ပြန်ပေးဆွဲရန်ကြံစည်

October 10, 2020

မစ်ရှီဂန်ပြည်နယ်အုပ်ချုပ်ရေးမှူးအား ပြန်ပေးဆွဲရန်ကြံစည်မှုဖြင့် အဖမ်းခံရသူ ၉ ဦးဓာတ်ပုံ ထုတ်ပြန်

မစ်ရှီဂန်ပြည်နယ်အုပ်ချုပ်ရေးမှူးကို ပြန်ပေးဆွဲဖို့ ကြံစည်တဲ့ စွဲချက်တွေနဲ့ အဖမ်းခံရသူ ၉ ယောက်ရဲ့ ဓာတ်ပုံတွေကို ဒေသအာဏာပိုင်တွေက အောက်တိုဘာ ၉ ရက်မှာ ထုတ်ပြန်ခဲ့ပါတယ်။  ဒါ့အပြင် တခြား ၄ ယောက်ကိုလည်း အာဏာပိုင်တွေက ဖမ်းဆီးခဲ့ပါတယ်။ မကြာသေးခင်ကပဲ အမေရိကန်ပြည်တွင်းလုံခြုံရေးအဖွဲ့က ပြည်တွင်းအကြမ်းဖက် အစွန်း ရောက်တွေဟာ ရွေးကောက်ပွဲနဲ့ ဆက်နွှယ်တဲ့ ပစ်မှတ်တွေကို ခြိမ်းခြောက်နိုင်တယ်ဆိုပြီး သတိပေးထားတာပါ။   ပြီးခဲ့တဲ့လမှာပဲ အက်ဖ်ဘီအိုင်ညွှန်မှူး ခရစ္စတိုဖာရေးက အက်ဖ်ဘီအိုင်ဟာ လူဖြူကြီးစိုးရေး ဝါဒီတွေနဲ့ ဖက်ဆစ်ဆန့်ကျင်ရေးအုပ်စုတွေအပါအဝင် ပြည်တွင်းအစွန်းရောက်တွေကို စုံစမ်း ထောက်လှမ်းခဲ့တယ်လို့ ပြောပါတယ်။  အခုဖမ်းဆီးခံရတဲ့ထဲက ၆ ယောက်ဟာ ပြည်နယ်အုပ်ချုပ်ရေးကို ပြန်ပေးဆွဲဖို့ ကြံစည်တာ ပြစ်မှု ထင်ရှားရှင် ထောင်ဒဏ် တသက်တကျွန်းအထိ ကျခံရနိုင်ပါတယ်။   တခြား ၇ ယောက်ကိုလည်း  ပြည်နယ်အုပ်ချုပ်ရေးမှူးကို ပြန်ပေးဆွဲရာမှာ ပူးပေါင်း ကြံစည်ပြီး အကြမ်းဖက်ဆန့်ကျင်ရေးအက်ဥပဒေကို ချိုးဖောက်တဲ့ စွဲချက်တွေနဲ့  မစ်ရှီဂန်ပြည်နယ် ရှေ့နေချုပ်က စွဲချက်တင်ခဲ့ပါတယ်။
7 months Ago
Up