ပျက်စီး

May 30, 2021

ဘုရားသုံးဆူမြို့၌ ပစ်ခတ်ဗုံးကွဲမှုများကြောင့် စာသင်ကျောင်း ၃ ကျောင်း ပျက်စီး

ကရင်ပြည်နယ်၊ ဘုရားသုံးဆူမြို့မှာ လက်နက်ကြီးနဲ့ ပစ်ခတ်ခတ်မှုနဲ့ ဗုံးပေါက်ကွဲမှုတွေ ဖြစ်ပွား ခဲ့တဲ့အတွက် စာသင်ကျောင်း ၃ ကျောင်း ပျက်စီးသွားတယ်လို့ မြို့ခံတွေက ပြောပါတယ်။

လက်နက်ကြီးပစ်ခတ်မှုနဲ့ ဗုံးပေါက်ကွဲမှုတွေကြောင့် ဘုရားသုံးဆူ အထက်တန်းကျောင်း ရုံးခန်း မီးလောင်ပျက်စီးခဲ့ပြီး အမှတ် ၁ ရပ်ကွက် မြို့ပြင်မှာရှိတဲ့ အ.ထ.က မူလွန်ကျောင်း(မြပန်း)ရဲ့ အုတ်တံတိုင်းပြိုကျပျက်စီးခဲ့သလို အမှတ် ၃ ရပ်ကွက် ရပ်ကွက်မှာရှိတဲ့ မူလွန်ကျောင်းအဆောက်အအုံ အနည်းငယ်ပျက်စီးခဲ့ပါတယ်။

“ကျမတို့မြို့ ထိခိုက်အောင် ဘယ်သူမှမလုပ်ဘူး။ ပေါက်ကွဲတဲ့ကျောင်းကြီးက ကိုယ်ထူ ကိုယ်ထ ကျောင်း။ အဆောက်အအုံ ပျက်စီးတာတွေတော့ ရှိတယ်။ လူထိခိုက်မှုတော့ မရှိဘူး” လို့ မြို့ခံ ပြည်သူတစ်ဦးက ပြောပါတယ်။ 

ပေါက်ကွဲမှုဖြစ်ပွားရာကို အကြမ်းဖက်စစ်ကောင်စီရဲ့ စစ်တပ်နဲ့ ရဲတွေရောက်ရှိလာပြီး စစ်ဆေးနေကာစာသင်ကျောင်းအနီးတဝိုက် လုံခြုံရေးရယူထားပါတယ်။

ဒေသခံ ၆ ယောက်ထက်မနည်းကိုလည်း မသင်္ကာမှုနဲ့ ညတွင်းချင်း ဖမ်းဆီးသွားတယ်လို့ ဖမ်းဆီးခံရသူနဲ့ နီးစပ်သူ တစ်ဦးက ပြောပါတယ်။

2 weeks Ago

January 15, 2021

ဘင်္ဂလားဒေ့ရှ်တောင်ပိုင်းက ဒုက္ခသည်စခန်းတွင် မီးလောင်၊ နေအိမ် ၅၅၀ ကျော် ပျက်စီးဆုံးရှုံး

ဘင်္ဂလားဒေ့ရှ် တောင်ပိုင်းက ဒုက္ခသည်စခန်းမှာ ဇန်နဝါရီ ၁၄ ရက် မနက်အစောပိုင်းက မီးအကြီးအကျယ်လောင်ခဲ့ပြီး ထောင်နဲ့ချီတဲ့ လူတွေ ပိုင်ဆိုင်တဲ့ နေအိမ်တွေ ပျက်စီးခဲ့တယ်လို့  ကုလသမဂ္ဂက ပြောပါတယ်။ လူပေါင်း ၃,၅၀၀ လောက် နေထိုင်တဲ့ နေအိမ်ပေါင်း ၅၅၀ ကျော်ဟာ လုံး၀ ဒါမှမဟုတ် တစိတ်တပိုင်း မီးလောင်ခဲ့ပြီး NGO အဖွဲ့တွေရဲ့ ဈေးဆိုင် ၁၅၀ လောက်နဲ့ အဆောက်အဦ တခုလည်း  ပျက်စီးခဲ့တယ်လို့ ကုလသမဂ္ဂ ဒုက္ခသည်များဆိုင်ရာမဟာမင်းကြီးရုံး (UNHCR)က ဆိုပါတယ်။  မီးလောင်မှုကြောင့် သေဆုံးဒဏ်ရာရတဲ့ သတင်းကို မသိရပါဘူး။  ကော့ဘဇားဒုက္ခသည်စခန်းက နေရပ်စွန့်ခွာခဲ့ရတဲ့ ဒုက္ခသည်တွေကို နေစရာ၊ ဆောင်းရာသီ အဝတ်အထည်၊ အစားအစာနဲ့ ဆေးဝါး ပံ့ပိုးနေတယ်လို့ UNHCR က ပြောဆိုပါတယ်။  ဘင်္ဂလားဒေ့ရှ် တောင်ပိုင်းမှာ နေရပ်စွန့်ခွာ ဒုက္ခသည်ပေါင်း ၁ သန်းကျော် နေထိုင်နေတယ်လို့ ရိုက်တာသတင်းမှာ ဖော်ပြပါတယ်။
5 months Ago
More News
Up