ပြစ်ဒဏ်ချ

December 3, 2020

ဟောင်ကောင်ဒီမိုကရေစီရေးလှုပ်ရှားသူ  ဂျိုရွှာဝေါင်ကို  ထောင်ဒဏ် ၁ နှစ်ကျော် ပြစ်ဒဏ်ချ 

ဟောင်ကောင်ရဲ့ အထင်ရှားဆုံး ဒီမိုကရေစီရေး တက်ကြွလှုပ်ရှားသူ ဂျိုရွှာဝေါင်ကို ၂၀၁၉ အစိုးရဆန့်ကျင်ရေး ဆန္ဒပြပွဲမှာပါဝင်မှုနဲ့ ဒီဇင်ဘာ ၂ ရက်က ထောင်ဒဏ် ၁၃ လခွဲ စီရင်လိုက်ပါတယ်။ ဟောင်ကောင်အစိုးရရဲ့ တရားစီရင်ရေးဟာ နိုင်ငံရေးအကွက်ရွှေ့မှုပဲလို့ အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ Amnesty International Hong Kong က ပြောပါတယ်။ ဒီတရားစီရင်မှုဟာ ဒီနှစ်အတွင်း အထင်ရှားဆုံး အတိုက်အခံနိုင်ငံရေးလှုပ်ရှားသူ တစ်ဦးကို  ချမှတ်တဲ့ အပြင်းထန်ဆုံး စီရင်ချက်ပါ။  တရုတ်ပြည်မကြီး ကျောထောက်နောက်ခံ ပေးထားတဲ့ ဟောင်ကောင်အစိုးရဟာ အတိုက်အခံတွေကို နှိမ်နင်းတာ တိုးလုပ်လာတယ်လို့လည်း  ဝေဖန်သူတွေက ပြောပါတယ်။  ဝေါင်ရဲ့ ကာလရှည် ရဲဘော်ရဲဘက် အန်းနက်စ်ချောင်နဲ့ အိုင်ဗန်လမ် တို့လည်း ထောင်ဒဏ် ဆယ်လနဲ့ ၇လ စီ အသီးသီး စီရင်ချက်ချခဲ့ပါတယ်။ သူတို့ကတော့ အကျဉ်းသားလွှဲပြောင်းရေးဥပဒေကြမ်းကို ရုပ်သိမ်းရေး အစိုးရကို တောင်းဆိုဖို့ ဇွန် ၂၁ ရက်က ဌာနချုပ်ကို ထောင်ချီတဲ့ ဆန္ဒပြသူတွေနဲ့ ဝိုင်းခဲ့ချိန်က ပါဝင်မှုနဲ့ ပြစ်ဒဏ် စီရင်ခံရတာပါ။ အာဏာပိုင်တွေပြဋ္ဌာန်းထားတဲ့ အမိန့်ဟာ နိုင်ငံတကာတရားစီရင်ရေး စံချိန်စံညွှန်းတွေ ဥပဒေတွေနဲ့ မညီညွတ်ဘူးလို့ Amnesty International Hong Kongရဲ့ အစီအစဉ် မန်နေဂျာ မင်လမ်က ပြောပါတယ်။ စီရင်ချက် မချခင်က တရားရုံးထဲမှာ ထောက်ခံသူ အယောက် ၁၀၀ လောက် ငြိမ်ငြိမ်သက်သက် စုရုံးနေခဲ့တာပါ။ လမ်းပေါ်က ဒေသခံတွေကတော့ အခု လွတ်လပ်စွာ ပြောဆိုခွင့် မရှိတော့သလိုဘဲ အခြေအနေ ပိုဆိုးလာတယ်လို့ ပြောကြပါတယ်။ တရုတ်ပြည်မကြီးအစိုးရဟာ ဇွန်လ ၃၀ မှာ နိုင်ငံတော်လုံခြုံရေးဥပဒေကို ပြဋ္ဌာန်းပြီး လွတ်လပ်ခွင့်တွေကို အမြန်ဖဲ့ထုတ်နေတယ်လို့ ဒီမိုကရေစီရေး တက်ကြွလှုပ်ရှားသူတွေက ပြောပါတယ်။
6 months Ago

July 4, 2020

ရဲမှူးချုပ်ဇော်မိုးသန်းကို ပြစ်ဒဏ်ချမှတ်ပြီး ရမည်းသင်းထောင် ပို့ဆောင်

ရဲရာထူးခန့်ချုပ် ရဲမှူးချုပ်ဇော်မိုးသန်းကို ရဲစည်းကမ်းထိန်းသိမ်းရေးဥပဒေအရ ပြစ်ဒဏ်ချမှတ်ပြီး  ရမည်းသင်းထောင် ပို့လိုက်ပြီလို့ မြန်မာနိုင်ငံရဲတပ်ဖွဲ့ ဒုတိယတပ်ဖွဲ့မှူး ရဲမှူးကြီးကျော်သီဟ DVB ကို အတည်ပြုပြောဆိုပါတယ်။  ရဲရာထူးခန့်ချုပ်ကို ပြစ်ဒဏ်ထောင်ဒဏ် ၃ နှစ် ချမှတ်လိုက်တယ်လို့ သတင်းတွေထွက်ပေါ်နေပေမယ့် ဒီပြစ်ဒဏ်နဲ့ ပတ်သက်လို့ အတည်မပြုနိုင်သေးကြောင်းနဲ့ လက်ရှိမှာတော့ ရမည်းသင်းထောင်ကို ပို့ဆောင်လိုက်တယ်လို့  ရဲမှူးကြီးကျော်သီဟက ဆိုပါတယ်။ ရဲရာထူးခန့်ချုပ် ရဲမှူးချုပ်ဇော်မိုးသန်းဟာ အမျိုးသမီးရဲတပ်ဖွဲ့ဝင်တွေအပေါ် ရာထူးတိုးပေးမယ်ဆိုပြီး လိင်ပိုင်းဆိုင်ရာ အမြတ်ထုတ်မှုနဲ့ စုံစမ်းစစ်ဆေးခံရပြီး ပြစ်ဒဏ်ချမှတ် ခံရတာပါ။  ရဲမှူးချုပ်ဇော်မိုးသန်းဟာ ပြီးခဲ့တဲ့ တစ်နှစ်ကျော်ကမှ ရဲလေ့ကျင့်ရေးအရာရှိချုပ် ရာထူးတာဝန်ကနေ ရဲရာထူးခန့်ချုပ် ရာထူးကို ပြောင်းရွှေ့လာခဲ့တာပါ။ ပြည်ထဲရေးဝန်ကြီးအသစ်ဖြစ်တဲ့ ဒုတိယဗိုလ်ချုပ်ကြီး စိုးထွဋ်လက်ထက်မှာ ရထားရဲတပ်ဖွဲ့က ရဲမှူးချုပ် မိုးသူအောင်ကို ရာထူးက ထုတ်ပယ်ပြီး ထောင်ဒဏ် ၆ လကျခံစေကာ ရဲထောက်ချုပ် ရဲမှူးချုပ်ဇော်ခင်အောင်ကိုလည်း ရဲတပ်ဖွဲ့ကနေ ထုတ်ပယ်ခဲ့ပါတယ်။
11 months Ago

ဘင်္ဂလားဒေ့ရှ်မှ တရားမဝင်ပြန်လာသူ ၁၁ ဦးအား ထောင်ဒဏ် ၆ လစီ ပြစ်ဒဏ်ချ

ရခိုင်ပြည်နယ်၊ မောင်တောခရိုင်ကို ​ဘင်္ဂလားဒေရှ်နိုင်ငံကနေ တရားမဝင် ဝင်ရောက်လာတဲ့ ၁၁ ဦးအား လဝက ဥဒေပုဒ်မ ၁၃(၁) နဲ့ မောင်တောမြို့နယ်တရားရုံးက ထောင်ဒဏ် ၆ လစီ ပြစ်ဒဏ်ချမှတ်လိုက်ပါတယ်။ မောင်တောမြို့နယ်တရားရုံးမှ တာဝန်ရှိသူတဦးက "ဇူလိုင်လ ၂ ရက်နေ့ မှာ ၄ ဦး၊ ဇူလိုင်လ ၃ ရက်နေ့မှာ ၇ ဦး၊ စုစုပေါင်း ၁၁ ဦး အမိန်းချပြီးပြီ။ ဇူလိုင် ၃ ရက်နေ့မှာ အသက်မပြည့်သူ ကလေး ၂ ဦးကို ကျေးရွာအုပ်ချုပ်ရေးမှူးကို အပ်နှံလိုက်တယ်။ UEHRD အစီအစဉ်စာရင်းမှာ ပါလာသူ ၂ ဦးကတော့ လွတ်မြောက်သွားတယ်" လို့ ပြောကြားပါတယ်။ ဘင်္ဂလားဒေ့ရှ်ဘက်က ပြန်လာသူ ၇၀၀ နီးပါးထဲက အစိုးရကို အသိပေးပြန်လာသူတွေကိုတော့ အရေးမယူဘဲ ကိုဗစ်-၁၉ ရောဂါကာလ တရားမဝင်  ပြန်လည်ဝင်ရောက်လာတဲ့ အယောက် ၈၀ ထဲက ကလေးသူငယ်တွေနဲ့ အသက်မပြည့်သူတွေကို ဖယ်ထုတ်ပြီး ကျန် ၂၉ ဦးအား လူဝင်မှုကြီးကြပ်ရေးဥပဒေနဲ့ အမှုဖွင့်လှစ် အရေးယူဆောင်ရွက်နေတာလို့ ဆိုပါတယ်။ မောင်တောမြို့နယ်မှာ  လဝက ဥပဒေပုဒ်မ ၁၃(၁) နဲ့ အမှုဖွင့်လှစ်ခံထား ရသူ ၁၉ ဦး၊ ဘူးသီးတောင်မြို့နယ်မှာတော့ ၁၀ ဦးရှိပြီး အမိန့်မချရသေးဘူးလို့  ခရိုင်လူဝင်မှု ကြီးကြပ်ရေးဦးစီးဌာနက သိရပါတယ်။ မောင်တောခရိုင်အတွင်း တစ်ဖက်ဘင်္ဂလားဒေ့ရှ်နိုင်ငံက ပြန်လာသူတွေထဲမှာ ကိုဗစ်-၁၉ ရောဂါပိုး ၈ ဦး တွေ့ရှိပြီးနောက်ပိုင်း တရားမဝင် ဝင်ရောက်လာကြသူတွေကို ပထမဆုံး အကြိမ် အရေးယူ ထောင်ဒဏ်ချမှတ်ခဲ့တာပါ။ ထောင်ဒဏ်ချမှတ်ခံရသူတွေကိုတော့ ဘူးသီးတောင် အကျဉ်းထောင်ကို ပို့ဆောင်သွားမယ်လို့ သိရပါတယ်။ လင်းလက်
11 months Ago
Up