ပြစ်ဒဏ်လွတ်ငြိမ်းခွင့်ပေး

April 17, 2022

အကျဉ်းသား ၁၆၁၉ ဦးကို စစ်ကောင်စီက ပြစ်ဒဏ်လွတ်ငြိမ်းခွင့်ပေး

နိုင်ငံတဝန်းအကျဉ်းထောင်တွေမှာ ပြစ်ဒဏ်ကျခံနေရတဲ့  အကျဉ်းသား ၊ အကျဉ်းသူ ၁၅၇၇  ဦး၊ နိုင်ငံခြားသား ၄၂ ဦး စုစုပေါင်း ၁၆၁၉ ဦးတို့ကို ဧပြီ ၁၇ ရက်  ဒီကနေ့ မြန်မာနှစ်ဆန်း ၁ ရက်နေ့မှာ ပြစ်ဒဏ်လွတ်ငြိမ်းခွင့်သက်သာခွင့်ပေးလိုက်တယ်လို့ အာဏာသိမ်းစစ်ကောင်စီက အမိန့်ထုတ်ပြန်ပါတယ်။

မြန်မာ့နှစ်သစ်မင်္ဂလာအခါသမယ အထိမ်းအမှတ်အဖြစ်လည်းကောင်း၊ ပြည်သူလူထုနှလုံးစိတ်ဝမ်းအေးချမ်းစေရေးနဲ့ လူသားချင်းစာနာထောက်ထားမှုကို အလေးထားသာအားဖြင့်လည်းကောင်း ပြစ်ဒဏ်လွတ်ငြိမ်းကင်းလွတ်ခွင့်ပေးလိုက်တာလို့ စစ်ကောင်စီအတွင်းရေးမှူး ဒုဗိုလ်ချုပ်ကြီး အောင်လင်းဒွေး အမိန့်နဲ့ ထုတ်ပြန်ချက်မှာ ဖော်ပြပါတယ်။ 

နိုင်ငံခြားသားအကျဉ်းသူ အကျဉ်းသား ၄၂ ယောက်ကိုတော့ နိုင်ငံအချင်းချင်း မိတ်ဝတ်မပျက်ဆက်ဆံရေးကို ရှေးရှုသောအားဖြင့်လည်းကောင်း၊ လူသားချင်းစာနာထောက်ထားမှုကို အလေးထားသောအားဖြင့်လည်းကောင်း ပြစ်ဒဏ်လျှော့ပေါ့ လွတ်ငြိမ်းသက်သာခွင့်ပြုပြီး ပြည်နှင်ဒဏ်ပေးလိုက်တာလို့ သီးခြားထုတ်ပြန်ထားပါတယ်။ 

ရာဇဝတ်ကျင့်ထုံးဥပဒေ ပုဒ်မ ၄၀၁ ပုဒ်မခွဲ (၁) အရ နောက်တကြိမ် ပြစ်မှုထပ်မံကျူးလွန်ပါက ဒီပြစ်ဒဏ်အပြင် အခုကျန်ရှိတဲ့ ပြစ်ဒဏ်တွေကို ဆက်လက်ကျခံရမှာဖြစ်တယ်ဆိုတဲ့ စည်းကမ်းသတ်မှတ်ချက်နဲ့  ခံဝန်လက်မှတ် ထိုးခိုင်းပြီး ပြန်လွှတ်ပေးတာဖြစ်ပါတယ်။

ခံဝန်လက်မှတ်ထိုးပြီး လွတ်မြောက်လာသူတွေထဲမှာ စစ်အာဏာရှင်ကို ဆန့်ကျင်လို့ ဖမ်းဆီးခံရသူတွေ ပါဝင်သလားဆိုတာတော့ လတ်တလော မသိရသေးမသိရသေးပါဘူး။မြန်မာနိုင်ငံတဝန်းအကျဉ်းထောင်တွေမှာ  စစ်တပ်အာဏာစသိမ်းတဲ့ ၂၀၂၁ ခုနှစ် ဖေဖော်ဝါရီ ၁ ရက်မှ  ၂၀၂၂ ခုနှစ် ဧပြီ ၁၅ ရက်အထိ  ဖမ်းဆီးချုပ်နှောင်ခြင်းခံထားရသူ စုစုပေါင်း  ၁၀၂၃၈ ဦးရှိပြီး ဒီအထဲက  ၉၉၆ ဦး မှာ ထောင်ဒဏ်ချမှတ်ခြင်းခံထားရတယ်လို့   နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) မှတ်တမ်းအရ သိရပါတယ်။

7 months Ago

December 24, 2020

အီရတ် အရပ်သားများအား သတ်ဖြတ်ခဲ့သူများကို သမ္မတထရမ့် ပြစ်ဒဏ်လွတ်ငြိမ်းခွင့်ပေး

၂၀၀၇ တုန်းက အီရတ်မှာ အရပ်သားတွေကို သတ်ဖြတ်မှုနဲ့ပြစ်ဒဏ်စီရင်ခံထားရတဲ့ Blackwater ကုမ္ပဏီက လုံခြုံရေး အစောင့်ဟောင်းတွေကို အမေရိကန်သမ္မတ ဒေါ်နယ်ထရမ့်က ဒီဇင်ဘာ ၂၂ ရက်မှာ လွတ်ငြိမ်းချမ်းသာခွင့် ပေးလိုက်ပါတယ်။  Blackwater ဟာ လုံခြုံရေးအတွက် ကြေးစားစစ်တပ်ငှားတဲ့ ကုမ္ပဏီပါ။ အမေရိကန်စစ်သားဟောင်းတွေဖြစ်ကြတဲ့ နီကိုးလပ်စ် စလတ်တန်၊ ပေါလ် ဆလော့ချ်၊ အီဗန် လစ်ဘာတီနဲ့ ဒပ်စ်တင်ဟာ့ဒ်တို့ဟာ အခင်းဖြစ်ချိန်က Blackwater ကုမ္ပဏီအတွက် လုံခြုံရေးတာဝန်ခံတွေအဖြစ် အလုပ်လုပ်နေချိန်ပါ။  ၂၀၀၇ စက်တင်ဘာ ၁၆ ရက်က အီရတ်နိုင်ငံ နီဆားရ်ရင်ပြင်မှာ အမေရိကန် သံတမန်တွေအတွက် လမ်းကြောင်းရှင်းပေးနေချိန်မှာ စက်သေနတ်တွေနဲ့ လက်နက်မဲ့ အီရတ် အရပ်သားတွေကို ပစ်ခတ်ခဲ့လို့ အီရတ်နိုင်ငံသား ၁၄ ဦး သေဆုံးပြီး ၁၇ ဦး ဒဏ်ရာရခဲ့ပါတယ်။  အဲဒီအတွက် သူတို့ဟာ ထောင်ဒဏ်နှစ်ရှည် ချမှတ်ခံခဲ့ရပါတယ်။  ထရမ့်ရဲ့ အင်္ဂါနေ့က လွတ်ငြိမ်းချမ်းသာခွင့် ပေးတဲ့ လူစာရင်းထဲမှာ ထရမ့်ရဲ့ မဲဆွယ်ရေး အဖွဲ့ လက်ထောက် ၂ ယောက်နဲ့ ရီပတ်ဗလစ်ကင် လွှတ်တော်အမတ်ဟောင်း ၃ ယောက်လည်း ပါပါတယ်။
2 years Ago
Up