလေးတွေရဲ့ ဂီတ မိုးကောင်းကင်သီချင်းဆိုပြိုင်ပွဲကတဆင့် Myanmar Idol ရဲ့ စင်မြင့်ဆီကို တက်လှမ်းလာခဲ့တဲ့ အေးမြဖြူဟာ ပြိုင်ပွဲဝင်ချိန်မှာ အသက် ၁၆ နှစ်အရွယ်ရှိနေပြီဖြစ်ကာ အသက် အငယ်ဆုံးပြိုင်ပွဲဝင် ဖြစ်လာခဲ့တာပါ။

အေးမြဖြူ ဝင်ရောက်ယှဉ်ပြိုင်ခဲ့တဲ့ Myanmar Idol Season 4 မှာတော့ တနိုင်ငံလုံးက ရွက်ပုန်းသီး မျက်နှာသစ်လူငယ်တွေ အများအပြား ပါဝင်ခဲ့ကြပါတယ်။

အဲဒီနောက်မှာတော့ သီတင်းပတ် တပတ်ပြီးတပတ် အဆင့်ဆင့် အစွမ်းပြယှဉ်ပြိုင်မှုတွေနဲ့ နောက်ဆုံး Grand Final အဆင့်ထိ ရောက်ရှိခဲ့ပါတယ်။

နောက်ပိုင်းမှာလည်း သူဟာ ဆန်းသစ်တဲ့ ကိုယ်ပိုင်သီဆိုဟန်နဲ့ သီချင်းတွေ သီဆိုရင်း အနုပညာလှုပ်ရှားမှုတွေနဲ့ ဆက်လက်လျှောက်လှမ်းနေခဲ့တာကို တွေ့ရပါတယ်။။

မြန်မာသံရော ခေတ်ပေါ်စတီရီယိုသီချင်းတွေကိုပါ ပိုင်ပိုင်နိုင်နိုင် သီဆိုနိုင်တဲ့ အေးမြဖြူက ခုတခါမှာလည်း “မျှော်ရတာလည်း ကျွန်တော် လွမ်းရတာလည်း ကျွန်တော်” သီချင်းကို သူ့ရဲ့ ကိုယ်ပိုင်ဟန်နဲ့ ပီပီပြင်ပြင် သီဆိုသွားနိုင်ခဲ့တာကို ပရိသတ်တွေ ရှုစားနားဆင်ကြရမှာ ဖြစ်ပါတယ်။

“တကယ်ဆိုရင် ဆောင်းနဲ့အတူ… လာခဲ့ပါ ဝေးအရပ်က အချစ်ရယ်… မျှော်နေသူ အသည်းလှိုက်ဖိုရတယ်… ကြင်နာသူရယ်… တကယ်ဆိုရင် ဆောင်းနဲ့အတူ… လာခဲ့ပါ ဝေးအရပ်က အချစ်ရယ်… မျှော်နေသူ အသည်းလှိုက်ဖိုရတယ်… ကြိုနေပါမယ်… နိုဝင်ဘာမှာ လာမလား… ဒီဇင်ဘာမှာ လာမလား… ရွှေရင်ဖိုကာ တမ်းတမိတယ်… ပျော်ချင်ပါတယ် နှစ်ယောက်သား… ဇန်နဝါရီမှာလာမလား… မျှော်နေသူမှာ လွမ်းရပါတယ်”

1 year Ago

December 10, 2020

အလန်းစားရက်ပ်စာသားများပါဝင်သည့် စန္ဒီမြင့်လွင်သီချင်းသစ်-“ကောင်ကလေး” (ဖေ့စ်ဘွတ်ခ်ရွာ… ဖေ့စ်ဘွတ်ခ်ကမ္ဘာ)

“ကောင်ကလေး… မင်းအကြည့်များက လာစိုးမိုး… နေ့ရောညပါ အမျိုးမျိုးနဲ့…  ချစ်ရောဂါဟာတိုးလို့… Oh No… တခြားသူ ဦးသွားမှာစိုးလို့… အသက်ကြီးပေမယ့် မ ပျက်စီးသေးတဲ့… ဟော့ဒီ မမဟာ SOLO… ကြွေနေပါပြီကွာ… ဟိတ်…  ဟိတ်… ကောင်ကလေး… ရင်ခွင်မှာ တိတ်တခိုးလေးပေါ့… ဟေ့… ရင်ခုန်သံတွေကို ထိန်းချုပ် ထား၍… ယဉ်ယဉ်လေး ရူးနေတာ… ဟာကွာ… အသက်အရွယ်တွေ ဘယ်လိုပင် ကွာ ပါစေ… နှလုံးသားရေးမှာတော့ အပိုတွေပါ… ဟေ့… စိတ်ကူးနဲ့ရူးနေပြီ… ကိုယ်ဒီမှာလေ ဆယ်ကျော်သက် ချစ်သူရေ” ဒါကတော့ လတ်တလော အသစ်ထွက်ရှိလာခဲ့တဲ့ “ကောင်ကလေး” အမည်ရတဲ့ သီချင်းသစ်တပုဒ်ထဲက တေးသွားစာသားတွေဖြစ်ပြီး အွန်လိုင်းပေါ်မှာ ရေပန်းစားနေခဲ့ တာ ဖြစ်ပါတယ်။ ဒီသီချင်းကိုတော့ တေးရေး မိုးထက်က ရေးစပ်ပေးထားခဲ့တာဖြစ်ပြီး စန္ဒီမြင့်လွင် က သီဆိုပေးထားခဲ့တာဖြစ်ကာ အလန်းစားရက်ပ်စာသားတွေနဲ့ ခံစားနားဆင်ကြရမှာ ဖြစ်ပါတယ်။ စန္ဒီမြင့်လွင်ကတော့ ထူးခြားတဲ့ ရက်ပ်တေးသွားတွေနဲ့ ပရိသတ်တွေကို ဖမ်းစား နိုင်ခဲ့တဲ့ ဟစ်ဟော့ပ် အဆိုတော်တယောက်အဖြစ် ပရိသတ်တွေ သိထားခဲ့ကြပြီး ပထမ ဆုံးတကိုယ်တော်တေးအယ်လ်ဘမ်ဖြစ်တဲ့ “ဆေးရောင်လှလှခြယ်ရအောင်” တကိုယ်တော် တေးအဘ်လ်ဘမ်နဲ့ ပရိသတ်လက်ခံအားပေးမှုတွေ ရရှိခဲ့ပြီး နောက်ပိုင်းမှာတော့ “Queen” ၊ “ကလီယိုပါထရာ” ၊ “Papi” ဆိုတဲ့ တစ်ကိုယ်တော်အခွေ တွေလည်း ထွက်ရှိ ထားခဲ့ပါတယ်။ “အနားနားရှိတဲ့အခိုက်”၊ “အာဖျံကွီး”၊ “ချစ်နေတုန်းပဲ”၊ “အသည်းနာ”စတဲ့ သီချင်း တွေဟာ သူ့ရဲ့ ထင်ရှားတဲ့ သီချင်းတွေဖြစ်ပြီး “ပျော်ပါစေ”အမည်ရတဲ့ သီချင်းကို Unplugged Version နဲ့ ထွက်ရှိထားခဲ့သလို သိပ်မကြာခင်ကလည်း အဆိုတော် အောင်လနဲ့ ထူးထူးခြားခြားစုံတွဲ သီဆိုထားခဲ့ကြတဲ့ “ချိန်ခွင်”အမည်ရတဲ့ သီချင်းတပုဒ်လည်း ထွက်ရှိထားခဲ့တာ ဖြစ်ပါတယ်။ “ကိုယ်လေ စိတ်ကူးများနဲ့… မင်းအပေါ် အချစ်များ… ရည်စူးထားခဲ့ တဖက်သတ် ပေါ့… တဖက်သတ်ပေါ့… (ကောင်ကလေး .. ရေ) x 3… ကြင်ဖော်ကြင်ဖက် ဖြစ်ချင်ပြီ… (ကောင်ကလေး .. ရေ) x 3… Oh No .. ပါရမီဖြည့်ဖက်ဖြစ်ချင်မိ… (ကောင်ကလေး) x 3 … ကောင်လေးနော်… (ကောင်ကလေး) x 3… နှလုံးသားကို ပိုင်စိုး… ညို့အားပြင်းတယ် အမိုက်ဆုံး… ဘယ်လိုမှ မတင်းတိမ်နိုင်လို့… တို့ကမင်းအတွက် အမှိုက်မဟုတ်… အရူး အမူးကွာ ငါ့မှာ အခုမှဖူးစာကစ… I'm Suga Mama… မင်းပူဆာသမျှရမှာ ကောင်လေး … စဉ်းစားပါ နောင်ရေး… တွေးတောကာ နှောင့်နှေးနေရင်… တောင်ဝှေး လိုတော့မှာ… မြင်ယောင်သေးတဲ့ မမဘက် တချက်လောက်တွေး… ကြီးမှ ဝက်သက်ပေါက်တယ်… ပြောကြပါစေတော့… အဓိက မင်းရဲ့အချစ်ကိုရဖို့အတွက်… ရင်မောရ ပေမပေါ့” ခုထွက်ရှိလာတဲ့ “ကောင်ကလေး”သီချင်းထဲမှာတော့ စန္ဒီမြင့်လွင်ရဲ့ ဟန်အတိုင်း ခပ်မိုက်မိုက် သီဆိုမှုနဲ့အတူ ပရိသတ်တွေက Joox အက်ပလီကေးရှင်းပေါ်ကတဆင့် ခံ စားနားဆင်ကြရမှာ ဖြစ်ပါတယ်။
1 year Ago
More News
Up