ပြည်ခိုင်ဖြိုးပါတီ

A d v e r t i s e m e n t With Us

January 9, 2021

ကျန်ရှိလွှတ်တော်သက်တမ်း နောက်ဆုံးအစည်းအဝေးခေါ်ပေးရန် ပြည်ခိုင်ဖြိုးပါတီက သမ္မတထံ စာပို့

ပြီးခဲ့တဲ့ ရွေးကောက်ပွဲမှာ ဖြစ်ပွားခဲ့တာတွေနဲ့ ပတ်သက်လို့ လွှတ်တော်မှာ ဆွေးနွေးနိုင်ဖို့အတွက် ကျန်နေသေးတဲ့ လွှတ်တော်သက်တမ်းမှာ နောက်ဆုံးအစည်းအဝေးခေါ်ပေးဖို့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီက သမ္မတဆီ အိတ်ဖွင့်ပေးစာ ပို့လိုက်ပါတယ်။ ပါတီရဲ့ ဗဟိုအတွင်းရေးမှူး ဒေါက်တာကျော်ကျော်ဌေးက ဥက္ကဋ္ဌကိုယ်စား စာပေးပို့တောင်းဆိုတာ ဖြစ်ပြီး မနေ့က သမ္မတရုံးကို ပို့လိုက်ပြီလို့ ပါတီဗဟိုကော်မတီဝင် ဦးသောင်းအေးက ပြောပါတယ်။ “မဏ္ဍိုင် ၃ ရပ်ရှိတာမှာ ၂ ပိုင်းက လုပ်ထားပြီးပြီလေ။ ခု ဥပဒေပြုရေးဖြစ်တဲ့ လွှတ်တော်လမ်းကြောင်းက လုပ်ဖို့ လိုနေပြီ။ ပြီးခဲ့တဲ့ ရွေးကောက်ပွဲမှာ တရားမဲ့ ပြုကျင့်ခဲ့မှုတွေကို လွှတ်တော်မှာ ရှင်းပြဖို့ လိုနေပြီ” လို့ ပြောပါတယ်။ ၂၀၂၀ ပြည့်နှစ် ပါတီစုံအထွေထွေရွေးကောက်ပွဲကြီး ကျင်းပပြီးစီးခဲ့ပေမယ့် အဲဒီရွေးကောက်ပွဲမှာ ဖြစ်ခဲ့တဲ့ မဲမသမာမှုတွေ၊  မဲဆန္ဒရှင်လူဦးရေစာရင်း အလွန်အမင်း ကွာဟနေတာတွေဟာ သက်သေ အထောက်အထားတွေနဲ့ နိုင်ငံအနှံ့မှာ ပေါ်ပေါက်နေတယ်လို့ ပါတီက ပေးပို့တဲ့စာမှာ ဖော်ပြထားပါတယ်။ ဒါတွေကို ပါတီအနေနဲ့ သတင်းစာ ရှင်းလင်းပွဲတွေ အကြိမ်ကြိမ်လုပ်ပြီး နိုင်ငံတကာ သံတမန်တွေ၊ သတင်းမီဒီယာတွေနဲ့ ပြည်သူအများရှေ့မှာ သက်သေအထောက်အထားတွေနဲ့တကွ ရှင်းလင်း ပြောကြားနေဆဲ ဖြစ်တယ်လို့ ဆိုပါတယ်။ ဒါပေမယ့် ရွေးကောက်ပွဲရဲ့ တာဝန်အရှိဆုံးဖြစ်တဲ့ ပြည်ထောင်စု ရွေးကောက်ပွဲကော်မရှင်ကတော့ အခုအချိန်ထိ နိုင်ငံရေးပါတီတွေနဲ့ မဲဆန္ဒရှင်ပြည်သူတွေကို တာဝန်ယူမှု တာဝန်ခံမှုနဲ့ ပွင့်ပွင့်လင်းလင်း ရှင်းလင်းတာမရှိသေးဘူးလို့ ဆိုပါတယ်။ ရွေးကောက်ပွဲမှာ မဲမသမာမှုတွေ၊ တခြားမှုခင်းတွေ မရှိစေဖို့ နိုင်ငံရေးပါတီတွေက ပူးတွဲ သဘောထားထုတ်ပြန်တာ၊ သမ္မတဆီ စာပို့တာတွေ လုပ်ခဲ့ပေမယ့် ဒါတွေကို အရေးယူ ဆောင်ရွက်ပေးတာ မရှိခဲ့ဘူးလို့လည်း ဖော်ပြထားပါတယ်။ ဦးသောင်းအေးက “ကျနော်တို့ တွေ့ထားတဲ့ ၁၈ နှစ်မပြည့်ဘဲ မဲစာရင်းမှာ ပါတာ၊ တယောက်တည်း အကြိမ်ကြိမ်ပါနေတာ ဒါတွေကို လာရှင်းစေချင်တာ။ လွှတ်တော်ထဲမှာ ဆွေးနွေးချင်တဲ့အတွက် အခြေခံဥပဒေအတိုင်း အခုလို တောင်းဆိုတာပါ” လို့ ပြောပါတယ်။ ဒီလို အခြေအနေတွေကို မဲဆန္ဒရှင်ပြည်သူတွေဆီ တရားဝင် ဖြေရှင်းအသိမပေးနိုင်ခင်မှာ လွှတ်တော်ဥက္ကဋ္ဌတွေက တတိယအကြိမ် ပြည်ထောင်စုလွှတ်တော်အစည်းအဝေးကို စတင်ကျင်းပဖို့ အသိပေးကြေညာခဲ့တာဟာ နိုင်ငံရေးပါတီတွေအပေါ် အပြန်အလှန် လေးစားမှုမရှိသလို နိုင်ငံတော်အာဏာကိုလည်း မရိုးဖြောင့်တဲ့နည်းနဲ့ ရယူဖို့ ဆောင်ရွက်တာ လို့လည်း ပါတီက ပေးပို့တဲ့ စာမှာ ဖော်ပြထားပါတယ်။ ဒီဖြစ်စဉ်တွေကြောင့် အပြန်အလှန်ထိန်းကျောင်းရမယ့်တာဝန်ကို ပြည်ထောင်စုလွှတ်တော်က ဆောင်ရွက်နိုင်စေဖို့၊ လက်ရှိ လွှတ်တော်သက်တမ်းကို မှန်မှန်ကန်ကန် အဆုံးသတ်ပိတ်သိမ်းပြီး လွှတ်တော်သက်တမ်းအသစ်တခုကို ဥပဒေနဲ့အညီ ညင်ညင်သာသာ ချောချောမွေ့မွေ့ ကူးပြောင်းနိုင်ဖို့၊ ပြည်သူ့ကိုယ်စားလှယ်တွေနဲ့ စုပေါင်းတိုင်ပင်အဖြေဆုံးဖြတ်ကြဖို့၊ ဖြစ်ပေါ်နေတဲ့ အခြေအနေအရပ်ရပ်ကို ပွင့်လင်းမြင်သာစွာ ဖြေရှင်းနိုင်ရေးအတွက် သက်တမ်းကျန်နေသေးတဲ့ ဒုတိယအကြိမ် ပြည်ထောင်စုလွှတ်တော် နောက်ဆုံး အစည်းအဝေးကို ခေါ်ယူပေးဖို့ သမ္မတကို တောင်းဆိုထားပါတယ်။
2 months Ago

November 15, 2020

ပြည်ခိုင်ဖြိုးပါတီ၏ အသုံးအနှုန်းအပေါ် မသန်စွမ်းအဖွဲ့များနှင့်အရပ်ဘက်အဖွဲ့များ ကန့်ကွက်

ပြည်ထောင်စု ကြံ့ခိုင်ရေးနဲ့ဖွံ့ဖြိုးရေးပါတီ ထုတ်ပြန်ချက်မှာ မသန်စွမ်းသူတွေအပေါ် ခွဲခြားဆက်ဆံသုံးနှုန်းခဲ့တဲ့ အချက်အလက်တွေကို အပြင်းအထန်ကန့်ကွက်ရှုတ်ချကြောင်းနဲ့ ပါတီဘက်က တရားဝင်တောင်းပန်ဖို့ မြန်မာနိုင်ငံ နားမကြား အဖွဲ့တွေ၊ မသန်စွမ်းအဖွဲ့တွေနဲ့ အရပ်ဘက်အဖွဲ့အစည်းတွေက နိုဝင်ဘာ ၁၄ ရက်နေ့မှာ ထုတ်ပြန်လိုက်ပါတယ်။  ပြည်ထောင်စုကြံခိုင်ရေးနဲ့ဖွံ့ဖြိုးရေးပါတီရဲ့ နိုဝင်ဘာ ၁၁ ရက်က ထုတ်ပြန်တဲ့သတင်းလွှာမှာ “'အစ္စရံကျေးရွာမှာ စာမတတ်သူ၊ စကားမပြောတတ်သူ၊ နားမကြားသူ ဒေါ်ဝင်းစန္ဒာခိုင်အား ဆန္ဒမဲပေးခွင့်ပြုခြင်းကို မဲမသမာမှုအဖြစ် ရေးသားထားခြင်း” ဟာ နားမကြားသူတွေရဲ့ နိုင်ငံသားအခွင့်အရေး မဲပေးခြင်းကို တားဆီးပိတ်ပင်ပြီး ခွဲခြားနှိမ့်ချတဲ့သဘော သက်ရောက်နေတယ်လို့ အဲဒီအဖွဲ့အစည်းတွေက ဖော်ပြထားပါတယ်။  ဒါ့အပြင် နိုဝင်ဘာ ၁၂ ရက်နေ့က ထုတ်ပြန်တဲ့ သတင်းလွှာမှာလည်း မသန်စွမ်းဟု ရေးရမယ့်အစား မသန်မစွမ်းလို့ ရေးသားဖော်ပြတာကိုလည်း ကန့်ကွက်ကြောင်း ထုတ်ပြန်ချက်မှာ ဖော်ပြထားပါတယ်။ လက်ရှိမှာ မြန်မာ့ရှေ့ဆောင်နားမကြားအသင်း ညီမျှခြင်းမြန်မာ၊ ကနောင်အင်စတီကျု စတဲ့ မသန်စွမ်းအဖွဲ့အစည်းတွေနဲ့ အရပ်ဘက်အဖွဲ့အစည်း ၉၅ ခုက လတ်မှတ်ထိုး ကန့်ကွက်ထားတာ ဖြစ်ပြီး ၂၄ နာရီအတွင်း နောက်ထပ် ထောက်ခံလက်မှတ်ထိုးလိုတဲ့အဖွဲ့တွေ တိုးလာဆဲပဲလို့ ညီမျှခြင်းမြန်မာ အဖွဲ့အစည်းက တာဝန်ရှိသူ ဦးအောင်မျိုးမင်းက ပြောပါတယ်။  “ပြည်ထောင်စုကြံ့ခိုင်ရေးနဲ့ဖွံ့ဖြိုးရေးပါတီဘက်က တရားဝင်တောင်းပန်ချက်ကို မရရှိသေးပေမဲ့ သူတို့ထုတ်ပြန်စာရဲ့ နောက်ဆုံးအပိုင်းမှာ မသန်စွမ်းသူများလို့ ပြင်ဖတ်ပါ ဆိုတဲ့ တုံ့ပြန်ချက်တခု ဖြစ်လာပါတယ်။ ဒါပေမဲ့ ရွေးကောက်ခံပါတီကြီးတခုအနေနဲ့ ဂုဏ်သိက္ခာရှိရှိနဲ့ မှားယွင်းကြောင်း တရားဝင်တောင်းပန်ထားတာ မဟုတ်တဲ့အတွက် ဆက်လက်တိုက်တွန်းကြမှာပါ။”  ၂၀၁၉ ကြားဖြတ်သန်းခေါင်စာရင်းအရ မြန်မာနိုင်ငံ လူဦးရေရဲ့ ၁၂ ဒသမ ၈ ရာခိုင်နှုန်းဟာ မသန်စွမ်းသူတွေ ဖြစ်ပြီး ရွေးကောက်ပွဲကော်မရှင်အဖွဲ့ခွဲတွေရဲ့ စာရင်းအရ ၂၀၂၀ အထွေထွေ ရွေးကောက်ပွဲမှာ မဲပေးခွင့်ရှိတဲ့ မသန်စွမ်းဦးရေ ၈၄,၀၃၃ ယောက် ဖြစ်တယ်လို့ သိရပါတယ်။ သတင်း - နွေလှိုင်း(YU)
4 months Ago
More News
Up