ပြိုင်ပွဲဝင်ဦးရေ စံချိန်တင်

A d v e r t i s e m e n t With Us

December 23, 2019

မန္တလေးမြို့က 100 PLUS မာရသွန်ပြိုင်ပွဲ  ပြိုင်ပွဲဝင်ဦးရေ စံချိန်တင်

မန္တလေးမြို့မှာ ဒီဇင်ဘာ ၂၂ရက်က ကျင်းပတဲ့ ‘100PLUS Active Mandalay City Run 2019’မာရသွန်ပြိုင်ပွဲမှာ ပြိုင်ပွဲဝင် ၃၇၀၀ ကျော်အထိ စံချိန်တင် ဝင်ရောက်ယှဉ်ပြိုင်ခဲ့ပါတယ်။ ဒီနှစ်မာရသွန်အပြေးပြိုင်ပွဲကြီးက ပြိုင်ပွဲဝင်ဦးရေအများဆုံး စံချိန်ချိုးနိုင်ခဲ့တဲ့အတွက် အရမ်းကို ကျေနပ်အားရမိပါတယ်လို့  F&N Myanmar ရဲ့မန်နေဂျာ ဖရက်ဒီအုန်းက Mr. Freddy ပြောပါတယ်။ ဒီပြိုင်ပွဲကို မန္တလေးမြို့တော်စည်ပင်သာယာရေးကော်မတီ ၊ ကျန်းမာရေးနှင့် အားကစား ဝန်ကြီးဌာနတို့က ကူညီတာဖြစ်ပြီး 100PLUS အချိုရည်က ဦးဆောင်မှုနဲ့ ၁၅ ကီလိုမီတာ စိန်ခေါ်ပြိုင်ပွဲနဲ့  ၉ ကီလိုမီတာ အပြေးပြိုင်ပွဲတွေကို ကျင်းပခဲ့တာဖြစ်ပါတယ်။ ပြိုင်ပွဲဝင်တွေဟာ မန္တလေးနန်းတော်ကျုံး၊ မန္တလေးတောင်၊ စန္ဒာမုနိဘုရား၊ ကျောက်တော်ကြီးဘုရားနဲ့ ကုသိုလ်တော်ဘုရားတွေကိုဖြတ်ပြီး ယှဉ်ပြိုင်ရင်း အကောင်းဆုံး စံချိန်တွေနဲ့ ပန်းဝင်ခဲ့ကြတယ်လို့ သိရပါတယ်။ ၁၅ ကီလိုမီတာ စိန်ခေါ်ပြိုင်ပွဲကို မနက် ၅ နာရီခွဲက စတင်တာလွှတ်တာကာ ၉ ကီလိုမီတာ အပြေးပြိုင်ပွဲကိုတော့ မနက် ၆ နာရီမှာ တာလွှတ်ခဲ့ပြီး ကစားသမားတွေဟာ ၇၁ လမ်း၊ ၂၆လမ်း နှင့်၂၇လမ်းကြားရှိ မန္တလေးမြို့စည်ပင်သာယာရေးကော်မတီရုံးဝန်းအရှေ့ကနေ စတင် ယှဉ်ပြိုင်ရတာဖြစ်ပါတယ်။ ၁၅ကီလို အလွတ်တန်း စိန်ခေါ်ပြိုင်ပွဲ ပထမဆုရကိုဇာနီထွန်းက "ဒီလိုပွဲတွေကို များများပြုလုပ်ပေးသင့်တယ်လို့ ထင်ပါတယ်ခင်ဗျ၊ ဒါမှ မျိုးဆက်သစ်တွေ ပေါ်ထွန်းလာမှာ ဖြစ်ပါတယ်။ များများလုပ်ပေးတဲ့ အခါမှာ လူတွေကပိုပြီးစိတ်ဝင်စားလာပြီးတော့မှ ဒီအားကစားက တွင်ကျယ်လာပြီးမှ ကျနော်တို့ ပြေးခုန်ပြစ်အားကစား ပြန်လည်တိုးတက်လာမယ်"လို့ ပြောပါတယ်။ ဒီပြိုင်ပွဲကို ရန်ကုန်နဲ့မန္တလေးက အားကစားသမားတွေ၊ ဝါသနာရှင်တွေအပြင် နိုင်ငံခြားသား ဝါသနာရှင်တွေလည်း ဝင်ရောက်ယှဉ်ပြိုင်ခဲ့ကြပါတယ်။ ထိန်ထိန်လင်း
1 year Ago
Up