ပြန်ရုပ်သိမ်း

A d v e r t i s e m e n t With Us

October 22, 2020

ဘန်ကောက်တွင် ဆန္ဒပြမှုများကြောင့် ထုတ်ပြန်ခဲ့သည့် အရေးပေါ်အခြေအနေ ပြန်ရုပ်သိမ်း

ထိုင်းနိုင်ငံ ဘန်ကောက်နယ်မြေထဲမှာ ပြီးခဲ့တဲ့အပတ်က ဆန္ဒပြပွဲ ပြင်းထန်ပြီး ထီးနန်းကိုပါ ထိပါးခဲ့လို့ အစိုးရက  ဆိုးရွားတဲ့ အရေးပေါ်အခြေအနေတရပ် ကြေညာခဲ့ပါတယ်။  အခုနေခါမှာ  အခြေအနေကို ထိန်းချုပ်နိုင်ပြီဖြစ်လို့  ပြီးခဲ့တဲ့ အောက်တိုဘာ ၁၅ ရက်နဲ့ ၁၆ ရက်နေ့တွေက ထုတ်ပြန်ခဲ့တဲ့ အဆိုပါ အရေးပေါ်အခြေအနေကို  အောက်တိုဘာ ၂၂ ရက် မွန်းတည့် ၁၂ နာရီကစပြီး လာမယ့် နိုဝင်ဘာလ ၁၃ ရက်နေ့ထိ ရုပ်သိမ်းလိုက်တယ်လို့ ဝန်ကြီးချုပ်ပရယုဒ် ကျန်အိုးချားလက်မှတ်နဲ့  ထိုင်းအစိုးရပြန်တမ်းက ဒီနေ့မနက် ထုတ်ပြန်ကြေညာခဲ့တာပါ။ ကြေညာချက်မထွက်ခင် အောက်တိုဘာ ၂၁ ညနေပိုင်းကလည်း ထိုင်းဝန်ကြီးချုပ်က ပြည်သူတွေကို ထိပ်တိုက်ဖြစ်ပွားနေတာတွေ ရပ်တံ့ပြီး တိုင်းပြည်မှာဖြစ်နေတဲ့ ပြဿနာကို ဆွေးနွေးညှိနှိုင်းခြင်းနဲ့ အဖြေရှာဖို့၊ လာမယ့် အောက်တိုဘာ ၂၆  နဲ့ ၂၇ ရက်နေ့တွေမှာ  အရေးပေါ်လွှတ်တော် အစည်းအဝေးကျင်းပမယ်လို့  မိန့်ခွန်းပြောကြားခဲ့ပါတယ်။   ထိုင်းနိုင်ငံမှာ လက်ရှိဝန်ကြီးချုပ်နုတ်ထွက်ပေးရေး၊ နန်းတွင်းဥပဒေအချို့အပါအဝင် အခြေခံ ဥပဒေပြင်ဆင်ရေး၊ အမြင်မတူမှုအပေါ်နှိပ်ကွပ်နှိမ်နင်းမှုတွေ ရပ်တံ့ရေး၊ လွှတ်တော်ဖျက်သိမ်းရေးတွေအတွက် ကျောင်းသားအများစုပါတဲ့ ပြည်သူတွေ ဆန္ဒပြနေကြတာ ၂ လကျော်ခဲ့ပြီဖြစ်ပါတယ်။  ပြီးခဲ့တဲ့ အောက်တိုဘာ ၁၅ ရက်နေ့ကတော့ ခါတိုင်းထက် လူအင်အားပိုများပြီး ဆန္ဒပြ နယ်မြေတွေလည်း ပိုကျယ်ပြန့်ခဲ့ပါတယ်။ အဲဒီနေ့ဟာ လွန်ခဲ့တဲ့ ၄၇ နှစ်က ထိုင်းနိုင်ငံမှာ အာဏာ ရှင်စနစ်တိုက်ဖျက်ရေး နဲ့ ဒီမိုကရေစီစနစ်ပေါ်ပေါက်ရေးအတွက်  လူပေါင်း ၅ သိန်းကျော် ပါဝင်တဲ့ ဆန္ဒပြမှုဖြစ်ပွားခဲ့ပြီး  အာဏာပိုင်တွေရဲ့ နှိမ်နင်းမှုကြောင့် လူပ ၇၇ ဦးသေဆုံးကာ ၈၅၀ ကျော် ထိခိုက်ဒဏ်ရာရခဲ့တဲ့ သမိုင်းဝင်နေ့ဖြစ်ပါတယ်။  အဲဒီနေ့က ဆန္ဒပြသူတွေဟာ ဘန်ကောက်လမ်းဆုံလမ်းခွ အတော်များများမှာ နေရာယူပိတ်ဆို့ပြီး လက်သုံးချောင်းထောင်ကာ တောင်းဆိုဆန္ဒပြခဲ့ပါတယ်။ ရဲအင်အား ၅၀၀ ကျော်က  ပိတ်ဆို့တဲ့လမ်းတွေ ပြန်ဖွင့်ဖို့ကြိုးစားရင်း ထိတ်တိုက်တွေ့တာ ရှိခဲ့ပါတယ်။  ဒါ့အပြင် ကထိန်ခင်းဖို့ သွားမယ့် ဘုရင့်မိဖုရားယာဉ်တန်းပါ ပိတ်ဆို့ခံရသလို ဖြစ်သွားပါတယ်။  ရဲက ဆန္ဒပြသူတွေကို ဓာတုဆိုးဆေးပါ အရည်‌တွေ ပက်ဖျန်းပြီး လူစုခွဲရသလို ဆန္ဒပြခေါင်းဆောင် ၂၀ ကျော်လည်း ဖမ်းဆီးအရေးယူခံထားရပါတယ်။  အဲဒီနောက် ဝန်ကြီးချုပ်က ဘန်ကောက်မှာ ဆိုးရွားတဲ့ အရေးပေါ်အခြေအနေ တရပ်ကြေညာပြီး လူစုလူဝေးမလုပ်ရဘူးလို့ အမိန့်ထုတ်ခဲ့ပါတယ် ။  ဒါပေမဲ့ ဆန္ဒပြမှုတွေကတော့ မနေ့ကအထိ ရှိနေဆဲပါ။ တဘက်ကလည်း ဘုရင့်ထီးနန်းထိပါးလာမှာကို မလိုလားတဲ့အဖွဲ့ကလည်း တန်ပြန်ဆန္ဒပြမှုတွေ ရှိနေပါတယ်။ 
3 months Ago

June 21, 2020

စပိန်တွင် အရေးပေါ်ကြေညာချက် ပြန်ရုပ်သိမ်းမည်

စပိန်နိုင်ငံ မက်ဒရစ်မြို့တော်မှာ မတ် ၁၄ ရက်ကတည်းက ချမှတ်ထားတဲ့ အရေးပေါ် အခြေအနေ ကြေညာချက်ကို ဇွန် ၂၁ ရက်မှာ  ပြန်ရုပ်သိမ်းတော့မှာပါ။  ဒါဟာ လူတော်တော်များများအတွက် မိသားစုတွေ၊ မိတ်ဆွေတွေနဲ့ ပြန်တွေ့ဖို့ အခွင့်အရေး ဖြစ်ပြီး တချို့အတွက်ကတော့ စီးပွားရေးလုပ်ငန်းတွေ ပြန်စနိုင်မယ့် အနေအထား ဖြစ်ပါတယ်။ စပိန်ဟာ အရေးပေါ်အခြေအနေ ရုပ်သိမ်းပြီးတာနဲ့ ပြည်သူတွေကို တိုင်းပြည်အတွင်း လွတ်လပ်စွာ သွားလာခွင့်ပြုမှာဖြစ်သလို ဥရောပခရီးသွားလုပ်ငန်းအတွက် နယ်စပ်တွေကိုလည်း ပြန်ဖွင့်ပေးမှာ ဖြစ်ပါတယ်။  စပိန်ကျန်းမာရေးဝန်ကြီးဌာန ထုတ်ပြန်ချက်အရ စပိန်မှာ ကိုဗစ်-၁၉ ကြောင့် သေဆုံးသူ  ၂၈,၃၁၃ ဦး ရှိထားပါတယ်။  စပိန်ကိုရောက်လာတဲ့သူတိုင်းကို ကိုယ်အပူချိန် စစ်ဆေးတာ၊ သူတို့မှာ ဗိုင်းရပ်စ်ကူးစက်ခံ ထား၊ မထား သတင်းအချက်အလက် တင်သွင်းတာတွေနဲ့ ကူးစက်ခံထားရရင် နောက်ထပ်ဆေးစစ်မှုတွေလုပ်တာ၊ စပိန်နိုင်ငံထဲ သူတို့ ဘယ်နေရာတွေမှာ ရှိမယ်ဆိုတာတွေကို တင်ပြခိုင်းမယ်လို့ ကျန်းမာရေးဝန်ကြီးက ပြောခဲ့ကြောင်း ရိုက်တာသတင်းဌာနက ဖော်ပြပါတယ်။  
7 months Ago
Up