ဖောက်ခွဲရေးပစ္စည်း

August 11, 2022

မီဇိုရမ်တွင် ဖောက်ခွဲရေးပစ္စည်းများ သယ်ဆောင်လာသည့် ချင်းအမျိုးသား ၂ ဦး ဖမ်းဆီးခံရ

အိန္ဒိယနိုင်ငံ၊ မီဇိုရမ်ပြည်နယ်၊ အိုင်ဇောလ်မြို့ကနေ ထွက်လာတဲ့ ကားတစီးကို ဆီရာချစ်ပ်ခရိုင် ရဲတပ်ဖွဲ့ဝင်တွေက စစ်‌‌ဆေးရေးဂိတ်တခုမှာ သြဂုတ် ၁၀ ရက် နေ့လယ်ပိုင်းက ရပ်တန့်စစ်ဆေးရာ ဖောက်ခွဲရေးပစ္စည်း အများအပြား ဖမ်းဆီးရမိတယ်လို့ မီဇိုရမ်ရဲတပ်ဖွဲ့က ထုတ်ပြန်ထားပါတယ်။

မီဇိုရမ်ပြည်နယ်သား ယာဉ်မောင်းအပါအဝင် ကားပေါ်မှာပါလာတဲ့ ထန်တလန်မြို့နယ်နဲ့ ဟားခါးမြို့နယ်မှာ နေထိုင်သူ ချင်းအမျိုးသား ၂ ဦးတို့ကိုလည်း ဖမ်းဆီးခဲ့တယ်လို့ သိရပါတယ်။

မီဇိုရမ်ပြည်နယ်က စစ်ဘေးရှောင်တဦးက “ပစ္စည်းပါ တခါတည်းဖမ်းမိပြီဆိုတော့၊ ရဲတွေကလည်း ကြိုတင်သတင်းရပုံရတယ်။ ဒေသခံကာကွယ်ရေးတပ်က လက်နက်ဝယ်ယူ ရောင်းချသူတွေ ဖြစ်နိုင်တယ်” လို့ ပြောပါတယ်။

အ‌ဆိုပါကားပေါ်မှာ ဖမ်းဆီးခံရသူတွေနဲ့အတူ ဖောက်ခွဲရေးကိရိယာတွေဖြစ်တဲ့  Gelatine Neo Gel ၇,၈၀၀ ခု၊ ဒီတိုနေတာ ၄,၀၆၃ ခု၊ ဖျုးကြိုး မီတာ ၇၀၀ တို့ကိုလည်း သိမ်းဆည်းရမိခဲ့တယ်လို့ ဆိုပါတယ်။

ဩဂုတ် ၉ ရက်ကလည်း မီဇိုရမ်ပြည်နယ် အိုင်ဇောလ်မြို့မှာ မြန်မာနိုင်ငံသားတဦးကို ကာလပေါက်ဈေး ရူပီး ၃၂ သိန်းခန့်ရှိတဲ့ ဘိန်းဖြူ ၆၃ ဒသမ ၄၃ ဂရမ်နဲ့အတူ မီဇိုရမ်ရဲတပ်ဖွဲ့က ဖမ်းဆီးခဲ့ပါသေးတယ်။

4 months Ago

April 12, 2022

ယူကရိန်းနိုင်ငံ ခါခစ်ဗ်မြို့ လူနေရပ်ကွက်အတွင်း ဖောက်ခွဲရေးပစ္စည်းရာချီ တွေ့ရှိ

ယူကရိန်းနိုင်ငံအရှေ့ပိုင်း ခါခစ်ဗ်မြို့က လူနေရပ်ကွက်ထဲမှာ ဧပြီ ၁၁ ရက်က ပြန့်ကျဲနေတဲ့ ဖောက်ခွဲရေးပစ္စည်း ရာချီ တွေ့ရှိခဲ့ပါတယ်။

ဧပြီ ၁၁ ရက်နေ့ မနက်အစောပိုင်းက လမ်းတွေပေါ်မှာ အစိမ်းရောင် ပလတ်စတစ်ဘူးတွေထဲမှာ ဖောက်ခွဲရေးပစ္စည်းအသေး ရာချီကို တွေ့ခဲ့တာလို့ ဒေသခံတွေက ပြောပါတယ်။

ဖောက်ခွဲရေးပစ္စည်းတွေကို ရှာဖွေ၊ ရှင်းလင်း ဖြုတ်သိမ်းဖို့ မိုင်းရှင်းလင်းရေး အင်ဂျင်နီယာတွေကို ဒေသတွင်းမှာ တာဝန်ချထားပါတယ်။

ဒီပစ္စည်းတွေဟာ PTM-1 မြေမြှုပ်မိုင်း အမျိုးအစား ချိန်ကိုက်မိုင်း အသေးစားအမျိုးအစား ဖြစ်တဲ့အပြင် ပေါက်ကွဲစေတတ်တဲ့ အရည်တလီတာခွဲ ဆံ့တယ်လို့ ခါခစ်ဗ်ပြည်နယ် အရေးပေါ်ဌာန မိုင်းဖြုတ်သိမ်းရေးတပ် အကြီးအကဲ ဒုဗိုလ်မှူးကြီး နီကိုလေ အိုဗာချုခ်က ပြောပါတယ်။

အရပ်သား သေဆုံးမှု လျှော့ချဖို့ ၁၉၉၇ အော့တဝါ သဘောတူညီချက်အရ ဒီမိုင်းတွေကို မသုံးဖို့ တားမြစ် ပိတ်ပင်ထားပါတယ်။

8 months Ago
More News
Up