ပြည်ပပြန်များ

A d v e r t i s e m e n t With Us

November 11, 2020

ပြည်ပပြန်များ၊ အတည်ပြုလူနာနှင့် ထိတွေ့ခဲ့သူများကို ကိုဗစ်-၁၉ အမြန်စစ်ကိရိယာဖြင့် စစ်မည်   

ပြည်ပက ပြန်လာတဲ့သူတွေ၊ ကိုဗစ်-၁၉ အတည်ပြုလူနာနဲ့ ထိတွေ့ခဲ့သူတွေနဲ့ အိမ်မှာနေ ရမယ့် အစီအစဉ်မှာပါတဲ့ဒေသက လာသူတွေကို ကိုဗစ်-၁၉ ရောဂါရှိ မရှိ အမြန်စစ်ကိရိယာနဲ့ပဲ စစ်ဆေးတော့မှာ ဖြစ်ပါတယ်။ ပြည်ပနိုင်ငံက ပြန်လာသူတွေ၊ အိမ်မှာနေရမယ့် အစီအစဉ်မှာပါတဲ့ဒေသက လာသူတွေကို အသွားအလာ စတင်ကန့်သတ်တဲ့ ရက်ကနေ ၃ ရက်မြောက်နေ့မှာ အမြန်စစ်ကိရိယာ (Rapid Test Kit) နဲ့ စစ်ဆေးမှာဖြစ်ပြီး အတည်ပြုလူနာနဲ့ ထိတွေ့ခဲ့သူတွေကိုတော့ လူနာနဲ့ နောက်ဆုံးအကြိမ် ထိတွေ့ခဲ့တဲ့ ရက်ကနေ ၃ ရက်မြောက်နေ့မှာ စစ်ဆေးမှာ ဖြစ်ပါတယ်။ စစ်ဆေးတာမှာ ပိုးတွေ့ရင်တော့ သက်ဆိုင်ရာ ဆေးရုံ၊ ကုသရေးဌာနတွေကို ပို့ဆောင် ကုသမယ်လို့ ကျန်းမာရေးနဲ့ အားကစားဝန်ကြီးဌာနက ထုတ်ပြန်ထားပါတယ်။ ပထမအကြိမ်စစ်ဆေးတာမှာ ပိုးမတွေ့ဘူးဆိုရင် အသွားအလာ စတင်ကန့်သတ်တဲ့ ရက်၊ အတည်ပြု လူနာနဲ့ နောက်ဆုံးအကြိမ် ထိတွေ့ခဲ့တဲ့ ရက်ကနေ ၁၁ ရက်မြောက်နေ့မှာ PT-PCR နည်းနဲ့ ထပ်ပြီး ဓာတ်ခွဲခန်းမှာ စစ်ဆေးမှာဖြစ်ပါတယ်။ အမြန်စစ်ကိရိယာနဲ့ စစ်ဆေးတဲ့အခါမှာ ရောဂါလက္ခဏာမပြသူတွေမှာ ပိုးမရှိဘူးဆိုတဲ့ အဖြေပြတတ်ပြီး ပိုးကူးစက်ခံခဲ့ရတဲ့ရက်ကနေ အချိန်ကိုက်ရက်မှာ စစ်ဆေးနိုင်မှ မှန်တယ်လို့ ကျန်းမာရေးဌာန တာဝန်ရှိသူတွေက ပြောဆိုထားပါတယ်။ ၂ ကြိမ်လုံးမှာ ပိုးမတွေ့ပေမယ့် ရောဂါသံသယလက္ခဏာတွေရှိရင်တော့ ကုသတာကို ချက်ချင်းလုပ်နိုင်ဖို့နဲ့ ပိုစိတ်ချရဖို့ ၁၄ ရက်တိတိ အသွားအလာကန့်သတ်ထားမှာ ဖြစ်ပါတယ်။
4 months Ago

July 5, 2020

မွန်ပြည်နယ်တွင် ဘတ်ဂျက်အခက်အခဲကြောင့် ပြည်ပပြန်များကို ကိုဗစ်-၁၉ ရောဂါရှိ၊ မရှိ တကြိမ်သာ စစ်မည်

ဘတ်ဂျက်နဲ့ လုပ်အားအရင်းအမြစ် အခက်အခဲကြောင့် နိုင်ငံရပ်ခြား ပြန်လာသူတွေမှာ ကိုဗစ်-၁၉ ရောဂါပိုး ရှိ၊ မရှိ တကြိမ်ပဲ စစ်ဆေးတော့မယ်လို့ မွန်ပြည်နယ် ကုသရေးနဲ့ ပြည်သူ့ကျန်းမာရေး ဦးစီးဌာနပြည်နယ် ဦးစီးမှူးက ပြောပါတယ်။  နိုင်ငံရပ်ခြား ပြန်လာသူတွေကို အရင်တုန်းကဆို ကိုဗစ်-၁၉ ရောဂါပိုး ရှိ၊ မရှိကို အသွားအလာကန့်သတ် စောင့်ကြည့်ထားချိန် Quarantine Camp စရောက်ပြီး ၅ ရက်မှာ တကြိမ်၊ Quarantine Camp မှ မထွက်ခင် ၅ ရက်အလို တစ်ကြိမ်၊ စုစုပေါင်း နှစ်ကြိမ် စစ်ဆေးခဲ့တာပါ။ ဒါပေမဲ့ အဲဒီလိုစစ်ဆေးရာမှာ တစ်ကြိမ်စစ်ဆေးရင် လူတဦးကို ကျပ် ၂ သိန်းကျော် ကုန်ကျနေပါတယ်။ ဒါကြောင့် နိုင်ငံရပ်ခြား ပြန်လာသူတွေကို ဘတ်ဂျက်နဲ့ လုပ်အားအရင်းအမြစ် အခက်အခဲကြောင့် ကိုဗစ်-၁၉ ရောဂါး ရှိ၊ မရှိ တစ်ကြိမ်ပဲ စစ်ဆေးတော့မယ်လို့ မွန်ပြည်နယ် ကုသရေးနဲ့ ပြည်သူ့ကျန်းမာရေဦးစီးဌာန ပြည်နယ်ဦးစီးမှူး ဒေါက်တာထွန်းအောင်ကြည်က ပြောပါတယ်။ ကိုဗစ်-၁၉ ရောဂါပိုး စစ်ဆေးရာမှာတော့ ရောဂါဖြစ်သူတဲ့ ထိတွေ့ခဲ့တဲ့သူတွေကို အရင်တိုင်း နှစ်ကြိမ် ဆက်လက်စစ်ဆေးသွားမှာ ဖြစ်ပါတယ်။ မွန်ပြည်နယ်မှာတော့ ကိုဗစ်-၁၉ ရောဂါပိုး ရှိ၊ မရှိကို မော်လမြိုင် ဓာတ်ခွဲခန်းမှာ ဇွန် ၄ ရက်နေ့ကတည်းက စတင်စစ်ဆေးပေးနေတာပါ။  အဲဒီလို စစ်ဆေးရာမှာ ရန်ကုန် ဓာတ်ခွဲခန်းရဲ့ အခက်အခဲကြောင့် မွန်ပြည်နယ်၊ ကရင်ပြည်နယ်နဲ့ တနင်္သာရီတိုင်းက ကိုဗစ်-၁၉ လူနာတွေကို မော်လမြိုင် ဓာတ်ခွဲခန်းမှာ နေ့စဉ် စစ်ဆေးပေးနေတာလို့ မော်လမြိုင် ပြည်သူ့ကျန်းမာရေးဆိုင်ရာ ဓာတ်ခွဲမှုဌာန တာဝန်ခံ ဒေါက်တာနီနီဟန်က ပြောပါတယ်။ ကိုဗစ်-၁၉ ရောဂါပိုး ရှိ၊ မရှိကို မော်လမြိုင်ဓာတ်ခွဲခန်းမှာ တစ်နေ့ကို လူဦးရေ ၃၀၀ နီးပါးအထိ စစ်ဆေးပေးနေတာ ဖြစ်ပါတယ်။  မော်လမြိုင်က ကိုဗစ်-၁၉ ရောဂါပိုး ရှိ၊ မရှိ စစ်ဆေးပေးနေတဲ့ ဓာတ်ခွဲခန်းဟာ ဇီဝလုံခြုံမှုအဆင့် ၃ ရှိတဲ့ ဓာတ်ခွဲခန်း အမျိုးအစား ဖြစ်ပြီး ပိုးမွေးနိုင်တဲ့ အခန်းတွေလည်း ပါဝင်ပါတယ်။  ဇော်လွင်ထွဋ်
8 months Ago
Up