ပျက်ကျလေယာဉ်

June 23, 2017

ပျက်ကျလေယာဉ် ရှာဖွေရာတွင် ကူညီပေးနေသည့် ရေငုပ်သမား ကွယ်လွန်

ပျက်ကျ Y-8 လေယာဉ်အစိတ်အပိုင်းအား ဆယ်ယူရာမှာ ကူညီဆောင်ရွက်ပေးနေတဲ့ ရေငုပ်သမား ဦးစောနောင်ဟာ ဇွန် ၂၂ ရက် ည ၉ နာရီက ကွယ်လွန်သွားပါတယ်။ တပ်မတော်ပို့ဆောင်ရေး Y-8 လေယာဉ် အစိတ်အပိုင်းအားဆယ်ယူဖို့ တပ်မတော်နဲ့ပူးပေါင်းပြီး ကူညီပေးနေတဲ့ ဒလမြို့နယ် အဏ္ဏ၀ါမင်းရေငုပ်အဖွဲ့မှ ရေငုပ်သမား ဦးစောနောင်နဲ့ ဦးသန့်ဇင်ဦး တို့နှစ်ဦးဟာ ရေထုဖိအားကြောင့် ခန္ဓာကိုယ်ထိခိုက်ဒဏ်ရာရှိခဲ့ပြီး ဇွန် ၁၈ ရက်က ရန်ကုန်တိုင်းဒေသကြီး၊ မင်္ဂလာဒုံမြို့နယ်ရှိ တပ်မတော်ဆေးရုံကြီးမှာ ဆေးကုသမှုခံယူနေရာကနေ ဦးစောနောင် ကွယ်လွန်သွားတာလို့ တပ်မတော်က သတင်းထုတ်ပြန်ပါတယ်။ ဆေးကုသမှုခံယူနေစဉ်အတွင်းမှာ တပ်မတော်ဆေးရုံမှ ကျွမ်းကျင်ပါရဂူတွေနဲ့ အထူးကြပ်မတ်ကုသပေးခဲ့တယ်လို့ ဆိုပါတယ်။ ဦးစောနောင် ကွယ်လွန်သွားတဲ့အတွက် တပ်မတော်က ကျန်ရစ်သူ မိသားစုနဲ့ထပ်တူ ၀မ်းနည်းပါကြောင်း၊ ကျင်ရစ်သူ မိသားစုတွေရဲ့ လိုအပ်ချက်တွေကိုလည်း စီစဉ်ဆောင်ရွက်ပေးသွားမယ်လို့ ဆိုပါတယ်။ လူပေါင်း ၁၂၂ ယောက် လိုက်ပါခဲ့တဲ့ Y-8 လေယာဉ်ဟာ ဇွန် ၇ ရက်နေ့က ပျက်ကျခဲ့တာဖြစ်ပြီး ဒီနေ့ထိ စုစုပေါင်း ၉၃ လောင်း ဆယ်ယူရရှိပြီးဖြစ်ပါတယ်။
4 years Ago
Up