ပြင်သစ်သမ္မတ

March 4, 2021

ဆန္ဒပြပြည်သူကို အကြမ်းဖက်နှိမ်နင်းမှုများ ချက်ချင်းရပ်တန့်ရန် ပြင်သစ်သမ္မတ တောင်းဆို

မြန်မာနိုင်ငံမှာ လက်ရှိဖြစ်ပွားနေတဲ့ စစ်အာဏာသိမ်းမှု ဆန့်ကျင်ရေး လူထု လှုပ်ရှားမှုတွေမှာ စစ်တပ်နဲ့ ရဲတပ်ဖွဲ့ဝင်တွေက အကြမ်းဖက်နှိမ်နင်းမှုတွေကို ချက်ချင်း ရပ်တန့်ဖို့ ပြင်သစ်သမ္မတ အီမန်နျူဝဲလ် မက်ခရွန်က တောင်းဆိုလိုက်ပါတယ်။

  ဒါ့အပြင် ဖမ်းဆီးထားသူတွေကို ပြန်လွှတ်ပေးဖို့နဲ့ ပြီးခဲ့တဲ့ ရွေးကောက်ပွဲမှာ ဖော်ပြခဲ့တဲ့ မြန်မာလူထုရဲ့ ဆန္ဒမဲတွေကို လေးစားဖို့ ပြင်သစ်နိုင်ငံအနေနဲ့ တောင်းဆိုကြောင်းနဲ့ ပြင်သစ်က မြန်မာပြည်သူတွေဘက်က ရပ်တည်နေကြောင်း ဖော်ပြထားပါတယ်။

  မြန်မာနိုင်ငံမှာ ဖေဖော်ဝါရီ ၁ ရက်နေ့  မနက်အစောပိုင်းက နိုင်ငံတော် သမ္မတ ဦးဝင်းမြင့်၊  နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ အစိုးရခေါင်းဆောင် ပိုင်းတချို့ကို စစ်တပ်ကဖမ်းဆီးလိုက်ကာ နိုင်ငံတော်အာဏာသိမ်းယူလိုက်ပြီးနောက် တနေ့မှာပဲ ပြည်သူတွေဟာ ညစဉ်သံပုံးတီးဆန့်ကျင်တာတွေ၊ ဖယောင်းတိုင်မီးထွန်းဆု တောင်းပွဲတွေနဲ့အတူ အကြမ်းမဖက်တဲ့နည်းနဲ့ ဆန္ဒပြနေကြတာပါ။

တဆက်တည်းမှာပဲ စစ်တပ်ရဲ့ အာဏာသိမ်းလုပ်ရပ်ကို ကန့်ကွက်ရှုတ်ချတဲ့အနေ နဲ့ ဆေးလောကသားတွေက စတင်ကာ  အာဏာဖီဆန်ရေးလှုပ်ရှားမှု(Civil Disobedience Movement)ကို လုပ်ဆောင်နေကြတာ ဖြစ်ပြီး လက်ရှိမှာတော့ တခြား ကဏ္ဍအသီးသီးက ပြည်သူ့ဝန်ထမ်းတွေ၊ အနုပညာရှင်တွေ၊ ပြည်သူတွေကပါ ပူးပေါင်း ပါဝင်လှုပ်ရှားနေကြတာပါ။

နောက်ပိုင်းမှာတော့ နိုင်ငံတဝန်း စစ်အာဏာရှင်ဆန့်ကျင်ရေး ဆန္ဒပြပွဲတွေမှာ ပြည်သူတွေ မြို့ရွာအနှံ့ ပါဝင်နေခဲ့ကြပြီး စစ်တပ်နဲ့ ရဲတပ်ဖွဲ့ဝင်တွေက အကြမ်းဖက် ပစ်ခတ်နှိမ်နင်းမှုတွေနဲ့ အခြေအနေတွေ ပိုမိုတင်းမာလာနေခဲ့တာ ဖြစ်ပါတယ်။

၂ ငါးလုံးအထွေထွေသပိတ်အပြီး ဒုတိယအကြိမ်မြောက် ပြည်လုံးကျွတ် စစ်အာဏာရှင်ဆန့်ကျင်ရေး ဆန္ဒပြပွဲအနေနဲ့ Milk Tea Alliance လှုပ်ရှားမှုကို ဖေဖော်ဝါရီ ၂၈ ရက်က မြန်မာနဲ့အတူ ထိုင်း၊ ဟောင်ကောင်၊ အိန္ဒိယ၊ အင်ဒိုနီးရှားနဲ့ ထိုင်ဝမ် စတဲ့ နိုင်ငံတွေမှာပါ ဆင်နွှဲခဲ့ကြတာ ဖြစ်ပါတယ်။

 လတ်တလော မြန်မာနိုင်ငံမှာ ဖြစ်ပွားနေတဲ့ စစ်အာဏာရှင် ဆန့်ကျင်ရေး လူထု လှုပ်ရှားမှုတွေမှာ စစ်တပ်က အင်အားသုံးဖြိုခွင်းတာတွေကို ချက်ချင်းရပ်တန့်ဖို့ ကုလ သမဂ္ဂလူ့အခွင့်အရေးရုံးကလည်း သတင်းထုတ်ပြန်ပါတယ်။

ဖေဖော်ဝါရီ ၂၈ တရက်တည်းမှာတင် နိုင်ငံအနှံ့ နေရာများစွာမှာ ရဲနဲ့ စစ်တပ် အင်အားစုတွေက ငြိမ်းချမ်းစွာ ဆန္ဒပြနေသူတွေကို လူသေစေလောက်တဲ့ အင်အားသုံးပြီး တော့ရော အသက်သေဆုံး လောက်အောင် မပြင်းထန်တဲ့ အင်အားတွေ သုံးပြီးတော့ပါ တိုက်ခိုက်ခဲ့လို့  အနည်းဆုံး ၁၈ ဦး အသက်ဆုံးရှုံးခဲ့ပြီး လူပေါင်း ၃၀ ကျော် ထိခိုက်ဒဏ် ရာရခဲ့ကြောင်း ကုလသမဂ္ဂ လူ့အခွင့်အရေးရုံးက ခိုင်လုံတဲ့ သတင်းအချက်အလက်တွေ အရ လက်ခံရရှိထားတယ်လို့ ဆိုပါတယ်။

သေဆုံးမှုတွေ ဖြစ်ပွားခဲ့ရတဲ့ မြို့ကြီးတွေမှာ ကျည်ဆန်အစစ်တွေအသုံးပြုပြီး လူအုပ်တွေထဲကို ပစ်ခတ်ခဲ့တဲ့အတွက် ကြောင့် ဖြစ်ကာ နေရာအနှံ့ အသံမြည်ဗုံး၊ မီးဗုံးနဲ့ မျက်ရည်ယိုဗုံးတွေကိုလည်း အသုံးပြုခဲ့ ကြကြောင်း ဖော်ပြထားပါတယ်။

ဒါ့အပြင် စစ်အာဏာသိမ်းမှု တလတာရှိလာခဲ့ချိန်မှာ ရဲနဲ့ စစ်တပ်အင်အားစုတွေရဲ့ ပစ်မှတ်ထား အကြမ်းဖက်ဖြိုခွင်းမှုကြောင့် အရပ်ဘက်လူမှုအဖွဲ့အစည်းတွေ၊ သတင်းသ မားတွေ ထိခိုက်ဒဏ်ရာရရှိတာတွေ၊ ဖမ်းဆီးခေါ်ဆောင်တာတွေလည်း ပိုမိုမြင့်တက်နေပါ တယ်။

စစ်အာဏာရှင် အလိုမရှိကြောင်း ဆန္ဒပြပြည်သူတွေကို မတ် ၃ ရက်နေ့မှာ ရဲနဲ့စစ်တပ်က အကြမ်းဖက် ပစ်ခတ်နှိမ်နင်းမှုကြောင့် ရန်ကုန်အပါအဝင် မြို့နယ်အချို့မှာ ဒီနေ့ညနေအထိ စုစုပေါင်း သေဆုံးသူ ၃၈ ယောက်ရှိတယ်လို့ ကုလသမဂ္ဂက ပြောပါ တယ်။

1 month Ago

December 25, 2020

ပြင်သစ်သမ္မတ ကိုဗစ်လက္ခဏာ မတွေ့ရတော့ဟု လီဇေနန်းတော်သတင်းထုတ်ပြန်

ပြင်သစ်သမ္မတ အီမန်နျူရယ်မက်ခွန်းမှာ ကိုဗစ်-၁၉ လက္ခဏာတွေ မတွေ့ရတော့ဘူးလို့  လီဇေနန်းတော်က  ဒီဇင်ဘာ ၂၄ ရက်မှာ  သတင်းထုတ်ပြန်ပါတယ်။  လာလန်တယ်ရိပ်သာမှာ  ၇ ရက်သီးခြားခွဲနေပြီးနောက် သမ္မတ မက်ခွန်းရဲ့  ကွာရန်တင်းဟာ ပြီးဆုံးသွားပြီလို့ ထုတ်ပြန်ချက်မှာ ဖော်ပြပါတယ်။  သမ္မတမက်ခွန်းဟာ အီးယူခေါင်းဆောင်တွေနဲ့ အစည်းအဝေး အများအပြား လုပ်ခဲ့ပြီးနောက်    ဒီဇင်ဘာ ၁၇ ရက်က သူ့မှာ ကိုဗစ်-၁၉ ပိုး စစ်ဆေးတွေ့ရှိခဲ့ပါတယ်။  သမ္မတ မက်ခွန်းဟာ ခေါင်းကိုက်တာ၊ ခေါင်းခြောက်ဆိုးတာနဲ့ မောပန်းတာတွေ ရက်ပေါင်း အတော်ကြာ ခံစားခဲ့ရပြီးနောက် ဒီဇင်ဘာ ၂၃ ရက်မှာ အခြေအနေ ကောင်းမွန်လာခဲ့တယ်လို့ ရိုက်တာက ဖော်ပြပါတယ်။ 
4 months Ago
More News
Up