ဖမ်းဆီးခံ ကျောင်းသားနှင့်ဝန်းရံပြည်သူများ လွတ်မြောက်ရေး တောင်းဆို

A d v e r t i s e m e n t With Us

April 6, 2016

ဖမ်းဆီးခံ ကျောင်းသားနှင့် ၀န်းရံပြည်သူများကို သံချပ်ဖြင့် ဖျော်ဖြေ (ရုပ်သံ)

ဧပြီလ ၅ ရက်နေ့ မနက်ပိုင်းက ၄၆ ကြိမ်မြောက် သာယာဝတီကျောင်းသားရုံးထုတ်မှာ ဖမ်းဆီးခံထားရတဲ့ ကျောင်းသားတွေနဲ့ ဝန်းရံပြည်သူတွေကို ကေတုအိုးဝေတော်လှန် သံချပ်အဖွဲ့က လာရောက်အားပေးဖျော်ဖြေခဲ့ပါတယ်။ ဧပြီ ၅ ရက်နေ့မှာ တောင်ငူခရိုင် ဗကသ ကျောင်းသားတွေနဲ့ ဖွဲ့စည်းထားတဲ့ ကေတုအိုးဝေ တော်လှန်သံချပ်အဖွဲ့က သာယာဝတီမြို့နယ်တရားရုံးဝင်းအတွင်းရှိ ကျောင်းသားတွေရဲ့အမှုကို စစ်ဆေးနေတဲ့ မြို့နယ်တရားသူကြီးရုံးခန်း အရှေ့ဘက်ရှိ မြေကွက်လပ်မှာ ပြုလုပ်ခဲ့တာဖြစ်ပါတယ်။ ကေတု အိုးဝေ တော်လှန်သံချပ်အဖွဲ့ ခေါင်းဆောင်တွေနဲ့ အဖွဲ့ဝင်အချို့ဟာ ဒီမိုကရေစီပညာရေး သပိတ်စစ်ကြောင်းနဲ့အတူ အကြမ်းဖက်ဖမ်းဆီးခံခဲ့ရတဲ့အတွက် ၂၀၁၅ ခုနှစ် သင်္ကြန်မှာ ဖျော်ဖြေနိုင်ခဲ့ခြင်း မရှိပါဘူး။ (ရိုက်ကူး - ၀ဏ္ဏထွန်း)
5 years Ago

September 12, 2015

ဖမ်းဆီးခံ ကျောင်းသားနှင့်ဝန်းရံပြည်သူများ လွတ်မြောက်ရေး တောင်းဆို

အမျိုးသားပညာရေးဥပဒေကို ကန့်ကွက်ဆန္ဒပြရင်း အဖမ်းခံခဲ့ရတဲ့ ကျောင်းသားနဲ့ဝန်းရံပြည်သူတွေ ပြန်လည်လွတ်မြောက်ရေးအတွက် လက်မှတ်ရေးထိုးတောင်းဆိုတာကို ဥပဒေပညာရှင်တွေက စက်တင်ဘာ ၁၁ ရက်နေ့မှာ စတင်လိုက်ပါတယ်။ သာယာဝတီအကျဉ်းထောင်မှာ ဖမ်းဆီးခံနေရတာ ၆ လရှိခဲ့ပြီဖြစ်တဲ့ ကျောင်းသားတွေအပါအ၀င် ၀န်းရံ ပြည်သူတွေကို တရားစွဲဆိုထားရာမှာ ဒီနေ့အထိ တရားလိုတယောက်တည်းကိုတောင် စစ်ဆေးလို့ မပြီးသေးပါဘူး။ အဲဒါကြောင့် ဒီအတိုင်း စစ်ဆေးနေမယ်ဆိုရင် နောက်နှစ်ပေါင်း ၄၀ ကြာမှ အမှုပြီးနိုင်မယ်လို့ ရှေ့နေတွေက ပြောပါတယ်။ ပညာရေးဥပဒေကို ဆန္ဒပြနေတဲ့ ပြီးခဲ့တဲ့ ဖေဖော်ဝါရီလတုန်းက ပညာရေးသပိတ်မှာ ပါဝင်တဲ့ ကျောင်းသားနဲ့ ကူညီသူတွေကို သပိတ်နဲ့ပတ်သက်ပြီး အရေးမယူဖို့ လေးပွင့်ဆိုင်တွေ့ဆုံမှုမှာ သဘောတူ လက်မှတ်ရေးထိုး ခဲ့ကြဖူးပါတယ်။ ဒါဟာ ပြစ်မှုဆိုင်ရာ ကျင့်ထုံးဥပဒေပုဒ်မ ၄၉၄ အရ ရုပ်သိမ်းနိုင်တဲ့အမှုဖြစ်တဲ့အတွက် ပြန်လွှတ်ပေးဖို့ မြန်မာမီဒီယာ ရှေ့နေများကွန်ရက်က နိုင်ငံတော် သမ္မတနဲ့ တရားသူကြီးချုပ်၊ ရှေ့နေချုပ်စတဲ့ တာဝန်ရှိသူတွေဆီကို လက်မှတ်ရေးထိုးတောင်းဆိုလိုက်တာပါ။ ဒီလိုတောင်းဆိုတာကို ပြည်သူတွေလည်း ပါဝင်လက်မှတ်ထိုးနိုင်အောင် စီစဉ်မှာဖြစ်တယ်လို့ ဦးဆောင်စီစဉ်တဲ့ တရားလွှတ်တော်ရှေ့နေ ဦးအောင်စိုးဦးက ပြောပါတယ်။ လက်နက်ကိုင် အဖွဲ့တွေနဲ့တောင်မှ ငြိမ်းချမ်းရေးဆွေးနွေးနေတဲ့အချိန်မှာ ကျောင်းသားတွေဟာ ရာဇ၀တ်သားတွေလို အကျဉ်းကျခံနေရတယ်လို့လည်း ပေးပို့မယ့်စာမှာ ဖော်ပြထားပါတယ်။ အမျိုးသားပညာရေးဥပဒေကို ကန့်ကွက်ဆန္ဒပြခဲ့တဲ့အတွက် အကြမ်းဖက်ဖြိုခွင်း ဖမ်းဆီးခံရတဲ့နောက် ကျောင်းသားနဲ့ ၀န်းရံပြည်သူ ၇၉ ယောက်ဟာ သာယာဝတီအကျဉ်းထောင်မှာ အကျဉ်းကျခံ နေတာဖြစ်ပါတယ်။
5 years Ago
Up