ပြင်းအား

December 15, 2019

ဖိလစ်ပိုင်တောင်ပိုင်း ပြင်းအား ၆ ဒသမ ၈ အဆင့်ရှိ ငလျင်လှုပ် (ရုပ်သံ)

ဖိလစ်ပိုင်နိုင်ငံတောင်ပိုင်းမှာ ပြင်းအား ၆ ဒသမ ၈ မဂ္ဂနီကျူ့အဆင့်ရှိ မြေငလျင်တခု ဒီနေ့ လှုပ်ခတ်သွားတယ်လို့ အမေရိကန် ဘူမိတိုင်းတာရေးအဖွဲ့က ပြောလိုက်ပါတယ်။   ဒီမြေငလျင်ကြောင့် ထိခိုက်ဒဏ်ရာရတာတွေ၊ အပျက်အစီးတွေ ရှိခဲ့ပေမယ့် ဆူနာမီရေလှိုင်းတော့ မဖြစ်ပေါ်ခဲ့ပါဘူး။   မြေငလျင်ဟာ မင်ဒါနာအိုကျွန်းက ဒါဗာအိုမြို့ အနောက်တောင်ပိုင်း ၃၈ မိုင်အကွာ မြေအောက်အနက် ၁၇ မိုင်ခွဲအကွာကို ဗဟိုပြုပြီး လှုပ်ခတ်ခဲ့တယ်လို့ အမေရိကန် ဘူမိအဖွဲ့က ဆိုပါတယ်။  ဆိုရှယ်မီဒီယာပေါ်တင်တဲ့ ဗွီဒီယိုမှာတော့ ဟိုတယ် ရေကူးကန်က ရေတွေ ဘောင်ဘင်ခတ်နေတာကို တွေ့ရပါတယ်။   နောက်ဗွီဒီယိုတခုမှာလည်း ဟိုတယ်ခန်းတခုက အသုံးအဆောင်တွေ လှုပ်ယမ်းနေတာကို တွေ့ရပြီး လှေကားကနေ လူတွေ ဘေးလွတ်ရာ ပြေးနေတာကိုလည်း မြင်တွေ့ရပါတယ်။   ဒါပေမဲ့လည်း  မြေငလျင်ကြောင့်  ဆူနာမီရေလှိုင်းဖြစ်မယ့် ခြိမ်းခြောက်မှု မရှိဘူးဆိုပြီး ပစိဖိတ်ဆူနာမီ သတိပေးစင်တာက ပြောကြားခဲ့ပါတယ်။ Video Credit - FOBOS PLANET
2 years Ago
Up