ဖန်ပြွန်သန္ဓေသား

April 18, 2018

သေဆုံးမိဘများ၏ ၄ နှစ်ကြာ အေးခဲထားသည့် ဖန်ပြွန်သန္ဓေသားမှ ကလေးမွေးဖွား

တရုတ်နိုင်ငံမှာ သေဆုံးသွားတဲ့ မိဘနှစ်ပါးရဲ့ မျိုးအောင်သန္ဓေသားလောင်းကို အေးခဲထိန်းသိမ်းထားခဲ့ရာက လေးနှစ်အကြာမှာ ကလေးငယ်တဦး မွေးဖွားလာခဲ့တယ်လို့ မေရာသတင်းတပုဒ်မှာ ဖော်ပြပါတယ်။ မိဘတွေဟာ ကားမတော်တဆမှုဖြစ်စဉ်မှာ ကွယ်လွန်သွားခဲ့ကြတာဖြစ်ပြီး သူတို့ရဲ့ မျိုးအောင်သန္ဓေသားလောင်းကို အဘိုးအဘွားတွေက အငှားကိုယ်ဝန်ဆောင်စေခဲ့ပြီး ခုလို မွေးဖွားနိုင်ခဲ့တာလို့ ဆိုပါတယ်။ ဒီအဖြစ်အပျက်ဟာ တရုတ်နိုင်ငံ၊ ယီရှင်းမြို့မှာ ဖြစ်ခဲ့ပြီး မိဘတွေဖြစ်ကြတဲ့ ရှန်းဂျီနဲ့ သူ့ရဲ့ဇနီး လူရှီတို့ဟာ ခန္ဓာကိုယ်ပြင်ပ သန္ဓေအောင်စေတဲ့ ဖန်ပြွန်သန္ဓေသား ကိုယ်ဝန်ဆောင်စေတဲ့နည်းနဲ့ ကလေးမွေးဖွားနိုင်ဖို့ မျှော်လင့်ခဲ့ကြတာပါ။ သူတို့ သေဆုံးပြီးချိန်မှာတော့ ကျန်ရစ်နေခဲ့တဲ့ မျိုးအောင်သားလောင်း လေးခုကို အသုံးပြုနိုင်ဖို့ သေဆုံးသူတွေရဲ့ မိဘတွေဟာ တရားရင်ဆိုင်ခဲ့ရပြီးမှ ခုလို အောင်အောင်မြင်မြင်နဲ့ မွေးဖွားနိုင်ခဲ့တာဖြစ်တယ်လို့ သတင်းမှာ ဧပြီ ၁၂ ရက်နေ့က ဖော်ပြပါတယ်။ အငှားကိုယ်ဝန်ကိုတော့ အရှေ့တောင်အာရှနိုင်ငံတနိုင်ငံဖြစ်တဲ့ လာအိုနိုင်ငံမှ အမျိုးသမီးတဦးကို ကိုယ်ဝန်ဆောင်ခိုင်းစေခဲ့တာ ဖြစ်ပါတယ်။ “ကလေးက အမြဲပြုံးနေတယ်။ သူ့မျက်လုံးတွေက ကျမသမီးရဲ့ မျက်လုံးတွေနဲ့ တူတယ်။ ဒါပေမယ့် အားလုံးခြုံကြည့်ရင်တော့ အဖေနဲ့ပိုတူတယ်” လို့ သေဆုံးသူ အမျိုးသမီးရဲ့ မိခင်ဖြစ်သူက ပြောပါတယ်။ ကလေးငယ်ကိုတော့ မန်ဒရင်းတရုတ်ဘာသာစကားနဲ့ တီရန်တီရန် “ဆွိ(တ်)” လို့ အဓိပ္ပာယ်ရတဲ့ ချစ်စနိုးအမည် ပေးထားပေမယ့် ကလေးရဲ့ အမည်အရင်းကိုတော့ မသတ်မှတ်ရသေးပါဘူး။ ကလေးကို ၂၀၁၇ ခုနှစ် ဒီဇင်ဘာလက မွေးဖွားခဲ့ပြီး မိဘတွေကတော့ ၂၀၁၃ ခုနှစ် မတ်လမှာ သေဆုံးခဲ့ကြတာဖြစ်လို့ သန္ဓေသားလောင်းဟာ လေးနှစ်ကျော်ကြာမှ မွေးဖွားခဲ့တာ ဖြစ်ပါတယ်။ သေဆုံးသူအမျိုးသားရဲ့ ဖခင်ဖြစ်သူကတော့ မွေးဖွားလာတဲ့ ကလေးကို ဒီအကြောင်းတွေ မသိစေဘဲ အသက်ကြီးလာမှ ပြောပြမယ်လို့ စီစဉ်ထားကြောင်း ဆိုပါတယ်။ တရုတ်နိုင်ငံမှာ အငှားကိုယ်ဝန်ဆောင်တာက တရားမဝင်ဖြစ်နေသေးလို့ အဘိုးအဘွား ဖြစ်သူတွေဟာ နိုင်ငံရပ်ခြားက ဆေးပညာရှင်တွေရဲ့ အကူအညီကိုလည်း ယူခဲ့ရတာပါ။ ကလေးငယ်ကို တရုတ်နိုင်ငံသားအဖြစ် ခံယူနိုင်ဖို့ ကလေးရဲ့ မိဘတွေက တရုတ်နိုင်ငံသားတွေ ဖြစ်ကြောင်းနဲ့ ကလေးရဲ့ ဒီအန်အေနဲ့ သွေးနမူနာ စစ်ဆေးချက်ကို သူတို့ရဲ့ မြေးအရင်းဖြစ်ကြောင်း သက်သေပြဖို့ ရုံးတော်ကို တင်ပြခဲ့ကြရတယ်လို့လည်း အဘိုးအဘွားတွေက ပြောပါတယ်။
4 years Ago

February 2, 2018

ဖန်ပြွန်သန္ဓေသား နည်းပညာဖြင့် နွားသားပေါက် ၇ ကောင် မွေးဖွား

တရုတ်နိုင်ငံမြောက်ပိုင်း ကိုယ်ပိုင်အုပ်ချုပ်ခွင့်ရဒေသ မွန်ဂိုလီယားက တန်ဂလီယာအိုမြို့မှာ ဖန်ပြွန်သန္ဓေသား နည်းပညာနဲ့ နွားသားပေါက် ၇ ကောင်ကို အောင်မြင်စွာ မွေးဖွားနိုင်ခဲ့ပါတယ်။ ၂၀၁၇ ခုနှစ် ဒီဇင်ဘာ ၂၇ ရက်ကနေ ၂၀၁၈ ခုနှစ် ဇန်န၀ါရီ ၄ ရက်အတွင်းမှာ နွားသားပေါက် ၇  ကောင်ကို  ဖန်ပြွန်သန္ဓေသားနည်းပညာနဲ့ အောင်မြင်စွာ မွေးဖွားနိုင်ခဲ့တာဟာ တရုတ်နိုင်ငံတွင်း ဖန်ပြွန်သန္ဓေသားနဲ့ နွားသားပေါက် အမြောက်အမြား ထုတ်လုပ်နိုင်မယ့် သမိုင်းမှတ်တိုင်တခု ဖြစ်လာခဲ့ပါတယ်။ မွေးဖွားခဲ့တဲ့ ၂၀ ရက်သား နွားပေါက်လေး ၇ ကောင်လုံးဟာ အလေးချိန် ၄၅ ကီလိုဂရမ်အထက်ရှိကြပြီး ကျန်းမာကြပါတယ်။ “နွားသားပေါက် ၇ ကောင်လုံးက ပုံမှန်လက္ခဏာနဲ့ သိပ်ကိုကျန်းမာပါတယ်။ မွေးပြီးတော့ ကျန်းမာရေး အာမခံချက်ရှိစေဖို့ သူတို့ရဲ့ ကိုယ်အပူချိန်နဲ့ နှလုံးခုန်နှုန်းကို နေ့တိုင်း စောင့်ကြည့်ခဲ့ပါတယ်” လို့ မွေးမြူရေးနဲ့ သားဖောက်ရေးဌာနက တိရစ္ဆာန် ဆရာဝန်တဦးက ပြောပါတယ်။ “ဖန်ပြွန်သန္ဓေသားနဲ့ နွားပေါက်တွေ အများကြီး ထုတ်လုပ်နိုင်တာက ကုန်ထုတ်လုပ်မှု စွမ်းအားအတွက် သိပ္ပံနဲ့ နည်းပညာပိုင်းကို ပြောင်းလဲဖို့ အဖြေတခုဖြစ်ပါတယ်။ နွားတွေရဲ့ မျိုးစိတ်ကို အေးခဲသန္ဓေသားလောင်းအနေနဲ့ ၁၀ နှစ်ကနေ ဆယ်စုနှစ်များစွာအထိ ထိန်းသိမ်းထားနိုင်ပါတယ်။ ဒါဟာ သက်ရှိနွားတွေကို သယ်ယူပို့ဆောင်ဖို့ ခက်ခဲတဲ့ ပြဿနာကို ဖြေရှင်းနိုင်တဲ့ နည်းလမ်းတခုလည်း ဖြစ်လာနိုင်တယ်” လို့ မွေးမြူရေးနဲ့ သားဖောက်ရေးဌာန သုတေသီတဦးက ပြောပါတယ်။
4 years Ago
Up