ဖားကန့်

December 1, 2021

ဖားကန့်မြို့နယ်တွင် တိုက်ပွဲဖြစ်

ကချင်ပြည်နယ်၊ ဖားကန့်မြို့နယ်၊ ဝှေခါမှော်ဝေလုံဘက်မှာ ဒီကနေ့ ဒီဇင်ဘာ ၁ ရက် မနက်ပိုင်းကစပြီး ညနေအထိ တိုက်ပွဲဖြစ်ပွားနေတယ်လို့ ဒေသခံတွေထံက သိရပါတယ်။ 

“ဝှေခါမှော်ဘက်ခြမ်းက ဝေလုံဘက်ပေါ့ မနက်ကတည်းက ပစ်နေကြတာ။ အခုညနေအထိ မပြီးသေးဘူး။ မြို့ထဲက ဗျူဟာကုန်းပေါ်ကလည်း ညနေ ၃ နာရီခွဲဝန်းကျင်က လက်နက်ကြီးနဲ့ နှစ်ချက်ပစ်တယ်” လို့ ဒေသခံတစ်ဦးက ပြောပါတယ်။ 

မက်လင်ခြောင်ဘက်ခြမ်းမှာလည်း နိုဝင်ဘာ ၃၀ ရက် ည ၈ နာရီလောက်က  ဗုံးပေါက်ကွဲမှုတစ်ခု ဖြစ်ပွားခဲ့ပြီး ထိခိုက်ဒဏ်ရာ ရရှိသူ မရှိဘူးလို့ သိရပါတယ်။ 

ဖားကန့်မြို့နယ်အတွင်း ကေအိုင်အေနဲ့ စစ်ကောင်စီတပ်တွေ တိုက်ပွဲ မကြာခဏဖြစ်ပွားလေ့ရှိပြီး စစ်ကောင်စီဘက်က လက်နက်ကြီးနဲ့ ပစ်ခတ်လေ့ရှိတယ်လို့လည်း ဒေသခံတွေက ပြောပါတယ်။ 

ဖားကန့်မြို့နယ်ကို ဩဂုတ် ၂၀ ရက် ည ၈ နာရီကစပြီး အင်တာနက်ပိတ်ထားတာ ၃ လ ကျော် ရှိနေပြီလည်း ဖြစ်ပါတယ်။

3 days Ago

November 28, 2021

ဖားကန့်တွင် စစ်အာဏာရှင်ပြုတ်ကျရေး ပြည်သူအင်အား ၂၀၀ ကျော် ဆန္ဒဖော်ပြ

ကချင်ပြည်နယ် မိုးညှင်းခရိုင် ဖားကန့်မြို့နယ် ဖားကန့်မြို့ တိုင်းရင်းသားပေါင်းစုံ ပင်မ သပိတ်စစ်ကြောင်းဟာ ဒီကနေ့ မွန်းတည့် ၁၂ နာရီလောက်က စစ်အာဏာပြုတ်ကျရေး ချီတက်ဆန္ဒပြခဲ့ကြပါတယ်။

လူအင်အား နှစ်ရာကျော်ရှိတဲ့ ဖားကန့်မြို့နယ် တိုင်းရင်းသားပေါင်းစုံ ပင်မသပိတ်စစ်ကြောင်းဟာ  စစ်အာဏာရှင်စနစ် လုံးဝအုပ်ချုပ်ခွင့်မရစေရ၊ ကျောင်းမတက်နဲ့ကျောင်းထွက်၊ PDF တွေ ဘာလုပ်နေလဲ ပြည်သူတွေကို ကာကွယ်နေတယ် စတဲ့ကြွေးကြော်သံတွေ  တနာရီကြာ ငြိမ်းချမ်းစွာ စီးတန်းလမ်းလျှောက် ဆန္ဒဖော်ထုတ်ခဲ့ကြပါတယ်။

ဖားကန့်မြို့ တိုင်းရင်းသားပေါင်းစုံ ပင်မသပိတ်စစ်ကြောင်းဟာ ဖော်ဖော်ဝါရီလ စစ်အာဏာသိမ်းစဉ်ကတည်းက  စစ်အာဏာရှင်ပြုတ်ကျရေး ဆက်တိုက်ဆန္ဒဖော်ထုတ်ခဲ့တာဟာ ဆယ်လကြာပြီဖြစ်ပါတယ်။ 

ဖားကန့်မြို့နယ်မှာ ငြိမ်းချမ်းစွာ ဆန္ဒဖော်ထုတ်သူနှစ်ဦးကို အာဏာသိမ်းစစ်ကောင်စီက ပစ်သတ်ခဲ့ပေမဲ့ ဆန္ဒပြပွဲတွေကတော့ ဒီနေ့အချိန်ထိ ဆက်ရှိနေဆဲ ဖြစ်ပါတယ်။

6 days Ago
More News
Up