ပြန်ထုတ်

September 28, 2020

၂၀၂၁ နှစ်ဦးတွင် ကမ္ဘာလှည့်ပြည်ဝင်ဗီဇာများ ပြန်ထုတ်ပေးရန် ဆော်ဒီ စီစဉ်

ဆော်ဒီအာရေဗျအစိုးရဟာ ၂၀၂၁ နှစ်ဦးပိုင်းမှာ ကမ္ဘာလှည့်ခရီးသည် ပြည်ဝင်ခွင့်ဗီဇာတွေ ပြန်ထုတ်ပေးဖို့ စီစဉ်နေတယ်လို့ ခရီးသွားလုပ်ငန်းဝန်ကြီးက ပြောပါတယ်။  ကိုရိုနာဗိုင်းရပ်စ် ကူးစက်ကပ်ဘေးကို ဟန့်တားဖို့ အစိုးရက လချီပြီး လုပ်ဆောင်ချက်တွေ တင်းကြပ်ခဲ့ပြီးတဲ့နောက် ခုလို ကြေညာတာပါ။  ရေနံကို အားကိုးနေတဲ့ ဆော်ဒီစီးပွားရေးကို ပြင်ဆင်ဖို့ အိမ်ရှေ့စံ မိုဟမ်မက် ဘင် ဆယ်လ်မန်ရဲ့ ပြုပြင်ပြောင်းလဲရေး ဗျူဟာမှာ ခရီးသွားလုပ်ငန်းဟာ အဓိက ထောက်တိုင်ပါ။  စက်တင်ဘာလကစပြီး ဆော်ဒီဟာ နိုင်ငံပေါင်း ၄၉ နိုင်ငံအတွက် ပြည်ဝင်ခွင့် အသစ်တွေ ထုတ်ပေးပြီး တံခါး ဖွင့်လိုက်ပါတယ်။  ဆော်ဒီအာရေဗျနိုင်ငံမှာ ကိုဗစ်-၁၉ ကူးစက်ခံအတည်ပြုလူနာ ၃ သိန်း ၃ သောင်း ၃ ထောင်နီးပါးရှိပြီး ကူးစက်ခံ ၄၆၅၅ ယောက် သေဆုံးခဲ့ပါတယ်။ လတ်တလော သီတင်းပတ်တွေအတွင်း ကူးစက်နှုန်း တဖြည်းဖြည်း ကျဆင်းလာခဲ့ပါတယ်။
1 year Ago

September 3, 2020

ပြင်သစ်သရော်စာမဂ္ဂဇင်း တမန်တော် မိုဟာမက် သရုပ်ဖော်ကာတွန်းပုံများ ပြန်ထုတ်ဝေ

မွတ်စလင်ကမ္ဘာကို ဒေါသထွက်စေခဲ့တဲ့ တမန်တော် မိုဟာမက် သရုပ်ဖော်ကာတွန်းပုံတွေကို   ပြင်သစ်သရော်စာမဂ္ဂဇင်း ချာလီဟက်ဘိုက စက်တင်ဘာလ ၂ ရက်မှာ ပြန်ပုံနှိပ်ထုတ်ဝေခဲ့ပါတယ်။   လွန်ခဲ့တဲ့ ၅ နှစ်ခန့်က အဲဒီကာတွန်းပုံတွေ ပုံနှိပ်ခဲ့တာနဲ့ ပတ်သက်လို့  အစ္စလာမ္မစ် သေနတ်သမားတွေက  ချာလီဟက်ဘို  သတင်းစာတိုက်ကို တိုက်ခိုက်ခဲ့ပါတယ်။  အဲဒီကာတွန်းကို အကြောင်းပြုတဲ့ စစ်သွေးကြွ တိုက်ခိုက်မှုတွေ ဆက်တိုက်ပေါ်ပေါက်ခဲ့ပြီး ၃ ရက်မှာ လူ ၁၇ ယောက် သေဆုံးခဲ့ပါတယ်။ တိုက်ခိုက်မှုမှာ  ပါဝင်ခဲ့တဲ့  ကြံရာပါ ၁၄ ယောက်ကို  ရုံးတင်စစ်ဆေးမယ့် အချိန်မှာပဲ သတင်းစာတိုက်က ကာတွန်းပုံတွေကို အထူး ပြန်လည်ထုတ်ဝေခဲ့တာပါ။  ပဲရစ်မြို့လယ်ကောင်က ခီရော့စ် သတင်းစာအရောင်းဆိုင်ကလည်း ချာလီဟက်ဘို သတင်းစာဟာ ခါတိုင်းနဲ့ နှိုင်းစာရင် ရောင်းအား ၃ ဆ တက်လာတယ်လို့ ပိုင်ရှင်ဖြစ်သူက ပြောဆိုပါတယ်။ ချာလီဟက်ဘိုသတင်းဌာန တိုက်ခိုက်မှုမှာ ပါဝင်ကြံစည်ခဲ့သူတွေကို ရုံးထုတ်မစစ်ဆေးမီ  ပြင်သစ်သမ္မတ မာခွန်းကလည်း ဒီသတ်ဖြတ်မှုကို အမှတ်ရနေမယ်လို့ ပြောဆိုခဲ့ပါတယ်။  ဒါ့အပြင်  သမ္မတ မာခွန်းက ပြင်သစ်နိုင်ငံမှာ လွတ်လပ်စွာ ယုံကြည်ခွင့်နဲ့ ယုံကြည်မှုအပေါ် လွတ်လပ်စွာ ဝေဖန်ပြောဆိုခွင့်ဟာ အတူယှဉ်တွဲ ရှိနေတယ်လို့လည်း ပြောဆိုခဲ့ပါတယ်။ 
1 year Ago
Up