ပြည်သူ့လွှတ်တော်ကိုယ်စားလှယ်

April 11, 2021

ပန်းတနော်လွှတ်တော်ကိုယ်စားလှယ် ဦးမန်းညွန့်သိန်းကို အကြမ်းဖက်စစ်ကောင်စီ ဖမ်းဆီး

ဧရာဝတီတိုင်း၊ ပန်းတနော်မြို့နယ်က NLD ပါတီရဲ့ ပြည်သူ့လွှတ်တော်ကိုယ်စားလှယ် ဦးမန်းညွန်သိန်းကို ဧပြီ ၁၀ ရက်နေ့က အကြမ်းဖက်စစ်ကောင်စီလက်ပါးစေတွေက ဖမ်းဆီးခဲ့ တယ်လို့ သိရပါတယ်။

ပန်းတနော်မြို့မှာ ဧပြီလ ၁၀ ရက်နေ့က NLD ပါတီရဲ့ ပြည်သူ့လွှတ်တော်ကိုယ်စားလှယ် ဦးမန်းညွန်သိန်းအပြင် အောင်နိုင်ရေး ဥက္ကဌတစ်ဦးဖြစ်တဲ့ ဦးစိန်ကုလား(ခ)ဦးဝင်းမြင့်ကိုပါ ဖမ်းဆီး ခဲ့တာလို့ ဒေသခံတွေက ပြောပါတယ်။

လက်ရှိအချိန်ထိ ပြည်သူ့လွှတ်တော်ကိုယ်စားလှယ် ဦးမန်းညွန့်သိန်းနဲ့ ဦးစိန်ကုလား(ခ)ဦးဝင်းမြင့်ကို ဘယ်နေရာကိုခေါ်ဆောင်သွားတယ်ဆိုတာ မသိရသေးဘူးလို့ ဆိုပါတယ်။

NLD ပါတီရဲ့ ပြည်သူ့လွှတ်တော်ကိုယ်စားလှယ် ဦးမန်းညွန့်သိန်းဟာ ၂၀၂၀ အထွေထွေရွေးကောက်ပွဲမှာ အနိုင်ရရှိထားတဲ့ လွှတ်တော်ကိုယ်စားလှယ်တစ်ဦးလည်း ဖြစ်ပါတယ်။

1 week Ago

February 21, 2021

မကွေး ပြည်သူ့လွှတ်တော်ကိုယ်စားလှယ် ၁ ဦး အဖမ်းခံရ

မကွေးမြို့ ဆုံရပ်ကွက်မှာနေတဲ့ ပြည်သူ့လွှတ်တော်ကိုယ်စားလှယ် ဦးမြင့်ဦးကို ဖေဖော်ဝါရီ ၂၀ ရက်နေ့ ည ၈ နာရီ သံပုံးတီးတဲ့အချိန် လာရောက်ဖမ်းဆီးသွားတယ်လို့ NLD ပါတီ တာဝန်ရှိသူဆီက သိရပါတယ်။

စစ်အာဏာရှင်ဆန့်ကျင်ရေး ဆန္ဒပြပွဲမှာတော့ မကွေးမြို့ ကရာတေးအဖွဲ့၊ အင်ဂျင်နီယာအဖွဲ့၊ ဗမာ့နွေဦးတော်လှန်ရေး အဖွဲ့တွေအပြင် မကွေးတက္ကသိုလ်ရှေ့မှာ အထိုင်သပိတ်ပြုလုပ်ပြီး ဂီတ ပညာရှင်တွေက ဖျော်ဖြေမှုတွေနဲ့ ဆန္ဒပြခဲ့ကြသလို အသွင်သဏ္ဌာန်မျိုးစုံနဲ့ ဆန္ဒပြခဲ့ကြပါတယ်။

စစ်အာဏာရှင်ကျဆုံးရေး၊ ဒေါ်အောင်ဆန်းစုကြည်နဲ့ ဖမ်းဆီးခံခေါင်းဆောင်များ ချက်ချင်း လွှတ်၊ ၂၀၂၀ ရွေးကောက်ပွဲရလဒ် အတည်ပြုပေး စတဲ့ကြွေးကြော်သံတွေနဲ့အတူ ချီတက်ဆန္ဒပြနေကြတာပါ။

မင်းထီး

2 months Ago
More News
Up