ဖလမ်းမြို့

January 18, 2022

ဖလမ်းမြို့နယ်တွင် တိုက်ပွဲဖြစ်၊ မပြေးနိုင်သည့် သက်ကြီးရွယ်အို ၇ ဦးကို စစ်တပ်က ဖမ်းဆီး

ချင်းပြည်နယ်၊ ဖလမ်းမြို့နယ် ဖလမ်း-ကလေး လမ်းမကြီးပေါ်က ပါးရ်သဲကျေးရွာအနီးမှာ စစ်ကောင်စီနဲ့ ဒေသခံ ချင်းကာကွယ်ရေးပူးပေါင်းတပ်ဖွဲ့တို့ တိုက်ပွဲဖြစ်ပွားတာကြောင့်  ဒေသခံ ကျေးရွာပြည်သူတွေ ထွက်ပြေးတိမ်းရှောင်ခဲ့ကြရပြီး မပြေးနိုင်ဘဲ ကျန်ရှိနေခဲ့တဲ့ သက်ကြီးရွယ်အို ၇ ဦးကို စစ်ကောင်စီတပ်က ဖမ်းဆီးထားတယ်လို့ ဒေသခံတွေက ပြောပါတယ်။

ကျေးရွာအနီးမှာ စစ်ကောင်စီတပ်နဲ့ ချင်းပြည်သူ့ကာကွယ်ရေးပူးပေါင်းတပ်ဖွဲ့တို့ဟာ ဇန်နဝါရီ ၁၅ ရက်နေ့ကတည်းက တိုက်ပွဲဖြစ်ပွားခဲ့ကြပြီး ၁၇ ရက်နေ့မှာလည်း ထပ်မံဖြစ်ပွားခဲ့ကြတာပါ။

တိုက်ပွဲဖြစ်ပွားတာကြောင့် ကျေးရွာဒေသခံတွေ ထွက်ပြေးတိမ်းရှောင်နေရပြီး  စစ်ကောင်စီတပ်က ဇန်နဝါရီ ၁၇ ရက်နေ့ ညပိုင်းမှာ နေအိမ်တွေအတွင်းမှာ ထွက်မပြေးနိုင်ဘဲ ကျန်ရှိခဲ့တဲ့ သက်ကြီးရွယ်အို ၇ ဦးကို ဖမ်းဆီးသွားတာလို့ ဒေသခံတွေက ပြောပါတယ်။

စစ်ဘေးတိမ်းရှောင်နေသူ ဒေသခံတစ်ဦးက “ရွာထဲမှာကျန်ခဲ့တဲ့ အသက်ကြီးသူတွေကို စကစက ဝင်ဖမ်းထားတယ်၊ အားလုံးပေါင်း ၇ ယောက် ရှိတယ်လို့ သိထားတယ်။ ရွာထဲကို လက်နက်ကြီးတွေ ကျကျလာတယ်။ ထွက်ပြေးကြတာပေါ့၊ အခုထိ မပြန်ရဲသေးဘူး။ အခုလည်း တိုက်ပွဲဖြစ်နေတုန်းပဲ၊ စစ်တပ်ဘက်က အသေများလို့ ဖမ်းတာလို့လည်း ပြောနေကြတယ်” လို့ ပြောပါတယ်။

ပါးရ်သဲကျေးရွာနဲ့ လုမ်ဘမ်ကျေးရွာတွေက ပြည်သူတွေဟာ စစ်ကောင်စီတပ် ဝင်ရောက်လာကတည်းက ထွက်ပြေးတိမ်းရှောင်နေကြရတာဖြစ်ပြီး အသက်ကြီးရွယ်အိုတွေသာ အိမ်မှာ ကျန်ရစ်ခဲ့ကြတယ်လို့ ဆိုပါတယ်။

ဇန်နဝါရီ ၁၈ ရက်နေ့ မနက် ၈ နာရီခွဲလောက်ကလည်း ဖလမ်းမြို့နယ် သူဖယ်ကျေးရွာ (Tuphei လို့ဖတ်ရန်) အနီးတဝိုက်မှာ စစ်ကောင်စီတပ်နဲ့ CNDF( Chin National Defence Force)တပ်တို့ တိုက်ပွဲဖြစ်ပွားခဲ့ကြပြီး စစ်ကောင်စီတပ်က ၄ ဦး သေဆုံးတယ်လို့ CNDFက သတင်းထုတ်ပြန်ထားပါတယ်။

ဇန်နဝါရီလ ၁၅ ရက်နေ့ကလည်း ဖလမ်းမြို့နယ်၊ ပါရ်သဲ ကျေးရွာအနီးမှာ စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံပြည်သူ့ကာကွယ်ရေး ပူးပေါင်းတပ်ဖွဲ့တို့  ၇ နာရီအချိန်ကြာအောင် တိုက်ပွဲဖြစ်ပွားရာမှာ ပြည်သူ့ကာကွယ်ရေးတပ်ဖွဲ့တွေက မိုင်းအတွဲလိုက်နဲ့ တိုက်ခိုက်ရာမှာ စစ်ကောင်စီ ၄ ဦး သေဆုံးပြီး ၁၀ ဦး ထိခိုက်ဒဏ်ရာရရှိခဲ့တယ်လို့ ချင်းအမျိုးသားအဖွဲ့ချုပ်က သိရပါတယ်။

ဇန်နဝါရီ ၁၆ ရက်နေ့မှာလည်း စစ်ကောင်စီတပ်က စစ်ကြောင်းထွက်လာပြီး တိုက်ပွဲဖြစ်ပွားတာကြောင့် ဖလမ်းမြို့နယ် ဝေဘူလမြို့အနီးက ကျေးရွာ ၈ ရွာက ပြည်သူ ၃ ထောင်နီးပါး ဘေးလွတ်ရာကို ထွက်ပြေးတိမ်းရှောင်နေရတယ်လို့ စစ်ဘေးရှောင်နေသူတွေက ပြောပါတယ်။

ပါးရ်သဲ၊ လုမ်ဘမ်နဲ့ ဖလမ်း-ကလေး လမ်းမကြီးပေါ်က ကျေးရွာသားတွေဟာ ဘေးလွတ်ရာကို တိမ်းရှောင်နေကြရတာဖြစ်ပါတယ်။

5 hours Ago

ဖလမ်းမြို့နယ် တိုက်ပွဲတွင် စစ်ကောင်စီတပ်သား ၆ ဦး သေဆုံး

ချင်းပြည်နယ်၊ ဖလမ်းမြို့နယ် ဖလမ်း- ကလေးလမ်းမကြီးပေါ်က လုမ်ဘမ်ကျေးရွာအနီး ဇန်နဝါရီ ၁၇ ရက်နေ့ မနက်ပိုင်းက စစ်ကောင်စီတပ်နဲ့ CNDF (Chin National Defence Force) တို့ တိုက်ပွဲဖြစ်ပွားရာမှာ စစ်ကောင်စီဘက်က ၆ ဦးသေဆုံးပြီး CNDF ရဲဘော် တစ်ယောက် လက်နက်ကြီးထိမှန် ဒဏ်ရာရရှိခဲ့တယ်လို့ သိရပါတယ်။

စစ်ကောင်စီတပ်ဖွဲ့ဟာ ဖလမ်း- ကလေးလမ်းမကြီး လမ်းကြောင်းအတိုင်း ချီတက်ရာမှာ  လမ်းမှာ ကြားဖြတ်အတိုက်ခိုက်ခံရတာကြောင့် လမ်းမကြီးအတိုင်းမသွားတော့ပဲ လမ်းမကြီးရဲ့ အနောက်ဘက်က Lati (လာတီးကျေးရွာ)၊ Kulzam( ကိုလ်ဇမ်ကျေးရွာ) ကျေးရွာဘက်ကနေ လှည့်ပတ်စစ်ကြောင်း ချီတယ်လို့ CNDF က သိရပါတယ်။

ကလေးမြို့က ချင်းတောင်ဆီကို စစ်ကူလာတဲ့ စစ်ကောင်စီကား ၅ စီးကိုလည်း ဇန်နဝါရီ ၁၇ ရက်နေ့မနက် ၁၀ နာရီလောက်မှာ လမ်းကြောင်းဖြတ်တိုက်ခိုက်ခဲ့တာကြောင့် စစ်ကောင်စီတပ်သား ၁၀ ယောက် သေဆုံးခဲ့ပါသေးတယ်။

ကြားဖြတ်တိုက်ခိုက်ခံရတာကြောင့် ရှေ့ဆက်မသွားဘဲ ကလေးမြို့ဘက်ကို ချက်ခြင်း ပြန်လှည့်သွားတယ်လို့ သိရပါတယ်။ 

ဇန်နဝါရီ ၁၇ ရက်နေ့ ညနေပိုင်းမှာ စစ်ကား ၄ စီးဟာ ကလေးမြို့ လေယာဉ်ကွင်းထဲကနေ အနောက်တောင်ဘက်ကို  ထွက်ခွာသွားပြီး တစ်စီးကို အနည်းဆုံး စစ်ကောငင်စီတပ်သား ၃၀ လောက် လိုက်ပါလာတယ်လို့ ဒေသခံတစ်ဦးက ပြောပါတယ်။

ဇန်နဝါရီ ၁၅ ရက်နေ့ မနက် ၁၀ နာရီလောက်ကနေ ညနေ ၅ နာရီခွဲလောက်ထိ ပါရ်သဲ ကျေးရွာအနီးမှာ စစ်ကြောင်းထိုးလာတဲ့ စစ်ကောင်စီတပ်နဲ့  ဒေသခံပြည်သူ့ကာကွယ်ရေး ပူးပေါင်းတပ်ဖွဲ့တို့ တိုက်ပွဲဖြစ်ပွားခဲ့ကြပြီး ပြည်သူ့ကာကွယ်ရေးတပ်ဖွဲ့တွေက မိုင်းအတွဲလိုက် နဲ့ တိုက်ခိုက်ရာမှာ စစ်ကောင်စီ ၄ ဦးသေဆုံးပြီး ၁၀ ဦး ထိခိုက်ဒဏ်ရာရရှိခဲ့တယ်လို့ ချင်းအမျိုးသားအဖွဲ့ချုပ်က သိရပါတယ်။

ဇန်နဝါရီလ ၁၄ ရက်နေ့ မနက် ၃ နာရီကလည်း ချင်းပြည်နယ်၊ ဖလမ်းမြို့နယ် ဝေဘူလမြို့နယ်ကို စစ်ကြောင်းထိုးလာတဲ့ စစ်ကောင်စီတပ်သား အင်အား ၂၀၀ လောက်ဟာ  မွှန်လီကျေးရွာနဲ့ ဗားရ် စခန်းကြားအရောက်မှာ CNDF တပ်ဖွဲ့ထောင်ထားတဲ့ မိုင်းတစ်လုံး နင်းမိ ပေါက်ကွဲမှုဖြစ်ပွားခဲ့ပြီး စစ်ကောင်စီတပ်သား ၅ ဦးသေဆုံးခဲ့ပြီး ထိခိုက်ဒဏ်ရာရရှိခဲ့ကာ ဗားရ်စခန်းမှာ ညအိပ်စခန်းချခဲ့တယ်လို့ သိရပါတယ်။

ချင်းတောင်ဘက်ကို တက်လာတဲ့ စစ်ကောင်စီ အင်အား ၁၀၀ ကျော် နဲ့ ပြည်သူ့ကာကွယ်ရေး ပူးပေါင်းတပ်ဖွဲ့တွေဟာ  ဇန်နဝါရီလ ၁၃ ရက်နေ့ တိုက်ပွဲဖြစ်ခဲ့ပြီး စစ်ကောင်စီတပ်သား ၇ ဦးသေဆုံးခဲ့တယ်လို့ Zoland PDFကသိရပါတယ်။

တိုက်ပွဲမှာ ပြည်သူ့ကာကွယ်ရေးပူးပေါင်းတပ်ဖွဲ့တွေအနေနဲ့ CNDF ၊ CNA ၊ CDM -Siyin၊ CDF-KKG ၊ Zoland – PDF ၊ CDM ၊ Zongam Army တပ်ဖွဲ့တို့ ပူးပေါင်း တိုက်ခိုက်ခဲ့ကြတာဖြစ်ပါတယ်။ 

ချင်းပြည်နယ် ဖလမ်းမြို့နယ် တဝိုက်မှာ ဇန်နဝါရီ ၁၃ရက်နေ့က ၁၇ ရက်နေ့အထိ စစ်ကောင်စီတပ်နဲ့ ဒေသခံချင်းပြည်သူ့ကာကွယ်ရေးတပ်ဖွဲ့ တိုက်ပွဲဖြစ်ပွားရာမှာ ၅ ရက်အတွင်း စစ်ကောင်စီတပ်သား ၃၂ ဦးအထိ သေဆုံးထားပါတယ်။

တိုက်ပွဲဖြစ်စဉ်တွေကြောင့် သေဆုံးဒဏ်ရာမှုအခြေအနေကို စစ်ကောင်စီဘက်ကတော့ သတင်းထုတ်ပြန်တာ မရှိသေးပါဘူး။

11 hours Ago

January 4, 2022

စစ်တပ်က ဖမ်းသွားသည့် ဖလမ်းမြို့နယ် ဟားခါးလေး ကျေးရွာသား ၂ ဦး ပျောက်ဆုံးနေ

ချင်းပြည်နယ်၊ ဖလမ်းမြို့နယ်၊ ပါမွန်ချောင်းရွာက ကျေးရွာသား ၁၉ ယောက်ကို စစ်ကောင်စီတပ်က ဖမ်းဆီးခေါ်ဆောင်သွားသလို ဟားခါးလေးကျေးရွာသား ၂ ယောက်လည်း ဖမ်းဆီးခံရပြီး ပျောက်ဆုံးနေတယ်လို့ ကျေးရွာ ဒေသခံတွေဆီက သိရပါတယ်။

ပါမွန်ချောင်းကျေးရွာဘက်မှာ စစ်ကောင်စီတပ်သား အင်အား ၁၀၀ လောက်နဲ့ ဇန်နဝါရီ ၃ ရက် မွန်းလွဲပိုင်းက  ကလေးမြို့နယ် ချောင်းခွကျေးရွာဘက်တွေကို ပြန်ဆင်းလာကြတယ်လို့ ဒေသခံတွေက ပြောပါတယ်။

စစ်ကောင်စီက ဇန်နဝါရီ ၃ ရက် ညနေပိုင်းမှာ ဖမ်းဆီးထားတဲ့  ၁၉ ယောက်ကို ပြန်လွှတ်ပေးခဲ့ပါတယ်။ ဒီဇင်ဘာ ၂၉ ရက်က ဟားခါးလေးကျေးရွာအတွင်းကို စစ်ကောင်စီတပ် ဝင်ရောက်လာစဉ်က ဖမ်းဆီးခဲ့တဲ့ အသက် ၅၀ ဝန်းကျင် ကျေးရွာသားနှစ်ဦးကို ဒီနေ့အချိန်အထိ ပြန်မလွှတ်ပဲ ပျောက်ဆုံးနေတယ်လို့ ဒေသခံတွေက ပြောပါတယ်။

“ဒီမနက် ချောင်းခွဘက်ဆင်းလာချိန်မှာ ပါမွန်ချောင်းရွာသား ၁၉ ယောက်ကို ဖမ်းခေါ်သွားတယ်။ တောလမ်းအတိုင်း ဟားခါးလေးကျေးရွာကို ပတ်တယ်။ ဟားခါးလေးရွာအရှေ့ဘက် ရောက်တဲ့အချိန်လောက်ကျတော့ ဟဲလုပ်ရွာဘက်က သေနတ်သံ ကြားရတယ်၊ ဖမ်းခံရတဲ့ ပါမွန်ချောင်းရွာသား ၁၉ ယောက်ကို ပြန်တော့လွှတ်ပေးကြပါတယ်။ ဟားခါးလေးရွာက ရွာသားနှစ်ယောက်ကို ဖမ်းခေါ်သွားတာကိုတော့ အခုချိန်ထိ ပြန်မလွှတ်သေးဘူး။ သူတို့ ဘာလုပ်လိုက်ကြတာလဲ မသိဘူး”လို့ ဒေသခံတစ်ဦးက ပြောပါတယ်။

ဒေသခံ နောက်တစ်ဦးကလည်း “အယောက် ၁၀၀ လောက် နတ်ချောင်းဘက်ကို ဆင်းလာတယ်။ ပါမွန်ချောင်းမှာ အယောက် ၁၉ ယောက်လောက် ဖမ်းထားတယ်။ ဘုရားရဲ့ကျေးဇူးတော်ကြောင့် ဟားခါးကနေ ပြန်လွှတ်ပေးတယ်”လို့ ပြောပါတယ်။ 

ကလေးမြို့နယ် ချောင်းခွ ကျေးရွာ၊ နတ်ချောင်း၊ နတ်မြောင်း နဲ့ ဟားခါးလေး၊ ပါမွန်ချောင်းကျေးရွာတွေကို စစ်ကောင်စီက ဝင်ရောက်ပြီး နေအိမ်တွေကို မီးရှို့ဖျက်ဆီးကာ နေအိမ်အတွင်းက အဖိုးတန်ပစ္စည်းတွေကို စစ်ကောင်စီက ယူဆောင်သွားတယ်လို့သိရပါတယ်။

ဇန်နဝါရီ ၁ ရက်နေ့ကလည်း ကလေးမြို့နယ်တောင်ပိုင်း ကြံသာကျေးရွာမှာ တပ်စွဲထားတဲ့ စစ်ကောင်စီတပ်ကို ဒရုန်းတွေနဲ့ ထောက်လှမ်းမှုပြုလုပ်ပြီး ဒေသခံ ပြည်သူ့ကာကွယ်ရေးတပ်ဖွဲ့တွေက မိုင်းဆွဲတိုက်ခိုက်ရာမှာ စစ်ကောင်စီ တပ်သား အများအပြား သေဆုံးခဲ့တယ်လို့ သိရပါတယ်။

2 weeks Ago
More News
Up