ပြန်ကစား

A d v e r t i s e m e n t With Us

December 25, 2020

ချဲလ်ဆီးနှင့်ပွဲ အူဘာမီယန်းပြန်ကစားနိုင်ရန် မသေချာသေးကြောင်း အာဆင်နယ်ထုတ်ပြန်

တိုက်စစ်မှူး အူဘာမီယန်းဟာ ချဲလ်ဆီးနဲ့ လန်ဒန်ဒါဘီပွဲစဉ်မှာ ပြန်ကစားနိုင်ဖို့ မသေချာသေး ကြောင်း အာဆင်နယ်အသင်းက သတင်းထုတ်ပြန်ပါတယ်။  အူဘာမီယန်းဟာ အသင်းရဲ့ နောက်ဆုံး ၂ ပွဲဆက်တိုက် ခြေသလုံးဒဏ်ရာကြောင့် လွဲချော်ခဲ့တာပါ။  အာဆင်နယ်အသင်းဟာ စနေညမှာ ချဲလ်ဆီးအသင်းနဲ့ လန်ဒန်ဒါဘီပွဲစဉ်အဖြစ် အီမရိတ်ကွင်းမှာရင်ဆိုင်ရမှာပါ။  မန်ယူအသင်းကို အနိုင်ရခဲ့ပြီးနောက် ၇ ပွဲဆက်တိုက် နိုင်ပွဲပျောက်ဆုံးခဲ့တဲ့ အာဆင်နယ်အသင်းဟာ အဆင့် ၁၅ မှာ ရပ်တည်နေပြီး နိုင်ပွဲရဖို့ လိုအပ်နေတာပါ။  အူဘာမီယန်းဟာ အာဆင်နယ်အတွက် ၅ ဂိုးသွင်းယူထားပြီး ချဲလ်ဆီးနဲ့ပွဲမှာ ပါဝင်နိုင်ဖို့ ကြံခိုင်မှုအပိုင်းမှာ တိုးတက်လာဖို့ ကြိုးပမ်းနေကြောင်းလည်း အသင်းက သတင်းထုတ်ပြန်ခဲ့ပါတယ်။  ကွင်းလယ်လူ သောမက်စ်ပါတေးကတော့ ချဲလ်ဆီးနဲ့ ပွဲကို ဆက်ပြီးလွဲချော်မယ်လို့ အသင်းက အတည်ပြုခဲ့ပါတယ်။  ချဲလ်ဆီးအသင်းမှာတော့ နောက်ခံလူတွေဖြစ်တဲ့ ဘင်ချီဝဲလ်၊ ရီဆီဂျိမ်းနဲ့ ဇီယက်ချ်တို့ လွဲ ချော်မယ်လို့ သိရပါတယ်။ 
2 months Ago
Up