ဖမ်းဆီ

March 14, 2021

ကျောက်ဆည်မြို့တွင် လက်ဖက်ရည်ဆိုင်ထိုင်နေသည့် လူငယ် ၂ ဦး မတရားဖမ်းဆီးခံရ

ကျောက်ဆည်မြို့မှာ ည ၉ နာရီဝန်းကျင်က မင်းရပ်,ရပ်ကွက် ကောင်းသန့် လက်ဖက်ဆိုင်မှာ ဘောလုံးပွဲလာကြည့်တဲ့ လူငယ်နှစ်ယောက်ကို ရဲနဲ့စစ်သားတွေက မတရားဖမ်းဆီးသွားတယ်လို့ သိရပါတယ်။ 

ညပိုင်း သံပုံးတီးအပြီး ရပ်ကွက်ထိပ်မှာ မြို့နေ့လူထုက ဖယောင်းတိုင်ထွန်းဆုတောင်းပွဲ ပြုလုပ်နေစဥ် ရဲကားနဲ့စစ်ကားတွေ ဝင်လာပြီး တွေ့ရာလူကို လိုက်ဖမ်းတဲ့အတွက် ရပ်ကွက်သူ ရပ်ကွက်သားများ ထွက်ပြေးခဲ့ရပြီး လက်ဖက်ရည်ဆိုင်က သာမန်အရပ်သား လူငယ်နှစ်ဦးကို အတင်းဆွဲခေါ်သွားတယ်လို့ မျက်မြင်တွေက ပြောပါတယ်။

အဆိုပါ လူငယ်နှစ်ဦးက မင်းရပ်ရပ်ကွက်နဲ့ သစ်ကြီးတန်းရပ်ကွက်က ဖြစ်ပြီး မိသားစုဝင်များက ရဲစခန်းမှာ အာမခံ ရမရ သွားမေးဖို့တောင် ကြောက်နေတယ်လို့ ဆိုပါတယ်။ 

လိုက်ဖမ်းစဥ်မှာ လက်ဖက်ရည်ဆိုင်ပတ်ဝန်းကျင်က ခြံစည်းရိုးတွေပါ ဖျတ်ဆီးသွားတယ်လို့ သိရပါတယ်။

ကျောက်ဆည်မှာ မတ် ၁၃ ရက်နေ့ ညနေ ၃ နာရီမှာ လူထုသပိတ်စစ်ကြောင်းထွက်ခဲ့ပြီးနောက် ရဲနဲ့စစ်သားတွေက စတင်ဖမ်းဆီးခဲ့ပေမယ့် တစ်ယောက်မှ မမိခဲ့ပါဘူး။

မနေ့ညက လူနှစ်ဦး ဖမ်းဆီးခေါ်ဆောင်ခံရမှုဟာ ကျောက်ဆည်မြို့မှာ ပထမဦးဆုံးလည်း ဖြစ်ပါတယ်။

11 months Ago

August 20, 2020

မောရစ်ရှကမ်းလွန်တွင် ရေနံယိုဖိတ်ခဲ့သည့် ဂျပန်သင်္ဘောကပ္ပတိန်ကို ဖမ်းဆီး

မောရစ်ရှကမ်းလွန်မှာ ရေနံတန်ချိန် ၁၀၀၀ လောက် ယိုစိမ့်ခဲ့တဲ့  ဂျပန်သင်္ဘောကပ္ပတိန်ကို  မောရစ်ရှရဲတပ်ဖွဲ့က သြဂုတ် ၁၈ ရက်မှာ ဖမ်းဆီးလိုက်ပါတယ်။  အမ်ဗွီဝါကာရှီယို သင်္ဘောကပ္ပတိန် အိန္ဒိယလူမျိုး ဆန်နေးကူးမား-နာဒက်ရှ်ဝါကို  “ဘေးကင်းစွာ ရေကြောင်းသွားလာခြင်းကို အန္တရာယ်ဖြစ်စေမှုနဲ့” စွဲချက်တင်ခဲ့တာပါ။  သင်္ဘောပထမအရာရှိလည်း ဖမ်းဆီးခံရသလို သင်္ဘောအမှုထမ်း အားလုံးကို မေးမြန်းနေ တယ်လို့ စုံစမ်းရေးမှူးတွေက ပြောဆိုပါတယ်။   ကမ်းခြေကနေ အနည်းဆုံး ၁၆ ကီလိုမီတာအကွာမှာ ရှိရမယ့် သင်္ဘောဟာ ဘာကြောင့် သန္တာကျောက်တန်းကို တိုက်ချိန်မှာ  ၂ ကီလိုမီတာ အကွာမှာသာ ရှိနေလဲဆိုတာကို ဒီစုံစမ်းရေးမှာ  အဓိကထား မေးမြန်းသွားမှာပါ။  သင်္ဘောကပ္ပတိန် နာဒက်ရှ်ဟာ  လာမယ့်သီတင်းပတ်မှာ အာမခံကြားနာချက်ကို ရင်ဆိုင်ရဖို့ ရှိတယ်လို့ ရိုက်တာသတင်းမှာ ဖော်ပြထားပါတယ်။
1 year Ago
More News
Up