ဖမ်းဆီးခံလူငယ်

August 5, 2021

ရေးမြို့၌ ဆန္ဒပြခဲ့စဉ် ဖမ်းဆီးခံရသည့် လူငယ် ၁ ဦးအကျဉ်းထောင်တွင် သေဆုံး

မွန်ပြည်နယ်  ရေးမြို့မှာ စစ်ကောင်စီ ကျဆုံးရေး ဆန္ဒပြပွဲမှာ ပါဝင်ပြီး  ဖမ်းဆီးခံရတဲ့ လူငယ် ၁၇ ဦးထဲက လူငယ် ၁ ဦး ကျိုက်မရော အကျဉ်းထောင်မှာ သြဂုတ် ၄ ရက်နေ့မှာ သေဆုံးခဲ့တယ်လို့ သက်ဆိုင်ရာ နယ်မြေခံရဲစခန်းမှ မိဘများထံအကြောင်း ကြားခဲ့ပါတယ်။ 

သေဆုံးသူဟာ မောင်ပြေသိန်း အသက် ၂၉ နှစ်ဖြစ်ပြီး သေဆုံးရတဲ့ အကြောင်းအရင်းကို မသိရှိရသေးသလို မိဘတွေမှာလည်း တွေ့ခွင့်မရသေးဘူးလို့လည်း မိဘဆွေမျိုးနဲ့နီးစပ်တဲ့သူက ပြောပါတယ်။

မောင်ပြေသိန်းအပါအဝင် လူငယ် ၁၇ ဦးဟာ ရေးမြို့မှာ ဆန္ုပြနေစဉ် ဖမ်းဆီးခံခဲ့ရတာဖြစ်ပြီး ကျိုက်မရောထောင်သို့ပို့ဆောင်ခံခဲ့ရတာဖြစ်ပါတယ်။ အဲဒီထဲက  အသက်မပြည့်သူတစ်ဦးကတော့ လူငယ်ပြုပြင်ထိန်းသိမ်းရေးစခန်းကို ပို့ဆောင်ခံခဲ့ရတာပါ။

 ရေးမြို့နယ်မှာ စစ်အာဏာရှင်ဆန့်ကျင်ရေး ဆန္ဒပြပွဲမှာ ဖမ်းဆီးခံထားရတဲ့သူ အနည်းဆုံး ၃၀ ဦးခန့်ရှိပြီး ၅၀၅-ကနဲ့ အရေးယူခဲ့သလို မတရားဖမ်းဆီးခံခဲ့ရတဲ့သူတွေလည်း ဒီနေ့အထိ ပြန်မလွှတ်ပေးတဲ့သူတွေလည်း ရှိနေပါတယ်။

4 months Ago
Up