ဖာဒီနန်

January 2, 2022

မန်စီးတီးနှင့်ပွဲတွင် အာဆင်နယ်ကို ပင်နယ်တီမပေးခဲ့သည့်အပေါ် ဖာဒီနန် ဝေဖန်

မန်စီးတီးကို အာဆင်နယ်က ၂ ဂိုး ၁ ဂိုး နဲ့ ရူံးနိမ့်ခဲ့တဲ့ပွဲစဉ်မှာ အာဆင်နယ်ဘက်ကိုပင်နယ် တီမပေးခဲ့ တဲ့အပေါ် ဖာဒီနန်ကဝေဖန်သွားပါတယ်။

ဖာဒီနန်ဟာ အဲဒီပွဲစဉ်ကို မန်စီးတီး နောက်ခံလူဟောင်း လက်စ်ကော့နဲ့အတူ BT Sportရုပ်သံမှာ သုံးသပ်တင်ဆက်ခဲ့တာပါ။ 

အာဆင်နယ်ကွင်းလယ်လူ အိုဒီဂတ်ကို မန်စီးတီးဂိုးသမား အီဒါဆန်က ပင်နယ်တီဧရိယာထဲမှာ လျှောထိုးဖျက်ထုတ်ခဲ့ပြီး အဲဒီဖြစ်ရပ်ဟာ ပင်နယ်တီပေးရမယ့်အခြေအနေဖြစ်တယ်လို့ ဖာဒီနန်က ပြောပါတယ်။ 

“ဒီဖြစ်ရပ်အပေါ် ဘာကြောင့်ပင်နယ်တီမပေးခဲ့သလဲဆိုတာ နားမလည်နိုင်ဘူး။ ဒါက လုံးဝပင်နယ်တီ ဆိုတာရှင်းပါတယ်။ မန်စီးတီးရတဲ့ပင်နယ်တီအတွက်တော့ ကွင်းဘေးက တီဗီဆီ ပြန်ကြည့်ပြီး အာဆင်နယ်ရနိုင်တဲ့ပင်နယ်တီကိုကျတော့ ကွင်းဘေးကတီဗီမှာ ပြန်မကြည့်တဲ့ ဆုံးဖြတ်ချက်က ရူပ်ထွေး စရာပါပဲ” လို့ ဖာဒီနန်ကဝေဖန်ပါတယ်။

အင်္ဂလန်နောက်ခံလူဟောင်း လက်စကော့ကလည်း ဖာဒီနန်ရဲ့ သုံးသပ်ချက်ကို ထောက်ခံခဲ့ပြီး စိတ်ပျက်စရာကောင်းတဲ့ဆုံးဖြတ်ချက်ဖြစ်တယ်လို့ ဝေဖန်ခဲ့ပါတယ်။

မန်စီးတီးဟာ ဒုတိယပိုင်းမှာ တစ်ယောက်အသာနဲ့ ကစားခဲ့ရပြီး ပင်နယ်တီတစ်ကြိမ်လည်းရရှိခဲ့ကာ နာကျင်အချိန်ပိုမှာ ကွင်းလယ်လူရိုဒရီက အနိုင်ဂိုးသွင်းယူခဲ့ပါတယ်။ 

2 weeks Ago

November 9, 2021

ခေါင်းမော့ထားနိုင်ချိန် မန်ယူကနေ ထွက်ခွာရန် ဆိုးလ်ရှားကို ဖာဒီနန် တိုက်တွန်း

မန်ယူနိုက်တက်အသင်းနည်းပြ ဆိုးလ်ရှားအနေနဲ့ ခေါင်းမော့ထားနိုင်ချိန်မှာ ထွက်ခွာဖို့ နောက်ခံလူဟောင်း ဖာဒီနန်က တိုက်တွန်းပါတယ်။ 

ဆိုးလ်ရှားဟာ အဓိကပြိုင်ဘက် မန်စီးတီးကို ရှုံးနိမ့်ခဲ့ပြီးနောက် ဖိအားတွေ ပိုမိုရှိလာခဲ့ပေမယ့် အသင်းဘက်ကတော့ ထုတ်ပယ်ခြင်းမရှိသေးဘဲ အခွင့်အရေးပေးထားဆဲ ဖြစ်ပါတယ်။ 

ယူနိုက်တက်နောက်ခံလူဟောင်း ဖာဒီနန်ကတော့ နည်းပြဆိုးလ်ရှားအနေနဲ့ ရာသီအစက ရလဒ်ကောင်းတချို့ကြောင့် အားငယ်စရာမရှိဘဲ အသင်းကနေ ခေါင်းမော့ပြီး ထွက်ခွာသင့်တယ်လို့ ဖာဒီနန်က ပို့စကတ်အစီအစဉ်တစ်ခုမှာ မှတ်ချက်ပေးခဲ့တာပါ။ 

“မန်ယူနိုက်တက် ကစားပုံက ဘောလုံးဒဿနရော၊ စရိုက်လက္ခဏာရော ဘာမှ မတွေ့ရပါဘူး။ လိဂ်ချန်ပီယံဆုအတွက် စိန်ခေါ်နိုင်မယ်လို့လည်း မထင်တော့ပါဘူး။ အပတ်စဉ်တိုင်း ငါတို့အသင်းက ဘာနည်းစနစ်တွေနဲ့များ ကစားနေတာလဲဆိုပြီး အံ့အားသင့်နေရပါတယ်။ ရာသီအစတုန်းကတော့ အပေါင်းလက္ခဏာဆောင်ခဲ့ဖူးလို့ အိုလီအနေနဲ့ ခေါင်းမော့ပြီး အသင်းကနေ ထွက်ခွာသင့်ပါပြီ” လို့ ဖာဒီနန်က ပြောပါတယ်။ 

ယူနိုက်တက်ကစားသမားတွေဟာလည်း နည်းပြအပေါ် ကြောက်ရွံ့လေးစားမှုမရှိဘဲ ဘာမှမဖြစ်တဲ့ပုံနဲ့ ကစားနေကြတယ်လို့ ဖာဒီနန်က ဝေဖန်ခဲ့ပါတယ်။

2 months Ago
More News
Up