ပြန်သုံးသပ်

A d v e r t i s e m e n t With Us

January 24, 2021

တာလီဘန်များနှင့်ဆွေးနွေးခဲ့သည့်သဘောတူညီချက် ပြန်သုံးသပ်မည်ဟု အိမ်ဖြူတော်ပြော

အမေရိကန်အစိုးရဟာ တာလီဘန်တွေနဲ့ မနှစ်က ဆွေးနွေးထားတဲ့ ငြိမ်းချမ်းရေး သဘော တူညီချက်ကို ပြန်သုံးသပ်မယ်လို့ အိမ်ဖြူတော် အမျိုးသားလုံခြုံရေးအကြံပေး ဂျိတ်ခ် စူလေဗန်က အာဖဂန် အကြံပေးကို တယ်လီဖုန်းနဲ့ ပြောခဲ့တယ်လို့ အိမ်ဖြူတော်က ဇန်နဝါရီ ၂၃ ရက်မှာ ကြေညာချက် ထုတ်ပြန်ပါတယ်။  တာလီဘန်တွေဟာ ကတိအတိုင်း အကြမ်းဖက် အုပ်စုတွေနဲ့ ဆက်ဆံရေး ဖြတ်တောက် တာ၊ အာဖဂန် နစ္စတန် နိုင်ငံအတွင်း အကြမ်းဖက်မှု လျှော့ချတာနဲ့ အာဖဂန် အစိုးရနဲ့ တခြား ပတ်သက်သူတွေနဲ့ အဓိပ္ပာယ် ပြည့်ဝတဲ့ ညှိနှိုင်းတာတွေ လုပ်သလားဆိုတာ ပြန်လှန်သုံးသပ်မယ်လို့ ဆူလေဗန်က အာဖဂန် အမျိုးသား လုံခြုံရေး အကြံပေး ဟမ်ဒူလာ မိုဟစ်ဘ်ကို ပြောပါတယ်။  အမေရိကန်နဲ့ တာလီဘန်တို့ ၂၀၂၀ ဖေဖော်ဝါရီမှာ ချုပ်ဆိုခဲ့တဲ့ သဘောတူညီချက်အရ အကြမ်းဖက်မှု တုံ့ပြန်ရေး အာမခံချက်တွေနဲ့ ဖလှယ်ဖို့ အမေရိကန် တပ်တွေဟာ ၂၀၂၁ မေလမှာ အာဖဂန် နစ္စတန် နိုင်ငံထဲကနေ ထွက်ခွာရမှာပါ။  အရင်အပတ်က အာဖဂန်မှာ အမေရိကန်စစ်သည် အင်အား ၂၅၀၀ သာ ကျန်ပြီး ဒါဟာ ၂၀၀၁ ခုနှစ်နောက်ပိုင်း အမေရိကန် စစ်သည် အင်အား အနည်းဆုံး အဆင့်လည်း ဖြစ်ပါတယ်။  ဒါပေမဲ့ အာဖဂန်မှာ အကြမ်းဖက်မှု ပိုတိုးလာနေပြီး အာဖဂန် အစိုးရနဲ့ တာလီဘန်တွေကြား အပစ်အခတ်ရပ်စဲဖို့ နိုင်ငံတကာက ဆော်သြခဲ့ရပါတယ်။  နှစ်ဖက်စလုံးက ကိုယ်စားလှယ်တွေ ဒီလအစောပိုင်းမှာ တွေ့ဆုံခဲ့ကြပြီး ငြိမ်းချမ်းရေး ဆွေးနွေးပွဲ ဒုတိယကျော့ ပထမပိုင်းကို ကျင်းပခဲ့ပါတယ်။  ဒီအစည်းအဝေးကနေ အပစ်အခတ် ရပ်စဲရေးနဲ့ အာဏာခွဲဝေရေး ဆွေးနွေးကြမယ်လို့ ထင်ကြေးပေးထားပါတယ်။
1 month Ago

January 10, 2021

အာဏာရပါတီ၏စည်းမျဉ်းများ ပြန်သုံးသပ်ဟု မြောက်ကိုရီးယားပြော

မြောက်ကိုရီးယား လက်ရှိ အာဏာရလုပ်သားပါတီရဲ့ ၈ ကြိမ်မြောက် ကွန်ဂရက်မှာ ပါတီ စည်းမျဉ်းတွေကို သုံးသပ်ခဲ့တယ်လို့ အစိုးရမီဒီယာ KRT က ဇန်နဝါရီ ၁၀ ရက်မှာ ထုတ်လွှင့်ပါတယ်။ ပါတီကွန်ဂရက်စ်ကို ငါးနှစ်တကြိမ် ကျင်းပဖို့ ဆုံးဖြတ်ရေးကိုလည်း ပြန်သုံးသပ်ခဲ့တယ်လို့ ဆိုပါတယ်။  အမေရိကန်ရဲ့ စီးပွားရေး ဒဏ်ခတ်မှု သက်သာရေးအတွက် မြောက်ကိုရီးယား နျူကလီးယား နဲ့ ဒုံးကျည် အစီအစဉ်တွေကို ဖြုတ်သိမ်းရေး ရည်မှန်းထားတဲ့ ဆွေးနွေးပွဲတွေ ကာလကြာရှည် သောင်မတင် ရေမကျ ဖြစ်နေချိန်မှာ ကွန်ဂရက်စ်ကို ကျင်းပနေတာပါ။  ၂၀၁၆ မှာ နောက်ဆုံး ကျင်းပခဲ့ပြီးတဲ့နောက် ပါတီရဲ့ လုပ်ငန်းစဉ်တွေကို ပြန်လှန်သုံးသပ်ဖို့နဲ့ စီမံချက် အသေးစိတ်တွေကို အနှစ်ချုပ်ဖို့ ကွန်ဂရက်စ်က ရည်မှန်းထားပါတယ်။
2 months Ago
Up