ဖလော်ရီဒါကွန်ဒို

July 3, 2021

ဖလော်ရီဒါကွန်ဒို ပြိုကျမှု အလောင်း ၄ လောင်း ထပ်တွေ့၊ သေဆုံးသူ ၂၂ ဦးရှိလာ

ဖလော်ရီဒါကွန်ဒိုမီနီယံမျှော်စင်မှ Surfside ပြိုကျရာကနေ သေဆုံးသူ ၂၂ ဦး အထိ မြင့်တက်လာတာနဲ့အမျှ နောက်ထပ်လူ ၄ ယောက်ရဲ့ ရုပ်ကြွင်းအလောင်းတွေကို အပြိုအပျက်တွေ ကြားမှာ ထပ်ပြီးတွေ့ရှိခဲ့ရတာကြောင့် မိုင်ယာမီမြောက်ပိုင်းရှိ ဒေသခံအာဏာပိုင်တွေက ဒီအဆောက်အအုံကို လုံခြုံမှုမရှိဘူးလို့ သတ်မှတ်ပြီး လူနေအိမ်ခန်းတွေမှာ နေထိုင်သူတွေကို ပြောင်းရွှေ့ဖို့ အမိန့်ပေးခဲ့ပါတယ်။ 

အင်ဂျင်နီယာတွေဟာ ဆိုးရွားတဲ့ ကွန်ကရစ်နဲ့ လျှပ်စစ်ပြဿနာတွေကို တွေ့ရှိပြီးနောက်မှာ  ဒုတိယအဆောက်အအုံ Crestview Towers မှာ နေထိုင်သူတွေကို ချက်ချင်းထွက်ခွာဖို့ ပြောကြားခဲ့တယ်လို့ North Miami ကမ်းခြေရဲ့ မြို့တော်မန်နေဂျာ Arthur Sorey က ပြောကြားပါတယ်။ 

တနင်္လာနေ့အစောပိုင်းမှာ ဖလော်ရီဒါကို ရောက်ရှိမယ်လို့ ခန့်မှန်းရတဲ့ Isla ဟာရီကိန်း မုန်တိုင်း ရွေ့လျားနီးကပ်လာတာကြောင့် အရေးပေါ်အခြေအနေအဖြစ် သတ်မှတ်ခဲ့ပြီး နေရာပြောင်း ခိုင်းခဲ့တာပါ။ 

အဆောက်အအုံပိုင်ရှင်တွေဟာ သက်တမ်းအနှစ် ၄၀ လောက် ကြာလာပြီးနောက်မှာ မဖြစ်မနေ လုပ်ဆောင်ရမယ့် ဘေးကင်းလုံခြုံမှု ပြန်လည်စစ်ဆေးရေးလုပ်ငန်းစဉ်ကို စတင်လုပ်ဆောင်ခြင်း မရှိသေးဘူးလို့လည်း ဆိုပါတယ်။ 

နောက်ဆုံးတွေ့ရှိတဲ့ ရုပ်ကြွင်းအလောင်းတွေကို Surfside အနီးအနားရှိ ၁၂ ထပ်တိုက် Champlain Towers South အနောက်မှာ ကျန်ရှိနေတဲ့ အမှိုက်အပျက်အစီးတွေထဲကနေ ပြန်လည်ရှာဖွေတွေ့ရှိခဲ့ပြီး ပျောက်ဆုံးနေဆဲ ၁၂၆ ယောက်လို့ စာရင်းရှိထားပါတယ်။

 ဇွန် ၂၄ ရက် အစောပိုင်းက မျှော်စင်တစ်စိတ်တစ်ပိုင်း သူ့ဖာသာသူ ပေါ်ပေါက်လာပြီးနောက် အစောဆုံး အချိန်နာရီတွေကတည်းက အပျက်အစီးတွေထဲကနေ အသက်ရှင်လွတ်မြောက်သူ တယောက်ကိုမှ မတွေ့ရသေးပါဘူး။ 

ပျောက်ဆုံးစာရင်းမှာ ပါနေတဲ့အရေအတွက်ဟာ ကြာသပတေးနေ့ကစပြီး ၁၇ ယောက် လျော့သွားပြီ လို့ Miami-Dade မြို့တော်ဝန် Daniella Levine Cava က သတင်းထောက်တွေကို ပြောပါတယ်။ 

လူစာရင်းတွေအားလုံးက အပြောင်းအလဲတွေ ဖြစ် ဖြစ်နေတော့ စုံစမ်းစစ်ဆေးသူတွေရဲ့ အလုပ်ကနေ တခါတလေ ပြန်သုံးသပ်နေရတယ်လို့လည်း ဆိုပါတယ်။ 

မြို့တော်ဝန်က သူဟာ ကြာသပတေးနေ့က မြင်ကွင်းတွေမှာ ၁၂ ထပ်တာဝါရဲ့ ကျန်ရှိနေတဲ့အပိုင်း ပြိုကျသွားမှာစိုးရိမ်လို့ ရှာဖွေရေးနဲ့ ကယ်ဆယ်ရေးတွေကို ရပ်ထား ရတာကြောင့် ကျန်ရှိနေသေးတဲ့ မျှော်စင်အပိုင်းကို ဖျက်သိမ်းဖို့အမိန့်ကို လက်မှတ်ထိုးခဲ့တယ်လို့ ပြောပါတယ်။ 

သောကြာနေ့မှာ လုပ်ငန်းတွေပြန်စခဲ့ပြီး အပျက်အစီးပြင်ကြီးတလျှောက်မှာ မြေပုံစာရင်း ၉ ကွက်ထဲကနေ ၃ ကွက်အထိ ရှင်းလင်းလုပ်ဆောင်ပြီး ဖြစ်ပါတယ်။ 

5 months Ago

June 27, 2021

ဖလော်ရီဒါကွန်ဒိုမပြိုကျမီ ၃ နှစ်ကြို၍ သတိပေးခဲ့ဟု အတိုင်ပင်ခံလုပ်ငန်းပြော

အမေရိကန် နိုင်ငံ ဖလော်ရီဒါပြည်နယ် တောင်ပိုင်းက ကွန်ဒိုမီနီယံအဆောက်အအုံတစ်လုံး ပြိုကျလို့ လူသေတဲ့ဖြစ်စဉ် မတိုင်ခင် လွန်ခဲ့တဲ့ ၃ နှစ်တည်းက အဆောက်အအုံမှာ အကြီးစား အပျက်အစီးရှိတဲ့ သက်သေတွေ ရှိတယ်ဆိုတာ အတိုင်ပင်ခံလုပ်ငန်းက သတိပေးခဲ့ပြီးပြီလို့ ဇွန် ၂၆ ရက် နယူးယောက်တိုင်းမ်စ်သတင်းဌာနမှာ ဖော်ပြပါတယ်။

 “အဆောက်အအုံရဲ့ ရေကူးကန်အောက်က ကွန်ကရစ်ကြမ်းခင်းပြားမှာ အပျက်အစီး ရှိနေတယ်၊ မြေအောက် ယာဉ်ရပ်နားစခန်းမှာ အက်ကွဲကြောင်း ရှိနေတယ်ဆိုတာ လွန်ခဲ့တဲ့ ၃နှစ်တည်းက သတိပေးပြီးသား” လို့ ဆိုပါတယ်။

 ပြန်လည်ပြင်ဆင်ရေး စီမံကိန်းအတွက် အစီအစဉ်တွေကို ပုံဖော်ရာမှာ ကူညီသူ အတိုင်ပင်ခံ အင်ဂျင်နီယာ ဖရန့်ခ် မိုရာဘိတိုက ဒီအဆောက်အအုံကို မကြာခင် ပြင်ဆင်ဖို့ ၂၀၁၈ အောက်တိုဘာမှာ သတ်မှတ်ခဲ့အပြီး အဆောက်အအုံဆိုင်ရာ မန်နေဂျာတွေကို သတိပေးခဲ့တာလို့ ဆိုပါတယ်။

မိုင်ယာမီဆင်ခြေဖုံးက ၁၂ ထပ်အဆောက်အုံရဲ့ ကြီးမားတဲ့ အစိတ်အပိုင်းဟာ နေထိုင်သူတွေ အိပ်ပျော်နေတုန်း ဇွန် ၂၄ ရက်နေ့က ရုတ်တရက် ပြိုကျခဲ့တာပါ။

 ဘာကြောင့် ပြိုကျတယ်ဆိုတဲ့ အကြောင်းရင်းကိုတော့ မသိရသေး ပါဘူး။ ဒီပြိုကျမှု ကြောင့် လူ ၄ ယောက် သေဆုံးကြောင်း အတည်ပြုထားပြီး ကျန်လူ ၁၅၉ ယောက် ဘာဖြစ်သွားလဲဆိုတာ မသိရသေးပါဘူး။ 

မတည်ငြိမ်တဲ့ အပျက်အစီးပုံကြီးကို ရှာဖွေကယ်ဆယ်ရေးသမားတွေ နေ့ရောညပါ ရှာဖွေနေကြပါတယ်။

5 months Ago
Up