ပြည်သူ့ဆန္ဒ

February 14, 2021

ရပ်ကွက်များအတွင်း ညအချိန်ဝင်ရောက်မှုဖြင့် ဖမ်းထားသူများကို ပြည်သူ့ဆန္ဒအရ ရဲလက်မအပ်

ညမထွက်ရအမိန့် ထုတ်ထားတဲ့ ရန်ကုန်တိုင်း မြို့နယ်အချို့က ရပ်ကွက်တွေအတွင်း ဝင်ရောက်မှုနဲ့ ဖမ်းဆီးမိထားသူတွေအား ပြည်သူတွေရဲ့ဆန္ဒအရ  ရဲတပ်ဖွဲ့ကို  မအပ်ဘူးလို့ ဦးဆောင်ဖမ်းဆီးသူက ပြောပါတယ်။ 

စစ်အစိုးရအာဏာသိမ်းပြီး ဆယ်ရက်ကျော်အကြာ  ဖေဖော်ဝါရီလ ၁၂ ရက်နေ့မှာတော့ တစ်နိုင်ငံလုံးမှာရှိတဲ့ အကျဉ်းထောင်အသီးသီးကနေ အကျဉ်းသား ၂ သောင်းကျော်ကို လွတ်ငြိမ်းချမ်းသာခွင့်ပေးခဲ့ပါတယ်။

အဲဒီနေ့ညပိုင်းမှာပဲ ရန်ုကုန်မြို့ရဲ့ မြို့နယ်တွေမှာ လူစိမ်းတွေ ဝင်ရောက်လာတာကြောင့်  ရပ်ကွက်ပြည်သူတွေက ဝိုင်းဝန်းဖမ်းဆီးခဲ့ကြပါတယ်။

ဖမ်းဆီးမိတဲ့ သူတွေလက်ထဲမှာတော့ တုတ်၊ ဓား၊ မက်သတုံး ဆေးပုလင်းတွေနဲ့ မီးလောင်အောင် လုပ်ဆောင်တဲ့ ပစ္စည်းတွေ ပါရှိတယ်လို့ ဆိုပါတယ်။

အာဏာသိမ်းအစိုးရက ည ၈ နာရီကနေ မနက် ၄ နာရီအချိန်အထိ ညမထွက်ရအမိန့် ထုတ်ပြန်ထားပေမယ့်လည်း ဖေဖော်ဝါရီလ ၁၃ ရက်နေ့ ည ပိုင်းမှာလည်း   သင်္ဃန်းကျွန်းမြို့နယ်၊ ငမိုးရိပ်ရပ်ကွက်အတွင်းမှာ လွတ်ငြိမ်းချမ်းသာခွင့်နဲ့ ထောင်က လွတ်မြောက်လာတဲ့သူ ၃ ဦး ဖမ်းမိခဲ့ပါတယ်။

အဲဒီဖမ်းဆီးမိတဲ့သူတွေကို အဖြစ်မှန်ကို သိရအောင် မေးမြန်သွားမှာဖြစ်ပြီး   ရဲတပ်ဖွဲ့အား မယုံကြည်တဲ့အတွက်  ရဲစခန်းတွေကို လွှဲပေးမှာမဟုတ်ဘူးလို့  သင်္ဃန်းကျွန်းမြို့နယ်နေ ဦးဆောင်ဖမ်းဆီးခဲ့တဲ့ ကိုလတ်က ပြောပါတယ်။

ဒါ့အပြင် ဖေဖော်ဝါရီလ ၁၃ ရက်နေ့ညပိုင်းမှာလည်း မြို့နယ်တိုင်းလိုလိုမှာ လူစိမ်းတွေကို ကားတွေနဲ့ လာချပေးမှုတွေ ရှိခဲ့သလို ဗိုလ်တထောင်၊ သင်္ဃန်းကျွန်းအပါအဝင် တောင်ဥက္ကလာ၊ လမ်းမတော်၊ စမ်းချောင်း၊ မှော်ဘီ၊ အလုံ၊ ရွှေဂုံတိုင် စတဲ့မြို့နယ်တွေမှာလည်း လူစိမ်းတွေကို ဖမ်းဆီးမိခဲ့ပါတယ်။

ဖမ်းဆီးမိခဲ့တဲ့ သူတွေထဲမှာ ဆယ်ကျော်သက်အရွယ်တွေနဲ့ သံဃာအတုတွေပါ ဖမ်းဆီးမိခဲ့တယ်လို့ တောင်ဥက္ကလာပမြို့နယ် ရပ်ကွက်အုပ်ချုပ်ရေးမှူး ဦးကျော်ဝင်းက ပြောပါတယ်။

စစ်အစိုးရအာဏာသိမ်းပြီးနောက်ပိုင်းမှာ နိုင်ငံခေါင်းဆောင်တွေကို ဖမ်းဆီးထားသလို စစ်အာဏာရှင် ဆန့်ကျင်ရေး ဆန္ဒပြပွဲတွေမှာ ပါဝင်တဲ့ ဝန်ထမ်းတွေကိုလည်း ညပိုင်းတွေမှာ လာရောက်ဖမ်းဆီးတာတွေ ရှိနေပါတယ်။  

စစ်အာဏာရှင်စနစ် ကျဆုံးရေးအတွက် ရန်ကုန်မြို့အနှံ့ သံရုံးတွေရှေ့မှာ ပြည်သူတွေက ဆန္ဒပြတောင်းဆိုနေကြသလို ည ၈ နာရီအချိန်မှာလည်း သံပုံးတီးပြီး စစ်အစိုးရဆန့်ကျင်ရေး နေ့စဉ်လုပ်ဆောင်နေကြပါတယ်။

သူဇာလင်း

3 months Ago

June 26, 2020

ပြည်သူ့ဆန္ဒနှင့် ရွေးကောက်ပွဲရလဒ် တထပ်တည်းကျအောင်လုပ်ပေးမည်ဟု ကော်မရှင် ဥက္ကဋ္ဌ ကတိပြု

နိုင်ငံရေးပါတီတွေနဲ့ ကိုယ်စားလှယ်လောင်းတွေအတွက် ကျင့်ဝတ်လက်မှတ်ရေးထိုးပွဲ အခမ်းအနားကို ဇွန်လ ၂၆ ရက်နေ့က ရန်ကုန်မြို့ မယ်လီယာဟိုတယ်မှာ ကျင်းပခဲ့တာပါ။ ပြည်ထောင်စုရွေးကောက်ပွဲကော်မရှင် ဥက္ကဋ္ဌ ဦးလှသိန်းက “ပွင့်လင်းမြင်သာမှုရှိရမယ်၊ အများယုံကြည်လက်ခံ နိုင်ရမယ်၊ ပြည်သူ့ဆန္ဒနဲ့‌ ေရြးေကာက္ပြဲ ရလဒ်တစ်ထပ်တည်းကျရမယ်။ အမဲစက်မရှိ‌အောင်၊ သမာသမတ်ကျ‌အောင် ဆောင်ရွက်‌ပေး သွားမယ်၊ ဝေဖန်နေကြတာတွေကတော့ တစ်ဦးချင်းစီရဲ့ သ‌ဘောထားသာ ဖြစ်ပါတယ်။ ကျနော်တို့က ဘယ်ပါတီကိုမှ ဘက်လိုက်မှာမဟုတ်ပါဘူး”လို့  အခမ်းအနားအဖွင့်မိန့်ခွန်းမှာပြောပါတယ်။ ပြည်ထောင်စုရွေးကောက်ပွဲကော်မရှင်က နိုဝင်ဘာလမှာရွေးကောက်ပွဲကျင်းပမယ်လို့ ကြေညာအပြီး ပထမဆုံးလူစုလူဝေးနဲ့ အခမ်းအနား ကျင်းပခဲ့တာဖြစ်ပါတယ်။ အခမ်းအနားကိုနိုင်ငံရေးပါတီ ၉၀ ကျော်က  ကိုယ်စားလှယ်တွေ နိုင်ငံတကာသံရုံးတွေက ကိုယ်စားလှယ်တွေနဲ့ ရွေးကောက်ပွဲလေ့လာစောင့်ကြည့်သူတွေ တက်ရောက်ခဲ့ပါတယ်။ ဒီကနေ့လက်မှတ်ရေးထိုးတဲ့ကျင့်ဝတ်တွေမှာ ၂၀၂၀အတွက်အထူးပြုချက်တွေပါဝင်ပြီး ဥပဒေလိုအာဏာမတည်ပေမဲ့ နိုင်ငံရေးပါတီတွေက လေးစားလိုက်နာဖို့လိုတယ်လို့ ကော်မရှင် ဥက္ကဋ္ဌက တိုက်တွန်းပါတယ်။
11 months Ago
Up