ပျက်ကျ Y8 တပ်မတော် ပို့ဆောင်ရေး လေယာဉ်မှာ ပါသွားခဲ့သူတွေရဲ့ ကျန်ရစ်သူ မိသားစုဝင်တွေအတွက် ဧရာဝတီတိုင်းဒေသကြီး အစိုးရအဖွဲ့က အလှူငွေပေးအပ်လှူဒါန်းခဲ့ပါတယ်။ အလှူငွေပေးအပ်ပွဲကို ဒီနေ့ မနက်ပိုင်းက အနောက်တောင်တိုင်း စစ်ဌာနချုပ် မြရာခန်းမမှာ ပြုလုပ်ခဲ့တာဖြစ်ပြီး ဧရာဝတီတိုင်း ဒေသကြီး အစိုးရအဖွဲ့က လှူဒါန်းငွေ ၉၂၅၅၀၀၀ ကျပ်နဲ့ တိုင်းဒေသကြီး လွှတ်တော်ဥက္ကဋ္ဌ ဦးအောင်ကျော်ခိုင်က ၁၀ သိန်း လှူဒါန်းခဲ့ပါတယ်။ ဇွန် ၇ ရက်နေ့က ပျက်ကျခဲ့တဲ့ Y-8 လေယာဉ်ကနေ စုစုပေါင်း ရုပ်အလောင်း ၉၃ လောင်းကို ရှာဖွေတွေ့ရှိထားပြီး စုစုပေါင်း ၁၂၂ ယောက် လိုက်ပါခဲ့တာ ဖြစ်ပါတယ်။ ဓာတ်ပုံ - မန်းဂျော်နီဖေ့စ်ဘွတ်ခ်

ပျက်ကျ Y-8 လေယာဉ်မှ လေယာဉ်ကိုယ်ထည် အလူမီနီယံအပိုင်းအစ ၆ ခုကို ဒီနေ့မနက်ပိုင်းက ထပ်မံ ဆယ်ယူရရှိခဲ့ပါတယ်။ တပ်မတော်(ရေ)မှ ဆိုနာစနစ်နဲ့ ဖမ်းယူရရှိတဲ့ ပုံရိပ်တွေအပေါ်မူတည်ပြီး ငါးဖမ်းပိုက် တွေနဲ့ တရွတ်ဆွဲရှာဖွေရာ လေယာဉ်အမြီးပိုင်း တွေ့ရှိခဲ့တဲ့ နေရာအနီးတစ်ဝိုက်မှာ ဒေသခံငါးဖမ်းစက်လှေတွေက ဆယ်ယူရရှိခဲ့တာလို့ တပ်မတော်ကာကွယ်ရေးဦးစီးချုပ်ရုံးက သတင်းထုတ်ပြန်ပါတယ်။ ကျန်ရှိနေတဲ့ လေယာဉ်ကိုယ်ထည်အစိတ်အပိုင်းတွေ ရရှိရေးအတွက် တပ်မတော်(ရေ)မှ စစ်ရေယာဉ်တွေ၊ ကျွမ်းကျင်ရေငုပ်စစ်သည်တွေ ဒေသခံငါးဖမ်းစက်လှေတွေ ပူးပေါင်း ရှာဖွေရေး လုပ်ငန်းများ ဆက်လက်ရှာဖွေနေတယ်လို့ ဆိုပါတယ်။ ပြီးခဲ့တဲ့ ရက်ပိုင်းတွေကလည်း လေယာဉ်အမြီးပိုင်းနဲ့ လေယာဉ်ပျံသန်းမှု အချက်အလက် မှတ်တမ်းတင်ကိရိယာ Black Box ကို ရှာဖွေတွေ့ရှိထားပြီး ဖြစ်ပါတယ်။ လူပေါင်း ၁၂၂ ယောက် လိုက်ပါခဲ့တဲ့ Y-8 လေယာဉ်ဟာ ဇွန် ၇ ရက်နေ့က ပျက်ကျခဲ့တာဖြစ်ပြီး ဒီနေ့ထိ စုစုပေါင်း ၉၃ လောင်း ဆယ်ယူရရှိပြီးဖြစ်ပါတယ်။

ကိုလံဘီယာနိုင်ငံမှာ လေယာဉ်ပျက်ကျ သေဆုံးခဲ့တဲ့ ဘရာဇီးနိုင်ငံ ချာပက်ကိုအန်ဆီ ဘောလုံးအသင်းသားတွေအပါအဝင် စုစုပေါင်း အလောင်း ၇၁ လောင်းကို အမိနိုင်ငံအသီးသီး ပြန်လည်သယ်ဆောင်ပြီး ဘောလုံးအသင်းသားတွေရဲ့ အလောင်းတွေကိုလည်း အခမ်းအနားနဲ့ ဘရာဇီးလ်နိုင်ငံကို ပြန်လည်သယ်ဆောင်ခဲ့ပါတယ်။ ချာပက်ကိုအန်ဆီဘောလုံးအသင်းရဲ့ ကစားကွင်းမှာ ကျင်းပမယ့် ဈာပနအခမ်းအနားကို လူပေါင်း ၁ သိန်းကျော် တက်ရောက်မယ်လို့ ခန့်မှန်းကြောင်း သတင်းမှာ ဖေါ်ပြထားပါတယ်။ ဘောလုံးအသင်းသားတွေဟာ နောက်ဆုံးပွဲစဉ်ကို ကစားဖို့အတွက် ချာတာအဲဒီလိုင်းပိုင် လေယာဉ်နဲ့ ပျံသန်းစဉ် ကိုလံဘီယာနိုင်ငံ မဲဒလင်းမြို့ရဲ့အပြင်ဘက်မှာ နိုဝင်ဘာလ ၂၈ ရက်နေ့က လေယာဉ်ပျက်ကျခဲ့တာ ဖြစ်ပါတယ်။ ဒီဇင်ဘာလ ၂ ရက်နေ့က အလောင်းတွေကို မဲဒလင်းလေဆိပ်ကနေ သယ်ဆောင်စဉ် လူပေါင်း ရာချီ လာရောက် ဂါရဝပြုကြပါသေးတယ်။ ပါရာဂွေးနိုင်ငံမှ လေယာဉ်ဝန်ထမ်းရဲ့အလောင်းကို မိသားစုထံ လွှဲပြောင်းရန် ပါရာဂွေးနိုင်ငံ သယ်ဆောင်သွားပြီး အခြားသေဆုံးသူတွေဖြစ်တဲ့ ဘရာဇီးလ်လူမျိုး ၆၄ ဦး၊ ဘိုလစ်ဗီယားလူမျိုး ၅ ဦးနဲ့ ဗင်နီဇွဲလားနိုင်ငံသား တဦးတို့ရဲ့အလောင်းတွေကိုလည်း သူတို့ရဲ့ နိုင်ငံအသီးသီးသို့ ပြန်လည်သယ်ဆောင်သွားပါတယ်။ ဒီသေဆုံးသူတွေထဲမှာ ချာပက်ကိုအန်ဆီဘောလုံးအသင်းမှ အသင်းသားစုစုပေါင်း ၁၉ ဦးဖြစ်ပြီး အခြားသူတွေကတော့ အသင်းရဲ့အထောက်အကူပြုဝန်ထမ်းတွေနဲ့ အသင်းရဲ့သတင်းတွေကို ရေးသားထုတ်ပြန်မဲ့ သတင်းထောက်တွေ ဖြစ်တယ်လို့ သိရပါတယ်။ ဘရာဇီးလ်နိုင်ငံ ချာပက်ကိုအန်ဆီဘောလုံးအသင်းမှ ကစားသမားတွေ စီးနင်းလိုက်ပါလာတဲ့ လေယာဉ်ဟာ နိုဝင်ဘာလ ၂၈ ရက်နေ့က ဘရာဇီးလ်နိုင်ငံမှ ထွက်ခွာပျံသန်းသွားပြီး ကိုလံဘီယာနိုင်ငံ မဲဒလင်းမြို့ရဲ့အပြင်ဘက်မှာ လေယာဉ်ဆီကုန်ပြီး ပျက်ကျခဲ့တာလို့ သိရပါတယ်။