ဖားကန့်တွင် ကမ်းပါးပြိုကျမှုကြောင့် လူ ၄ ဦး ရေနစ်ပျောက်ဆုံး

A d v e r t i s e m e n t With Us

July 28, 2019

ဖားကန့်တွင် ကမ်းပါးပြိုကျသဖြင့် သေဆုံးသူ ၁၃ ဦးရှိပြီ၊ ပျောက်ဆုံး ၅ ဦးကို ဆက်လက်ရှာဖွေ

ကချင်ပြည်နယ် ဖားကန့်မြို့နယ်မှာ ဒီနေ့ မနက်အစောပိုင်း ၂ နာရီခွဲလောက်က စိန်လုံတောင် ကျောက်စိမ်းလုပ်ကွက် ကမ်းပါးပြိုကျခဲ့တာကြောင့် သေဆုံးသူ ၁၃ ယောက် ရှိပြီဖြစ်ပြီး ပျောက်ဆုံးနေသူ ၅ ယောက်ကို ဆက်လက်ရှာဖွေနေပါတယ်။ ကမ်းပါးပြိုကျတဲ့အထဲ ကုမ္ပဏီဝန်ထမ်း ၁၅ ယောက်၊ လုပ်ကွက် လုံခြုံရေးတာဝန် ထမ်းဆောင်နေတဲ့ ရဲဝန်ထမ်း ၃ ဦး၊ စုစုပေါင်း ၁၈ ဦးပါသွားတာဖြစ်ပြီး ၁၃ ဦးရဲ့ ရုပ်လောင်းတွေကို ရှာဖွေ ဆယ်ယူနိုင်ခဲ့ပြီလို့ ဖားကန့်မြို့နယ် အထွေထွေအုပ်ချုပ်ရေးမှူးက ပြောပါတယ်။ ကျန်နေသေးတဲ့ ပျောက်ဆုံးနေသူတွေကိုတော့ နန်းထိုက်ပြည့်ပိုင် ကျောက်စိမ်းတူးဖော်ရေး ကုမ္ပဏီဝန်ထမ်တွေ၊ ဖားကန့်မြို့နယ် မီးသတ်တပ်ဖွဲ့ဝင်တွေ၊ ကြက်ခြေနီတပ်ဖွဲ့ဝင် ၂၀ တွေ၊ သင်္ခါလူမှုကူညီရေးအသင်းဝင်တွေ စုစုပေါင်း လူဦးရေ ၁၀၀ ကျော်နဲ့ ဘောကွင်းတွေ အသုံးပြုပြီး ဆက်လက်ရှာဖွေနေပါတယ်။ ဒဏ်ရာအပြင်းအထန် ရရှိခဲ့တဲ့ ရဲတပ်ဖွဲ့နှစ်ဦးကိုတော့ ဖားကန့်ပြည်သူ့ဆေးရုံမှာ ပို့ဆောင်ပြီး ဆေးကုသမှုခံယူနေတယ်လို့ ဖားကန့်ဆေးရုံအုပ်ကြီးက ပြောပါတယ်။  "တယောက်က တင်ပဆုံထိသွားတယ်။ နောက်တယောက်က ဦးခေါင်းထိတာပါ။ လက်ရှိအချိန်ထိတော့ အသက်အန္တရာယ်စိုးရိမ်ရတဲ့ အနေအထားတော့ မရှိဘူး" လို့ ဖားကန့်မြို့ ပြည်သူ့ဆေးရုံအုပ်ကြီးက ပြောပါတယ်။ ကမ်းပါးပြိုရာမှာ သေဆုံးသွားတဲ့ ရုပ်အလောင်း ၁၃ လောင်းကိုလည်း ဖားကန်ဝပြည်သူ့ ဆေးရုံ ရင်ခွဲစစ်ဆေးမယ့်နေရာကို ရောက်ရှိနေပြီလို့ ဆိုပါတယ်။ ကမ်းပါးပြိုကျတဲ့အထဲ ပါသွားတဲ့ ကုမ္ပဏီဝန်ထမ်း ၁၅ ဦးနဲ့ ပတ်သက်ပြီး ကုမ္ပဏီဘက်က ဘယ်လို ဆောင်ရွက်ပေးမယ်ဆိုတာကို သိရှိနိုင်ဖို့ ဆက်သွယ်ခဲ့ပေမယ့် ဖုန်း လက်ခံဖြေဆိုခြင်းမရှိခဲ့ပါဘူး။ ယခုဖြစ်စဉ်အပါအဝင် ၂၀၁၉ ခုနှစ်အတွင်း ဖားကန့်ဒေသမှာ ကမ်းပါးပြိုတာ၊ နွံကန်ပွင့်ကျတာ၊ မြေစာပုံပြိုတာ၊ မျောကြောင်းပေါက်ကျတာ၊ ကမ်းပါးပေါ်မှ ပြုကျတာ၊ ယမ်းဖောက်ခွဲမှုကြောင့် ကျောက်ခဲစမှန်တာ၊ လုပ်ကွက် လုံခြုံရေးတွေရဲ့ တားဆီးခြောက်လှန့် ပစ်ခတ်မှုကြောင့် သေဆုံးတာအပါအ၀င်  သေဆုံးသူ ၁၁၅ ဦး၊ ပျောက်ဆုံးသူ ၈ ဦး၊ ဒဏ်ရာရရှိသူ ၉ ဦးရှိတယ်လို့ အုပ်ချုပ်ရေး၊ ရဲတပ်ဖွဲ့ရဲ့မှတ်တမ်းနဲ့ လူမှုကူညီရေုအသင်းတွေရဲ့ ပြုစုထားတဲ့ မှတ်တမ်တွေအရ သိရပါတယ်။ ဇော်မိုးထက်(ဖားကန့် )
2 years Ago

July 14, 2019

ဖားကန့်တွင် ကမ်းပါးပြိုကျမှုကြောင့် လူ ၄ ဦး ရေနစ်ပျောက်ဆုံး 

ကချင်ပြည်နယ်၊ မိုးညှင်းခရိုင်၊ ဖားကန့်မြို့နယ် အေးမြသာယာ ရပ်ကွက် တောင်ပြိုရွာအပိုင်းရှိ ပိုင်ဖြိုးသီဟ ကျောက်စိမ်းတူးဖော်ရေး ကုမ္မဏီရဲ့ လုပ်ကွက်ကမ်းပါး ဇူလိုင် ၁၃ ရက်နေ့ မနက် ၁၀ နာရီခွဲလောက်က ပြိုကျခဲ့တာကြောင့် လူ ၄ ဦး ပျောက်ဆုံးနေတယ်လို့ သိရပါတယ်။ အမြင့်ပေ ၁၀၀ နီးပါးလောက်က ကမ်းပါးနံရံကြီး ပြိုကျခဲ့တာဖြစ်ပြီး အဆိုပါပြိုကျမှုကြောင့် တပိုင်တနိုင် ကျောက်စိမ်းတူးဖော်နေသူ ၅ ဦးဟာ ရေလှိုင်းရိုက်ခံရပြီး ရေလှိုင်းနဲ့အတူ လုပ်ကွက်ဟောင်း ရေကန်ထဲကို မျောပါခဲ့တယ်လို့ အခင်းဖြစ်နေရာအနီး ရှိနေသူတွေက ပြောပါတယ်။ ရေမျောသွားသူ ၅ ဦးအနက် ဦးနောဆန့် (၃၀) နှစ်ကိုသာ အုပ်ချုပ်ရေးအဖွဲ့ဝင်တွေနဲ့ ရေမဆေးရှာဖွေသူတွေ ဝိုင်းဝန်းဆယ်ယူနိုင်ခဲ့ပြီး သတိလစ်နေတာကြောင့် ဖားကန့်ပြည်သူ့ဆေးရုံကို ပို့ဆောင်ကုသထားတယ်လို့ ဆိုပါတယ်။ ရေမျောပါသွားသူ ၄ ဦးကိုတော့ ရှာဖွေကယ်ဆယ်နိုင်ခြင်း မရှိသေးဘဲ ရှာဖွေမှုလုပ်ငန်းတွေ ဆက်လက်လုပ်ဆောင်သွားမယ်လို့ ဖားကန့်မြို့နယ် အထွေထွေအုပ်ချုပ်ရေးမှူးက ပြောပါတယ်။  ဖားကန့်ရတနာနယ်မြေရှိ ကျောက်စိမ်းတူးဖော်ရေးလုပ်ငန်းတွေကို ဇူလိုင် ၁ ရက်နေ့ကစပြီး စက်တင်ဘာလကုန်အထိ အားလုံးရပ်နားထားဖို့ သယံဇာတနဲ့ သဘာဝပတ်ဝန်းကျင် ထိန်းသိမ်းရေးဝန်ကြီးဌာန မြန်မာ့ကျောက်မျက်ရတနာရောင်းဝယ်ရေးလုပ်ငန်း (မကလ) က တရားဝင်ညွှန်ကြားထားတာပါ။ ကချင်ပြည်နယ် ဖားကန့်မှာ ၂၀၁၉ ခုနှစ်အတွင်းမှာ မြေပြိုမှု၊ နွံကန်ပေါက်ကျမှု၊ ကမ်းပါးပြိုကျမှု၊ လုံခြုံရေးရဲတွေရဲ့ ပစ်ခတ်မှု၊ မြေစာသည်ယဉ် ကြိတ်မိတာတွေကြောင့် ကျောက်စိမ်းတူးဖော်ရေး ကုမ္ပဏီ ဝန်ထမ်း၊ ရေမဆေးကျောက်ရှာဖွေသူနဲ့ တနိုင်တပိုင် ကျောက်စိမ်းတူးဖော်သူ ၉၁ ဦး သေဆုံးခဲ့ပြီးဖြစ်တယ်လို့ လူမှုရေးအသင့်အဖွဲ့တွေ၊ အထွေအုပ်ချုပ်ရေး၊ သက်ဆိုင်ရာ ရဲတပ်ဖွဲ့ မှတ်တမ်းတွေအရ သိရပါတယ်။ ဇော်မိုးထက် (ဖားကန့်)
2 years Ago
Up