ဖော်မြူလာဝမ်း

March 13, 2020

ကိုရိုနာဗိုင်းရပ်စ်ကြောင့် သြစတြေးလျ ဖော်မြူလာဝမ်းကားမောင်းပြိုင်ပွဲ ဖျက်သိမ်း

ကိုရိုနာဗိုင်းရပ်စ်ကြောင့်  သြစတြေးလျ ဖော်မြူလာဝမ်း ကားပြိုင်ပွဲကို မတ် ၁၃ ရက်မှာ ဖျက်သိမ်းလိုက်ပါတယ်။  ဒါဟာ အဲဘတ်ပါ့ခ်မှာ စီစဉ်ထားတဲ့  ပထမဆုံးလေ့ကျင့်ပွဲ မတိုင်ခင် နာရီပိုင်း အလိုလေးမှာပဲ ဖျက်သိမ်းလိုက်တာပါ။   ဖော်မြူလာဝမ်းကားပြိုင်ပွဲက မက်လာရန်အဖွဲ့ဝင်တဦးမှာ ကိုရိုနာဗိုင်းရပ်စ် တွေ့ရှိပြီးနောက် အခုလို ပွဲဖျက်သိမ်းဖို့ ဆုံးဖြတ်ခဲ့တာပါ။  ဒီနေ့မနက်မှာပဲ ဖော်မြူလာဝမ်းပြိုင်ပွဲနဲ့ သက်ဆိုင်တဲ့ လုပ်ဆောင်မှု အားလုံးကို ဖျက်သိမ်းဖို့ ညွှန်ကြားလာပါတယ်ဆိုပြီး သြစတြေးလျ ဂရန်း-ပရင့်စ်ကော်ပိုရေးရှင်း (AGPC) က သတင်း ထုတ်ပြန်ခဲ့ပါတယ်။  ဗစ်တိုးရီးယားပြည်နယ်အစိုးရရဲ့ ကျန်းမာရေးအဖွဲ့ ဆုံးဖြတ်ချက်နဲ့ အကြံပြုချက်အရ ဖော်မြူလာဝမ်းကားပြိုင်ပွဲ  ချက်ချင်းဖျက်သိမ်းတာကို AGPC က အတည်ပြုခဲ့ပါတယ်။ ဒီလိုဖျက်သိမ်းလိုက်တာမို့ ကားပြိုင်ပွဲရာသီအပေါ် မေးခွန်းထုတ်စရာတွေ ဖြစ်ပေါ်နေပါတယ်။  မဲလ်ဘုန်းမြို့က အဲဘတ်ပါ့ခ်မှာ ကားပြိုင်ပွဲ အဖွင့်ပွဲကို ကြည့်မယ့် ပရိသတ်တွေကလည်း မတ်လ ၁၃ ရက်မနက်ပိုင်းက   စောင့်ဆိုင်းနေပါတယ်။  ဖော်မြူလာဝမ်းကားပြိုင်ပွဲကို နှစ်စဉ် ပွဲကြည့်ပရိသတ် ၃ သိန်းလောက် လာရောက်အား ပေးကြတယ်လို့ သိရပါတယ်။  ကူးစက်မြန် ကိုရိုနာဗိုင်းရပ်စ် ကပ်ရောဂါကြောင့် ကမ္ဘာတဝှမ်း အားကစားပွဲစဉ်တွေကို  ရွှေ့ဆိုင်းတာ၊ ရပ်နားတာတွေ လုပ်နေတာပါ။ မတ် ၁၃ ရက်နေ့ မွန်းလွဲ ၂ နာရီအထိ ကမ္ဘာတဝန်းကိုရိုနာ ဗိုင်းရပ်စ် ကူးစက်ခံရသူ ၁၃၄၉၁၈ ဦး ရှိလာပြီး သေဆုံးသူပေါင်း ၄၉၈၉ ရှိကာ၊ ပြန်ကောင်းလာသူ ၇၀၃၉၅ ဦး ရှိတယ်လို့ worldometers ဝက်ဘ်ဆိုက်က အချက်အလက်တွေအရ သိရပါတယ်။ 
2 years Ago

February 13, 2020

ဝူဟန်ဗိုင်းရပ်စ်ကြောင့် ဖော်မြူလာဝမ်းကားမောင်းပြိုင်ပွဲရွှေ့ဆိုင်းရသဖြင့် ပေါင် ၃၅ သန်း နစ်နာ

ဝူဟန်ဗိုင်းရပ်စ်ကြောင့် တရုတ်ဂရင်းပရစ်ခ်ပွဲစဉ်ကို ရွှေ့ဆိုင်းလိုက်ရပြီး ဖော်မြူလာဝမ်း အသင်းပိုင်ရှင်တွေအတွက် ပေါင် ၃၅သန်းလောက်နစ်နာသွားတယ်လို့ လစ်ဘာတီမီဒီယာက အတည်ပြုဖော်ပြပါတယ်။ လက်ရှိမှာတော့ ရှန်ဟိုင်းဂရင်းပရစ်ခ်ကျင်းပမယ့်ရက်ကို ရွှေ့ဆိုင်းထားပြီးတာ့ ပြန်လည်ကျင်းပမယ့်ရက်ကိုတော့ အတိအကျ မစီစဉ်ရသေးပါဘူး။ ဝူးဟန်ဗိုင်းရပ်စ်စတင်ဖြစ်ပွားတဲ့နေရာဟာ ပြိုင်ပွဲကျင်းပမယ့် ရှန်ဟိုင်းမြို့နဲ့ မိုင် ၅၀၀ လောက်သာ ကွာဝေးတာကြောင့် ပြိုင်ပွဲတာဝန်ရှိသူတွေက  ပွဲကိုရွှေ့ဆိုင်းဖို့ ဆုံးဖြတ်ခဲ့တာပါ။ လက်ရှိမှာ ဝူဟန်ဗိုင်းရပ်စ်ကြောင့် လူပေါင်း ၄၅၀၀၀ လောက်ကူးစက်ခံထားရပြီး သေဆုံးသူ ၁၁၀၀ ရှိလာခဲ့ပြီဖြစ်ပါတယ်။ ဒါ့ကြောင့် ဖော်မြူလာဝမ်းပြိုင်ပွဲအပြင် အိမ်နီးချင်းနိုင်ငံတွေမှာ ကျင်းပမယ့် အားကစားနည်းအမျိုးအစားမျိုးစုံကိုလည်းရွှေ့ဆိုင်းထားလိုက်ရပါတယ်။
2 years Ago
Up