မန္တလေးမြို့အတွင်းရှိ စားသောက်ဆိုင်၊ လက်ဖက်ရည်ဆိုင်တွေအနေနဲ့ ဆိုင်ထိုင် စားသုံးသူတွေအတွက် ဆိုင်အ၀င်၀မှာ လက်ဆေးဖို့နေရာနဲ့ အပူချိန်တိုင်းတာ ပြုလုပ်ပေးတာ၊ တယောက်ချင်းစီ စားသောက်နိုင်ဖို့ တဦးနဲ့တဦးကြား မှန် (ဒါမှမဟုတ်) ကတ်ထူပြား ကန့်ထားပေးတာ၊ COVID-19 ရောဂါ ကာကွယ်ရေးနဲ့ပတ်သက်ပြီး ကျန်းမာရေး အသိပညာပေး ဗွီနိုင်းပိုစတာတွေကို လူအများမြင်သာတဲ့ နေရာမှာ ချိတ်ဆွဲထားတာ စတာတွေကို ပြုလုပ်ထားပေးရမှာပါ။
ပြုလုပ်ခြင်းမရှိဘဲ ဖွင့်လှစ်ပါက ပထမအကြိမ် သတိပေး လက်မှတ်ရေးထိုးတာ၊ ဒုတိယအကြိမ် ဒဏ်ငွေတပ်ရိုက်တာနဲ့ တတိယအကြိမ် ဆိုင်အကန့်အသတ် တခုထိ ပိတ်သိမ်းတာနဲ့ မန္တလေးမြို့တော် စည်ပင်သာယာရေးကော်မတီ ဥပဒေနဲ့ ကူးစက်ရောဂါ တိုက်ဖျက်ရေး ဥပဒေတို့အရ အရေးယူသွားမယ်လို့ မန္တလေးစည်ပင်က ထုတ်ပြန်ထားပါတယ်။
ထုတ်ပြန်ချက် စာရင်းအရ မန္တလေးမြို့မှာ စားသောက်ဆိုင်ပေါင်း ၁၇၉၈ ဆိုင်၊ လက်ဖက်ရည်ဆိုင် ၁၂၁၁ ဆိုင်နဲ့ အအေးဆိုင် ၄၀၉ ဆိုင်ရှိတယ်လို့ သိရပါတယ်။
Photo - Kaung Zaw Hein / MPA 
