ပြောင်းမည်

January 7, 2021

အာဆင်နယ်ကွင်းလယ်လူ အိုဇေးလ် တူရကီကလပ် ဖီနာဘာချီသို့ ပြောင်းမည်

အာဆင်နယ်ကွင်းလယ်လူ အိုဇေးလ်ဟာ တူရကီကလပ် ဖီနာဘာချီအသင်းဆီ ပြောင်းရွှေ့ဖို့ သဘော တူညီမှု ရရှိခဲ့တယ်လို့ သိရပါတယ်။ အသင်းလူစာရင်းကနေ ချန်လှပ်ခံခဲ့ရတဲ့ အိုဇေးလ်ဟာ ပြီးခဲ့တဲ့ ဘောလုံးရာသီ နောက်ပိုင်းကာလကနေ လက်ရှိအချိန်အထိ တစ်ပွဲမှ ကစားခွင့် မရသေးတာကြောင့် အသင်းပြောင်းဖို့ ဆုံးဖြတ်ထားတာပါ။  အသက် ၃၂ နှစ်ရှိ အိုဇေးလ်ကို ဖီနာဘာချီအသင်းက  ၃ နှစ် ခွဲ စာချုပ်ချုပ်ဆိုမှာဖြစ်တယ်လို့ တူရကီမီဒီယာတွေက ဖော်ပြခဲ့ကြပါတယ်။  ဖီနာဘာချီအသင်းဥက္ကဋ္ဌ အယ်လီကော့ကလည်း အိုဇေးလ်သာ ရောက်ရှိလာခဲ့ရင် နှစ်သက်စရာကောင်းလိမ့်မယ်လို့ ဝန်ခံခဲ့ ဖူးပါတယ်။  အိုဇေးလ်ကတော့ တူရကီက အစ္စတန်ဘူလ်မြို့တော်နဲ့ ပတ်သက်ပြီး အင်စတာဂရမ်က ဓာတ်ပုံတင်ခဲ့ပါသေးတယ်။   အာဆင်နယ်အသင်းရဲ့ လုပ်ခအများဆုံး ကစားသမားအိုဇေးလ်ဟာ အခုနှစ်ရာသီအကုန်မှာ စာချုပ်သက်တမ်းကုန်ဆုံးမှာပါ။  ၂၀၁၃ ခုနှစ်က ရီးရဲလ်မက်ဒရစ်ကနေ ပြောင်းရွှေ့လာတဲ့ အိုဇေးလ်ဟာ အာဆင်နယ်အတွက် စုစုပေါင်း ၂၅၄ ပွဲ ကစားခဲ့ပြီး ၄၄ ဂိုး သွင်းကာ ၇၇ ကြိမ် ဂိုး ဖန်တီး ပေးနိုင်ခဲ့ပါတယ်။ ဆုဖလားအောင်မြင်မှုအနေနဲ့ အက်ဖ်အေဖလား ၄ ကြိမ်နဲ့ ကွန်မြူနတီဒိုင်း ၂ ကြိမ် ရခဲ့ပါတယ်။ 
4 months Ago

October 1, 2020

အမေရိကန်စကားစစ်ထိုးပွဲ စည်းမျဉ်း ပြောင်းမည်

လက်ကျန်စကား စစ်ထိုးပွဲ နှစ်ခုကို ပိုပြိး စနစ်တကျရှိစေဖို့  စည်းမျဉ်းပိုင်း အပြောင်းအလဲလုပ်မယ်လို့ အမေရိကန်သမ္မတလောင်း စကားစစ်ထိုးပွဲ ကြီးကြပ်ရေးကော်မရှင်က အောက်တိုဘာ ၁ ရက်မှာ ပြောပါတယ်။  စက်တင်ဘာ ၃၀ ရက်ကလုပ်တဲ့ သမ္မတလောင်း ထရမ့်နဲ့ သမ္မတ လောင်း ဂျိုးဘိုင်ဒန်တို့ ကြား ပထမအကြိမ် စကားစစ်ထိုးပွဲကနေ စကားများ၊ ငြင်းခုန်စော်ကားတဲ့ ကတောက်ကဆ အဖြစ်မျိုးဖြစ်ခဲ့ပြီးနောက်မှာ  အခုလို ကြေညာချက် ထွက်လာခဲ့တာပါ။  ပထမအကြိမ် စကားစစ်ထိုးပွဲရဲ့ နည်းဗျူဟာကို အမေရိကန်နဲ့ ကမ္ဘာတဝှမ်း ပြည်သူတွေက ပြစ်တင်ဝေဖန်ခဲ့ကြတာပါ။  စကားစစ်ထိုးပွဲမှာ ဒိုင်က သမ္မတလောင်း တဦးဆီကို မေးခွန်းဖြေဖို့ အချိန် ၂ မိနစ် ပေးပြီး နောက်မှာမှ အချင်းချင်း တုံ့ပြန်ပြောဆိုခွင့်ပြုတာပါ။  ဒါပေမဲ့ ထရမ့်ဟာ ပြိုင်ဘက် ဘိုင်ဒင်ကို အမြဲတစေ စကားဖြတ်ပြောခဲ့ပြီး နှစ်ယောက်ကြားမှာ အပြန်အလှန် ပြစ်တင် ပြောဆိုတာတွေ ဖြစ်ပေါ်ခဲ့ပါတယ်။  ဒီအတွက် ကော်မရှင်စည်းမျဉ်းတခုက ကြားဖြတ်ပြောတဲ့အခါမျိုးမှာ မိုက်ခရိုဖုန်း ပိတ်ပစ်တာမျိုး ဖြစ်နိုင်တယ်လို့ အမေရိကန်မီဒီယာက ဆိုပါတယ်။   အမေရိကန်သမ္မတလောင်း စကားစစ်ထိုးပွဲကျင်းပရေးကော်မရှင် (CPD) ဟာ ဘက်မလိုက် အဖွဲ့တခုဖြစ်ပြီး ၁၉၈၈ ခုနှစ်ကစလို့  သမ္မတလောင်း စကားစစ်ထိုးပွဲတွေကို စီစဉ်လာခဲ့တယ်လို့ ဘီဘီစီသတင်းအရ သိရပါတယ်။
8 months Ago
Up