ဖမ်းဆီးထိန်းသိမ်းခံ

A d v e r t i s e m e n t With Us

January 9, 2021

ဖမ်းဆီးထိန်းသိမ်းခံထားရသူများနှင့် တွေ့ခွင့်ပေးရန်  မိသားစုဝင်များ တောင်းဆို

ရခိုင်ပြည်နယ်မှာ တပ်မတော်က အကြမ်းဖက်တိုက်ဖျက်ရေးဥပဒေတွေနဲ့ တရားစွဲဆိုပြီး အကျဉ်းထောင်တွေမှာ ဖမ်းဆီးထိန်းသိမ်းခံထားရသူတွေကို ကိုဗစ်ကာလ တရားရုံးမထုတ်တာ လနဲ့ချီ ကြာပြီဖြစ်တာကြောင့် တွေ့ဆုံခွင့်ပေးဖို့နဲ့ ပြန်လွှတ်ပေးဖို့ မိသားစုဝင်တွေက တောင်းဆိုခဲ့ကြပါတယ်။

ဖမ်းဆီးခံရတဲ့ ကပ်သပြေကျေးရွာနေ ကိုလှနုအောင်ရဲ့ဖခင် ဦးမောင်ဝေနုက “သူတို့ကိုဖမ်းသွားတာကတော့ ၆ လပိုင်း၊ ၂၆ ရက်နေ့က ဖမ်းသွားတာ၊ အခုဆိုရင် ၈ လလောက်ကြာပြီလေ။ ဖမ်းဆီးခံရတဲ့အထဲမှာ သား ၁ ယောက် ပါသွားတယ်။ လူ ၉ ယောက်ဖမ်းခံရတာမှာ ၇ ယောက်ကျန်ခဲ့တယ်။ အဲဒီ ၇ ယောက်က ဒုက္ခအခက်အခဲ ခံနေရတယ် ထောင်ထဲမှာ။ တွေ့လည်းမတွေ့ရဆိုပြီးတော့ ဖြစ်နေတယ်။ အဲဒါကို ကျနော်တို့က ဘယ်လိုနည်းနဲ့ ဘယ်လိုတွေ့ရမလဲ၊ လိုလားချက်ကတော့ ကျနော်တို့ မိဘလုပ်တဲ့သူတွေကတော့ ကိုယ့်သားသမီးတွေကိုတော့ လွတ်စေချင်တာပေါ့” လို့ ပြောပါတယ်။

ကပ်သပြေကျေးရွာမှာ တပ်မတော်က သံသယနဲ့ ဖမ်းဆီးသွားတဲ့အထဲ ကိုတင်အောင်ချေ ဆိုသူလည်း ပါဝင်ပြီး ကလေး ၄ ယောက်နဲ့ကျန်ရစ်တာကြောင့် မိသားစု စားဝတ်နေရေး အခက်အခဲ ကြုံတွေ့နေရတယ်လို့  ဇနီးဖြစ်သူ မဖြူသန်းရီက ပြောပါတယ်။

“အိမ်ရှင်ကို ဖမ်းသွားတုန်းက ကျမမှာ ကိုယ်ဝန်က ၅ လ၊ ကလေးက ၈ လ၊ ဆေးရုံက ဆင်းလာတာပဲရှိသေးတယ်၊ အခက်အခဲတွေကအများကြီးပါ။ ကျမမှာ အကြီးက ၈ နှစ်ရယ်၊ အငယ်က ၅ နှစ်မပြည့်သေးဘူး။ အိမ်ရှင်မရှိတဲ့ အချိန်မှာ ကျမတို့ကရေလုပ်ငန်းကို လုပ်ကိုင်စားသောက်နေတဲ့သူတွေဆိုတော့ ကိုယ့်မှာရှာဖွေပေးမဲ့ လူမရှိရင် အားကိုးမဲ့လူမရှိဘူး၊ ဒီနေ့လုပ်မှ ဒီနေ့စားရတာဆိုတော့၊ အခက်အခဲတွေကအများကြီးရှိတယ်” လို့ ပြောပါတယ်။

ကျောက်ဖြူအကျဉ်းထောင်မှာ တပ်မတော်က သံသယနဲ့ဖမ်းဆီးပြီး အကြမ်းဖက်တိုက်ဖျက်ရေးဥပဒေတွေနဲ့ တရားစွဲဆိုခံနေရသူ စုစုပေါင်း ၆၀ ကျော်ထိရှိကာ ဖမ်းဆီးခံရသူတွေဟာ ကျောက်ဖြူမြို့နယ်အပါအဝင် တစ်ခြားမြို့နယ်တွေကလည်း ပါဝင်တယ်လို့ သိရပါတယ်။

ဖမ်းဆီးခံရသူတွေမှာ ကိုဗစ်ကာလအတွင်း မိသားစုဝင် တွေနဲ့  တွေ့ခွင့်မရသလို ရုံးထုတ်စစ်ဆေးတာတွေ မရှိတဲ့အတွက် များစွာနစ်နာမှုတွေရှိနေတာကြောင့် ပြန်လည် လွှတ်ပေးဖို့ကိုလည်း မိသားစုဝင်တွေက တောင်းဆိုနေကြပါတယ်။

နောင်နောင်  

2 months Ago

August 2, 2020

ဖမ်းဆီးထိန်းသိမ်းခံ ရုရှား ပြည်နယ်အုပ်ချုပ်ရေးမှူးကို ထောက်ခံသူများ ဆန္ဒပြ

ဖမ်းဆီးထိန်းသိမ်းခံ ပြည်နယ်အုပ်ချုပ်ရေးမှူးကို ထောက်ခံတဲ့သူတွေ ရုရှားနိုင်ငံတလွှားက မြို့တွေမှာ သြဂုတ် ၁ ရက်က ဆန္ဒပြခဲ့ကြပါတယ်။ စိန့်ပီတာစဘတ်၊ ယေကာတာရင်ဘာ့ဂ်နဲ့ မော်စကိုမြို့တွေမှာ ဆန္ဒပြသူတွေကို ရဲတွေက ဖမ်းခဲ့ပါတယ်။ စနေနေ့က သီတင်းပတ် လေးပတ်မြောက်အဖြစ် ရုရှားအရှေ့စွန်း ခါဘာရော့ဗ်စ်ခ်မြို့မှာ လူထောင်ချီဆန္ဒပြပြီး သမ္မတဗလာဒီမီယာပူတင်က ဒေသန္တရနိုင်ငံရေးအကျပ်အတည်းကို ကိုင်တွယ်ဖြေရှင်းပုံကို ဆန့်ကျင်ချီတက်ခဲ့ကြပါတယ်။ ရုရှားအရှေ့ပိုင်းတလွှားက ဒေသခံတွေရဲ့ လူကြိုက်များတဲ့ အုပ်ချုပ်ရေးမှူးကို လူသတ်မှုနဲ့ ဖမ်းဆီးခဲ့လို့ ဒေသခံတွေ မပျော်မရွှင် ဖြစ်နေပါတယ်။ စွဲချက်တွေကိုတော့ အုပ်ချုပ်ရေးမှူး ဆာဂီဖာဂယ်က ငြင်းထားပါတယ်။ ဒီအမှုဟာ နိုင်ငံရေးအရ အကွက်ရွှေ့တာလို့ သူ့ကို ထောက်ခံသူတွေက ပြောပါတယ်။ ဒီကိစ္စဟာ ကိုဗစ်-၁၉ ကူးစက်ကပ်ဘေးကြောင့် ဝင်ငွေကျဆင်းပြီး စီးပွားရေး ကစဉ့်ကလျား ဖြစ်နေလို့ ဖြေရှင်းဖို့ ကြိုးစားနေတဲ့ ရုရှားအစိုးရအတွက် ခေါင်းကိုက်စရာ ဖြစ်နေတာပါ။ သမ္မတပူတင်က အုပ်ချုပ်ရေးမှူးအသစ် ခန့်ခဲ့ပေမယ့် အဲဒီလူဟာ ဒေသနဲ့ ပတ်သက်မှုမရှိလို့ ရာထူးက ဆင်းဖို့ ဆန္ဒပြသူတွေက တောင်းဆိုခဲ့ကြပါတယ်။
7 months Ago
Up