ပြစ်ဒဏ်ချမှတ်ခံရ

July 29, 2020

မလေးရှားဝန်ကြီးချုပ်ဟောင်း ထောင်ဒဏ် ၁၂ နှစ်နှင့် ငွေဒဏ် ရင်းဂစ်သန်း ၂၁၀ ပြစ်ဒဏ်ချမှတ်ခံရ 

မလေးရှားဝန်ကြီးချုပ်ဟောင်း နာဂျစ်ရာဇတ်ကို အာဏာအလွဲသုံးစားလုပ်မှုနဲ့ ကွာလာလမ်ပူ တရားရုံးက ထောင်ဒဏ် ၁၂ နှစ်၊ ငွေဒဏ် မလေးရှားရင်းဂစ် သန်းပေါင်း ၂၁၀ ပြစ်ဒဏ် ချမှတ်လိုက်ပါတယ်။ အမေရိကန်ဒေါ်လာ ဘီလီယံပေါင်းများစွာ အရှုပ်တော်ပုံနဲ့ပတ်သက်တဲ့ ပထမဆုံး  တရားစီရင်မှုမှာ ဝန်ကြီးချုပ်ဟောင်း နာဂျစ်ကို တရားသူကြီး မိုဟာမက်ဂါဇာလီက ဇူလိုင်  ၂၈  ရက်မှာ ပြစ်ဒဏ်ချမှတ်လိုက်တာပါ။ ပြစ်ဒဏ်ချမှတ်ပြီးနောက်မှာတော့ ဝန်ကြီးချုပ် နာဂျစ်ကသူ့မှာ အပြစ်မရှိကြောင်းနဲ့ အယူခံဝင်လုပ်ငန်းစဉ် ရှိတာမို့   ဒီဆုံးဖြတ်ချက်နဲ့ ပြီးဆုံးသွားတာမဟုတ်ဘူးလို့ ပြောပါတယ်။ နာဂျစ်က အမှုကို အယူခံဝင်ရာမှာ အနိုင်ရဖို့ မျှော်လင့်တယ်လို့ သတင်းထောက်တွေကို ပြောဆိုခဲ့ပါတယ်။ အခုစီရင်ချက်ကို အထက်တရားရုံးကနေ ပြစ်ဒဏ်တစိတ်တပိုင်းကို လည်းကောင်း၊ အားလုံးကို လည်းကောင်း ပယ်ချနိုင်ဖွယ်ရှိပေမယ့် အဲဒီလို ဆုံးဖြတ်ဖို့က နှစ်ချီပြီး ကြာနိုင်တယ်လို့ ရိုက်တာသတင်းမှာ ရေးပါတယ်။ 
1 year Ago
Up