ပွဲစားခ

September 27, 2021

ပွဲစားခဘတ် ၁၆,၀၀၀ စီပေးပြီး ထိုင်းနိုင်ငံကိုဝင်လာသည့် မြန်မာ ၁၂ ဦး ဖမ်းဆီးခံရ

ထိုင်းနိုင်ငံဘက်ကို တရားမဝင် နယ်စပ်ဖြတ်ကျော်ဝင်ရောက်လာတဲ့ မြန်မာနိုင်ငံသား ၁၂ ယောက်ကို မောင်ခရိုင်နယ်စပ် ကျေးရွာတရွာအနီးမှာ စက်တင်ဘာ ၂၆ ရက် ညနေပိုင်းက ဖမ်းမိခဲ့တယ်လို့ ဘန်ကောက်ပို့စ်သတင်းမှာ ဖော်ပြပါတယ်။

စစ်သားတွေ၊ ရဲတွေနဲ့ ဒေသခံတွေ ပူးပေါင်းပါဝင်တဲ့ ကင်းလှည့်တပ်ဖွဲ့ဟာ သူတို့ကို ညနေ ၄ နာရီလောက်က ပုန်းအောင်းနေရာ သစ်တောထဲမှာ တွေ့ရှိခဲ့ရတာလို့ ဆိုပါတယ်။

ဖမ်းမိသူတွေထဲမှာ မြန်မာအမျိုးသား ၅ ယောက်နဲ့ အမျိုးသမီး ၇ ယောက်ပါဝင်ပြီး သူတို့ ဟာ ပဲခူး၊ မြဝတီနဲ့ ရန်ကုန်မြို့တွေကနေ ဘန်ကောက်ထိ ရောက်ရှိဖို့ တယောက်ကို ပွဲ စားခဘတ်ငွေ ၁၆,၀၀၀ စီ ပေးခဲ့ကြရတယ်လို့ ဆိုပါတယ်။

လတ်တလောမှာတော့ သူတို့အားလုံးကို မောင်ခရိုင်ရဲစခန်းဆီ ပို့ဆောင်ထားပြီး ဉပဒေအရ လိုအပ်တဲ့ စစ်ဆေးမှုတွေ ဆက်လက်လုပ်ဆောင်နေကာ နေရပ်ပြန်ပို့နိုင်ဖို့ ဆက်လက် လုပ်ဆောင်သွားမယ်လို့ ဆိုပါတယ်။

2 months Ago

August 14, 2020

ပွဲစားခ ဘတ် ၁၅၀၀၀ ပေးပြီး ထိုင်းသို့ တရားမဝင် ဝင်လာသည့် မြန်မာ ၁၄ ဦး ဖမ်းဆီးခံရ 

ထိုင်း-မြန်မာနယ်စပ် တာ့ခ်ခရိုင် ထာ့ဆောင်ယန်းမြို့နယ်ထဲမှာ ပွဲစားကို ဘတ်ငွေ ၁၅၀၀၀ စီပေးပြီး တရားမဝင် ဝင်ရောက်လာတဲ့ မြန်မာနိုင်ငံသား ၁၄ ဦး ဖမ်းဆီးခံရတယ်လို့ ဒီကနေ့ အာဆီယံဒေသတွင်းသတင်းမှာ ဖော်ပြပါတယ်။  သောင်ရင်းမြစ်ကိုဖြတ်ကူးပြီး တရားမဝင် ဝင်ရောက်လာမှုတွေ ရှိနေကြောင်း ကြိုတင်သတင်းရထားတဲ့အတွက် တာ့ခ်ခရိုင် အမှတ် ၅ နယ်မြေလဝက ရဲတပ်ဖွဲ့နဲ့ တာဝန်ရှိသူတွေဟာ အဖွဲ့ခွဲပြီး စောင့်ကြပ်နေခဲ့ကြောင်း၊ အဲဒီနောက် မယ်တန့်အုပ်စု သောင်ရင်းမြစ်ကမ်းနဘေး မြက်တောထဲကနေမောင်းနှင်လာတဲ့ မီးခိုးရောင်အီစူးဇူးဒီမက်စ်ကား တစ်စီးကို တွေ့ရကြောင်း၊ အဆိုပါကားမှာ ကားနံပါတ်ပြားတပ်ဆင်ထားခြင်း မရှိတဲ့အတွက် တာဝန်ရှိသူတွေက စစ်ဆေးမေးမြန်းဖို့ အနောက်ကလိုက်မောင်းစဉ် အရှိန်နဲ့ အမြန်မောင်းပြေး သွားလို့ တစ်နာရီကျော်ကြာလိုက်လံဖမ်းဆီးခဲ့ရတယ်လို့ ဆိုပါတယ်။  ယာဉ်မောင်းသူမှာ အသက် ၂၄ နှစ်ရွယ်ရှိ နိုင်းထစ်ပ် ဆိုသူဖြစ်ပြီး ထာ့ဆောင်ယန်းက ထိုင်း နိုင်ငံသားဖြစ်ကြောင်း၊ ကားထဲမှာတော့ မြန်မာနိုင်ငံသား အမျိုးသားရော အမျိုးသမီးပါ စုစုပေါင်း ၁၄ ဦးလိုက်ပါလာတယ်လို့ ဆိုပါတယ်။ စစ်ဆေးမေးမြန်းချက်အရ သူတို့ဟာ ထိုင်းနိုင်ငံအတွင်းပိုင်းမှာ အလုပ်သွားလုပ်ဖို့ ဝင်ရောက်လာတာဖြစ်ပြီး  အဲဒီအတွက် ပွဲစားကို တစ်ဦးလျှင် ဘတ် ၁၅၀၀၀ စီ ပေးရတယ်လို့ ပြောပါတယ်။ နိုင်းထစ်ပ်မှာ အရင်ကလည်း တရားမဝင်အလုပ်သမားတွေကို အကြိမ်ကြိမ်ပို့ဆောင်ပေးခဲ့ဖူး လို့ ကြွယ်ဝချမ်းသာနေကြောင်း၊ မြန်မာပြည်ထဲမှာ အလုပ်အကိုင်ရှားပါးပြီး ကုန်ဈေးနှုန်းက ကြီးမြင့်တာကြောင့် နောက်ထပ် ထောင်နဲ့ချီတဲ့အလုပ်သမားတွေ  တရားမဝင် ဝင်ရောက်လာမယ့် အခြေအနေရှိကြောင်း နယ်စပ်သတင်းပေးသူက ရဲတပ်ဖွဲ့ကို ပြောသွားတယ်လို့ သတင်းမှာ ဖော်ပြပါတယ်။ 
1 year Ago
Up