ပြင်သစ်အသင်း

June 20, 2021

ကွင်းလုံးပြည့်ပရိသတ်ရှေ့ မည်သို့ကစားရမည်ဆိုတာ မေ့လျော့နေခဲ့ဟု ဂရစ်ဇ်မန်း ပြော

ပြင်သစ်အသင်းအနေနဲ့ ကွင်းလုံးပြည့်ပရိသတ်တွေရဲ့ရှေ့မှာ ဘယ်လိုကစားရမလဲဆိုတာ မေ့လျော့နေကြတယ်လို့ တိုက်စစ်မှူး ဂရစ်ဇ်မန်းက ပြောပါတယ်။

ရေပန်းအစားဆုံးပြင်သစ်ဟာ မနေ့က ကစားခဲ့တဲ့ အိမ်ရှင်ဟန်ဂေရီနဲ့ပွဲမှာ ၁ ဂိုးစီ သရေကျခဲ့ပါတယ်။ ပရိသတ် ၆၁၀၀၀ လာရောက်အားပေးခဲ့ကြတဲ့ ဟန်ဂေရီပရိသတ်တွေရဲ့ ဖိအားက အသင်းအပေါ် အကျိုးသက်ရောက်စေခဲ့ပြီး ဘယ်လိုကစားရမလဲဆိုတာ မေ့လျော့နေခဲ့ကြတယ်လို့ ဂရစ်ဇ်မန်းက ပြောပါတယ်။ 

“ကျနော်တို့ ကွင်းထဲမှာ အကောင်းဆုံးမကစားနိုင်ခဲ့ကြပါဘူး။ တိတ်ဆိတ်နေတဲ့ ပွဲကြည့်စင်နဲ့ကလည်း အသားကျနေကြပါတယ်။ ဒီအချက်က ကျနော်တို့ကို ရှုပ်ထွေးသွားစေပါတယ်” လို့ ဒီပွဲမှာ ချေပဂိုးသွင်းခဲ့တဲ့ ဂရစ်ဇ်မန်းကပြောပါတယ်။

ဟန်ဂေရီ သွင်းခဲ့တဲ့ အဖွင့်ဂိုးဟာ ၂၀၂၀ မတ်လနောက်ပိုင်းမှာ ပရိတ်သတ်ရဲ့ အကျယ်လောင်ဆုံးအသံ ဖြစ်ခဲ့ပါတယ်။

7 months Ago

ဂျာမနီအသင်း ပေါ်တူဂီကို ၄ ဂိုး ၂ ဂိုးဖြင့်အနိုင်ရ၊ စပိန်နှင့် ပြင်သစ်တို့ သရေပွဲကြုံ

ဇွန်လ ၁၉ ရက်ညက ကန်သွားတဲ့ ယူရို ၂၀၂၀ ဘောလုံးပြိုင်ပွဲ အုပ်စုအဆင့် ဒုတိယပွဲစဉ်မှာ   ဂျာမနီက ပေါ်တူဂီအသင်းကို  ၄ ဂိုး ၂ ဂိုးနဲ့ အနိုင်ရသွားပါတယ်။ 

အုပ်စု (F) က   ပေါ်တူဂီနဲ့ ဂျာမနီ အသင်းတွေ ယှဉ်ပြိုင်ကစားကြရာမှာတော့ ပထမပိုင်း ၁၅ မိနစ်မှာပဲ တိုက်စစ်မှူး စီရော်နယ်ဒိုက ပေါ်တူဂီအတွက် အဖွင့်ဂိုးသွင်းယူပေးနိုင်ခဲ့ပေမဲ့ ပွဲချိန် ၃၅ မိနစ်နဲ့ ၃၉ မိနစ်တွေမှာ ပေါ်တူဂီ နောက်တန်းကစားသမားတွေ ကိုယ့်ဂိုးကိုယ်သွင်းမိတာကြောင့် ပထမပိုင်းမှာတင် ပေါ်တူဂီက ၂ ဂိုး တစ် ဂိုးနဲ့ ရှုံးနိမ့်နေပါတယ်။ 

ဒုတိယပိုင်း ပွဲချိန် ၅၁ မိနစ်မှာ ကိုင်ဟာဗက်ဇ်က  ဂျာမန်အသင်းအတွက် အနိုင်ဂိုး ၁ ဂိုး ထပ်သွင်းခဲ့ပြီး မိနစ် ၆၀ မှာ ဂိုဆက်စ်က နောက်ထပ်တစ်ဂိုး ထပ်သွင်းခဲ့လို့ ဂျာမန်တို့ ၄ ဂိုး ၁ ဂိုးနဲ့ ဦးဆောင်ထားနိုင်လိုက်ပါတယ်။ မိနစ် ၆၀ မှာ ပေါ်တူဂီအတွက် ချေပဂိုးကို ဟိုတာက သွင်းယူပေးခဲ့ပြီး နောက်ထပ် ဂိုးတွေထပ်မသွင်းနိုင်တော့ဘဲ ပွဲအပြီးမှာ ဂျာမနီက ၄ ဂိုး ၂ ဂိုးနဲ့ အနိုင်ရသွားတာပါ။

ဒီပွဲမှာ ဂျာမနီက ပေါ်တူဂီထက် ဘောလုံးပိုင်ဆိုင်မှုရော ဂိုးပေါက်ကန်သွင်းခွင့်တွေရော ပိုရခဲ့တာဖြစ်ပြီး  ဒီပွဲစဉ်ရဲ့ အကောင်းဆုံးဘောလုံးသမားဆုကိုတော့ ဂျာမန်နောက်ခံလူ ဂိုဆန်က ရရှိသွားပါတယ်။  

အုပ်စု (F) ပွဲစဉ်တစ်ခုဖြစ်တဲ့ ဟန်ဂေရီနဲ့ ပြင်သစ်တို့ပွဲစဉ်မှာတော့ တဖက် ၁ ဂိုးစီနဲ့ သရေကျသွားပြီး ဒီအုပ်စုမှာ  ပြင်သစ်က ရမှတ် ၄ မှတ်နဲ့ အုပ်စုထိပ်ဆုံးမှာ ရပ်တည်နေကာ ဂျာမနီက အုပ်စု ဒုတိယ၊ ပေါ်တူဂီက အုပ်စု  တတိယနဲ့ ဟန်ဂေရီက အုပ်စု နောက်အောက်ဆုံးမှာ အသီးသီးရပ်တည်နေပါတယ်။  

အုပ်စု (E) က  စပိန်နဲ့ ပိုလန်တို့ ပွဲစဉ်မှာလည်း တဖက် ၁ ဂိုးစီသရေကျသွားတဲ့အတွက် စပိန်အသင်းဟာ ၂ ပွဲကစား ၂ ပွဲသရေ ရမှတ် ၂ မှတ်နဲ့ပဲ  အုပ်စု တတိယနေရာမှာ ရှိနေပါတယ်။ 

ဇွန်လ ၂၀   ရက်မှာတော့  အုပ်စု (A) က  အီတလီနဲ့ ဝေးလ်၊ ဆွစ်ဇာလန်နဲ့ တူရကီ အသင်းတွေ ယှဉ်ပြိုင်ကစားကြဖို့ရှိပါတယ်။

Photo Credit- Euro2020

7 months Ago

November 16, 2020

ပြင်သစ်အသင်းတွင် ပေါ့ဘာနှင့် တွဲဖက်ကစားရသဖြင့် ကျေနပ်ပျော်ရွှင်ဟု ကန်တေပြော

ပြင်သစ်လက်ရွေးစင်သင်းမှာ ပေါ့ဘာနဲ့အတူ တွဲဖက်ကစားခွင့်ရတာကို ကျေနပ်ပျော်ရွှင်မိတယ်လို့ အသင်းဖော် ကန်တေက ပြောပါတယ်။  ပြင်သစ်အသင်းက ပေါ်တူဂီအသင်းကို ၁ ဂိုး ဂိုးမရှိနဲ့ အနိုင်ရခဲ့တဲ့ပွဲမှာ ကန်တေက တစ်လုံးတည်းသော အနိုင်ဂိုးသွင်းယူနိုင်ခဲ့ပါတယ်။  အဲဒီပွဲစဉ်မှာ ကန်တေနဲ့ ပေါ့ဘာတို့ ကွင်းလယ်အတွဲအဖက်ကို နည်းပြဒက်ချမ့်က အသုံးပြုခဲ့ပါတယ်။  ကန်တေနဲ့ ပေါ့ဘာတို့ဟာ ပြင်သစ်အတွက် အတူတွဲဖက် ကစားခဲ့တဲ့ ပွဲစဉ် ၂၆ ပွဲမှ ာရှုံးပွဲ လုံးဝမရှိခဲ့ဘဲ ပွဲ ၂၀ အထိ အနိုင်ရရှိခဲ့ပါတယ်။ ပေါ့ဘာမှာ ဒဏ်ရာပြဿနာတွေရှိခဲ့တာကြောင့် ပြင်သစ်အသင်းမှာ အတူတွဲဖက် ကစားခွင့်မရခဲ့တာ ကြာခဲ့ပြီဖြစ်တယ်လို့ ကန်တေက ပြောပါတယ်။ ကမ္ဘာ့ဖလားမှာ ချန်ပီယံဖြစ်ခဲ့စဉ်က အတူကစားခဲ့ရတာကို အမှတ်တရဖြစ်ခဲ့ပြီး ပေါ့ဘာနဲ့ တွဲဖက် ကစားရတာကို ကျေနပ်ပျော်ရွှင်ရတယ်လို့ ကန်တေက ပြောပါတယ်။
1 year Ago
More News
Up