ပြန်ဆပ်ကာလ

A d v e r t i s e m e n t With Us

November 24, 2020

ရန်ကုန်၊ ပဲခူးနှင့် ရခိုင်တွင် အသေးစားချေးငွေ ပြန်ဆပ်ကာလကို ဧပြီလကုန်အထိ ရွှေ့ဆိုင်း

ကိုဗစ်-၁၉ ရောဂါ ကူးစက်ခံရမှု အများဆုံးဖြစ်ပွားခဲ့တဲ့ ရန်ကုန်တိုင်း၊ ပဲခူးတိုင်းနဲ့ ရခိုင်ပြည်နယ်တို့မှာ အသေးစား ချေးငွေပြန်ပေးဆပ်ရမယ့် အချိန်ကာလကို ရွှေ့ဆိုင်း ကောက်ခံပေးမယ်သွားမယ်လို့ စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန ငွေရေးကြေးရေး ကြီးကြပ်စစ်ဆေးရေးဦးစီးဌာနက အသိပေး ကြေညာထားပါတယ်။ အဆိုပါတိုင်းနဲ့ ပြည်နယ် ၃ ခုမှာ အသေးစားငွေရေးကြေးရေးအဖွဲ့အစည်းတွေထံကနေ ချေးငွေရယူထားတဲ့ အသင်းသားတွေအတွက်  ၂၀၂၀ ပြည့်နှစ်၊ နိုဝင်ဘာလနဲ့ ဒီဇင်ဘာလတို့မှာ ပေးဆပ်ရန်ရှိတဲ့ အရင်းနဲ့ အတိုးတွေကို  ၂၀၂၁ ခုနှစ်၊ ဧပြီလကုန်အထိ ပေးဆပ်ခြင်းမှ ရွှေ့ဆိုင်းပေးဖို့နဲ့ ဒီကာလအတွက် ပေးဆပ်ရန်ရှိတဲ့ အရင်းနဲ့ အတိုးတွေကို ၂၀၂၁ ခုနှစ်၊ မေလမှ အောက်တိုဘာလအထိ အရစ်ကျပြန်လည်ပေးဆပ်နိုင်ရန် စီစဉ်ထားတယ်လို့ဆိုပါတယ်။ ဒီအတွက် အသေးစားငွေရေးကြေးရေးအဖွဲ့အစည်းတွေ နစ်နာမှုမရှိစေဖို့ ဒီကာလအတွက် ချေးငွေရယူထားတဲ့ အသင်းသားတွေထံက ရရန်ရှိတဲ့ အရင်းနဲ့ အတိုးတွေကို မြန်မာ့စီးပွားရေးဘဏ်က သက်ဆိုင်ရာ အသေးစားငွေရေးကြေးရေးအဖွဲ့အစည်းတွေကို ကာလတို အတိုးမဲ့ချေးငွေ ၁ နှစ် သတ်မှတ်ပြီး ထုတ်ချေးပေးမယ်လို့လည်း  အသိပေးကြေညာထားပါတယ်။
2 months Ago

October 29, 2020

ရန်ကုန်၊ ပဲခူးနှင့် ရခိုင်တွင် အသေးစားချေးငွေ ပြန်ဆပ်ကာလကို ဧပြီအထိရွှေ့ဆိုင်းရန် ညွှန်ကြား

ကိုဗစ်-၁၉ ရောဂါဖြစ်ပွားမှုများတဲ့ ရန်ကုန်တိုင်း၊ ပဲခူးတိုင်းနဲ့ ရခိုင်ပြည်နယ် အတွင်းက အသေးစားချေးငွေရယူထားသူတွေအတွက် အတိုးနဲ့အရင်း ပြန်ဆပ်ကာလကို ဧပြီလအထိ ရွှေ့ ဆိုင်းပေးဖို့ အသေးစား ငွေရေးကြေးရေးလုပ်ငန်း ကြီးကြပ်မှုကော်မတီက ညွှန်ကြားထားပါတယ်။ ဒီတိုင်းနဲ့ပြည်နယ်သုံးခုက ချေးငွေရယူထားသူတွေရဲ့ နိုဝင်ဘာလနဲ့ ဒီဇင်ဘာလအတွင်း ပြန်ပေးဆပ်ရမယ့် အတိုးနဲ့အရင်းတွေကို ရွှေ့ဆိုင်းပေးဖို့ အသေးစားငွေရေးကြေးရေး အဖွဲ့အစည်းတွေကို ညွှန်ကြားထားတာပါ။ ဒီညွှန်ကြားချက်အရ ရွေ့ဆိုင်းပေးလိုက်တဲ့ နှစ်လစာ ချေးငွေအတိုးနဲ့အရင်းကို လာမဲ့နှစ် မေလကနေ အောက်တိုဘာလ အတွင်းမှာ အသေးစား ချေးငွေလုပ်ငန်းတွေက အရစ်ကျပြန်လည် ကောက်ခံရမှာ ဖြစ်ပါတယ်။ မြန်မာနိုင်ငံ အသေးစား ချေးငွေလုပ်ငန်း ကူညီမှုအသင်းအတွင်းရေးမှူး ဒေါ်ဖြူယမင်းမြတ်က “ တကယ်ထိခိုက်နေတဲ့ ဒီနေရာတွေမှာတော့ နှစ်လအတွင်း အသက်ရူချောင်သွားတယ်ဆိုပေမဲ့ ဒီကဏ္ဍတစ်ခုလုံးစာ ပြန်တွေးရင်တော့ မေးခွန်းတွေ အများကြီးထွက်လာတယ်။ ကျန်တဲ့နယ်တွေကျ မလုပ်ပေးဘူးလားဆိုတာမျိုးဖြစ်လာရင် ဒီလိုမူဝါဒမျိုးကို ထပ်ချဲ့ပြီး တခြားတိုင်းနဲ့ ပြည်နယ်တွေပါ သုံးနိုင်စွမ်းရှိမရှိ ပေါ့နော် ဒါတွေအရေးကြီးလာမယ်။ ကြပ်တည်းတာတော့ အားလုံးကြပ်တည်းနေကြတာပေါ့။”လို့ ပြောပါတယ်။ အသေးစားငွေရေးကြေးရေးအဖွဲ့အစည်းတွေက ရွေ့ဆိုင်းပေးလိုက်ရတဲ့ ဒီနှစ်လစာ ချေးငွေအရင်းနဲ့အတိုးအတွက် မြန်မာ့စီးပွားရေးဘဏ်ကနေ အသေးစား ချေးငွေလုပ်ငန်းတွေကို ချေးငွေသက်တမ်း (၁)နှစ် ဆိုင်းငံ့ကာလ ၆ လဖြစ်တဲ့ အတိုးမဲ့ချေးငွေ ပြန်ထုတ် ချေးပေးသွားမှာဖြစ်ပါတယ်။ ထုတ်ချေးပေးမဲ့ အတိုးမဲ့ချေးငွေ အစီအစဉ်ကိုတော့ ထပ်မံထုတ်ပြန်ပေးသွားမယ်လို့သိရပါတယ်။ စိုးချစ်ချစ်ပိုင်  
3 months Ago
Up